معاناة امرأة

( البارت 19)

#معاناة امرأة...

#نورا الرماحي...

🌹🌹🌹

مخطئ من قال فاقد الشيء لا يعطيه..
لأن أكثر الصدور حناناً هي أشدها حاجة للحنان...
وان أكثر القلوب نبضاً بالحب هي أكثرها إفتقاداً له...
وأكثر النفوس نقاءًا وقناعة هي أحوجها للإحتواء...
فرفقاً بقلوب أتعبها الزمن وارهقها تعب السنين...
👒👒👒👒👒👒👒👒👒👒👒👒👒
مساءكم 💁نقاء الحب💞 وروعته 🎀وجماله😘😍
.
.
ريم.....

صار العصر احتفلنا بعيد الميلاد التوأم جهال ام اية..

وشفت ياسمين وحجيتلها عن سفرتنا كالت ..حدزلج برموده كابوي مالتي خاف تروحين للمصايف😍

خلص عيد الميلاد..
و رجعنا كلنا للبيت

سوينا عشا تعشوو الكل بيومها ورحت احضر ملابسنا واني فرحانة مامصدگة..

جان عندي جنطة سفر صغيره ام الجروخ

خليت ملابسي اني وانور وجنطه صغيره لروضي وجنطه مال ايد بيها حلويات واكل ومي للطريق ..

روضي ظل يلوب وكوة كملت ترتيب الجط..

وحضرت ملابسنا الي نروح بيها ..

جان عندي MP3 مره اشتريته من ام رنا جديد ونطيته لام انور ودته لابو حاسبات خلالي بي اغاني..

وانور من جان عنده اللابتوب نقلت بي اغاني من الرام مالتي كلت بالطريق اخلي بأذني السماعات واسمع

انور كال.. نطلع ب 5 الصبح ع مود ع وكت نوصل لاربيل

واتفق وي منذر يوصلنا لكراج النهضه لان انور باع سيارته واخذ غير وحده موديل نيسان..

انور من اخذته اني برغي سياره ماجان عنده وفلوسه 100 الف مابيها

صار خير عنده ودولارات يشتغل وسفرات الله فتحها عليه ماامدح بنفسي بس اني وجهي خير عليه جان وع اهله ووكت الحجي يكلي بنت الفگر انتي😒

نمنا من وكت والصبح كعدت سويت جاي لانور وبدلت لروضي اخذتله وياي جيس حفاظات لان طريق طويل

هوصح تعلم يدخل للحمام بس وين ماكو حمام بالمنشأه لما نوصل وصلنا للكراج وانور ومنذر راحو حجزو بطاقه..

وام انور جانت جايه ويانا ودعتنا واخذنا غراض مال ام زهور ويانا جنطتين ودعناهم وصعدنا بالمنشأه وتحركت بينا..

وطلعنا  ...(وياريتني  مارايحة  وياه 😔)..

الطريق طويل...و روضي جاع

نطيته بسكت عصير وشوي ونام اني هم خليت السماعه بأذني وظليت اسمع..

انور هم مخلي سماعه جان بتلفونه..

المنشأه جانت عاليه حلوه اول مره اصعد بمنشأه واسافر الاجواء،جانت غريبه دهشتني😍

نمنا شوي وكعدني انور سيطره وكفتنا نزلو النسوان يطبون لكرفان تفتيش والرياجيل هم فتشوهم وجلاب بوليسيه تفتر..