معاناة امرأة

الجزء الثاني ( البارت الاول )

#معاناة امرأة...

#نورا الرماحي...

............................

هلو حبايبي  مشتاقتلكم  گومات 😍😘😘

ورجعتلكم بالجزءالثاني من
قصةّ ..معاناة امرأة..
انوه  انو النشر  راح يكون  حسب  مجالي  لسبب قرب  امتحانات  نصف السنة الدراسية لبناتي لانشغالي  بتدريسهم..
وشكرا  لتعليقاتكم الحلوة بالجزءالاول  يلا تعالوا  نشوف  شصار  بريم  بعد  زواجها  😊...
....................

في كل  جزء حكاية...
بين  عبق الماضي  ومحاولة  مسايرة  الحاضر  وما يخبئه  المستقبل...

في  مكان  ما باجمل  عواصم  العالم  بغداد...

تسللت  اشعة الشمس  من  خلف  ستائر  غرفتها المظلمة...

لعلها  تنير  ولو شئ بسيط  وتكافح  وتحارب ظلام  عالمها  الدامس  بعد ان ارهقتها  ظلم وغدر السنين ..

تحركت  قليلا  على   فراشها   واغمضت   عينيها بكف يديها بعد  رات  الضوء يتسلل  من  خلف  الستائر...

وعادت  فتحتهما  ونظرت الى جانب  سريرها لترى   هاتفها  الخلوي...

مدت  يدها  وتناولته  وبدءت  بلمسه  كي  تعرف الوقت..

وجدت  الساعة  في  11 صباحا ...
تحركت  بسرعة  وقامت من  فراشها لتذهب  الى  المطبخ.....

ريم وهي  شافت  امها كاعدة بالمطبخ  تشرب كهوة...
ريم بتثاقل.. صباح الخير ماما

هدى...صباح النور ليش  اتاخرتي بالنوم.
ريم...ماكدرت انام الليل  كله  افكر بجهالي😢...مشتاقتلهم ماما 😭

هدى وهي كامت لبنتها وحظنتها وتواسيها وتصبرها...

فدوةاروحلج ياماما  لااظلين تحركين بنفسج خل يولي هو وخلفته

شتتوقعين البزر الي يطلع  من  هيج  اب  مثل  انور

شيصير هومن اول ليلة كلتي طلع على حقيقته...

ريم وهي حاضنةامها وتسمعها راحت بذاكرتها الى ليلةزواجها من انور😥..

واذكرت كلامه وتهديده الها...

ظليت صافنه ع كلام انور  وبنفس الوقت خفت ...

ريم.. انور شقصدك؟!

انور..ماقصدي شي بس داوضحلج حياتنا الجايه😉

بلعت ريگي بخوف هو ابتسم
كال ..يلا كومي نصلي

كتله ..اي خلي اغسل  وجهي  واتؤضى..

كال.. زين خلي اروح اتوضأ اني هم وانتي  البسي كاب مالتج ونصلي..

هزيت راسي و كمت..

وبدلتي ثكيله كوه اتحرك بيها رحت اتؤضيت
ورجعت وكفت اكبال المرايا اباوع ع نفسي