معاناة امرأة

البارت١٤

گشـخ بيـه
#التعـب
متلوگلـي من #ارتـاح
وجـع زايـد تـره
المـذبوح مـن #يـرفس😔
.
.
.
هلوحبايبي مشتاقون😘🌹❤
.
.

بعد ما ام قصي طلعت من عدنا ظلت امي حايره  ومتعرف شسوي ؟

وانوب منين طلعت هاي  السالفه جانت عايزه والتمت...

مرت ايام امي حاولت تبين بيها طبيعيه بس متكدرشي بداخلها يغلي ويشتعل مثل النار ..

صادف  بذيج الايام مولود النبي ( صلى الله عليه وسلم )..

  بيت جدي قررو نروح لحديقه 14 تموز الي بالكاظميه ونزور الكاظم سلام الله عليه وابو حنيفه النعمان..

ومناك كلمن يروح بيته 😊بوقتها صديقةامي ساميه واختها هم جوي ويانا..

وابويه  كالعاده ماكو..المهم رحنا لمه حلوه كلنا للحديقه واخذت بيبي اكل اشكال و جان الجو  بيومها كلش حلو صح صيف بس مو مثل حراره الصيف هسه...

دخلناللامام و  زرنا ورجعنا نتمشئ ع الجسر مال الائمه دانعبر لابي حنيفة...

اني كتلكم  من قبل مجنت احب ساميه هي بيومها جانت كايدتني ولازمة ايدي وتمشيني وياها...

اني ضجت منها و فلتت ايدها وكمزت وانلف ع رجلي سيم مااعرف منين اجاني..

هي ركضت عليةوانلف السيم هم عليهاوهي تحاول وتريد توخره ماتكدر😵..

واني هم وصلت بنص الجسرونزلت من الرصيف مااكللكم صرت يعني بنص الشارع اريد اوخره مااكدر..

الجسر مجان بي سيارات لان احتفال  بس فجأه اجي كوستر من بعيد طاير😵

واني اجر بالسيم وساميه تجر وامي تعيط والكل تصيح ساميه كمزت وشمرتني ع الرصيف ونامت عليةحسيت بثكل صار على جسمي وراسي

بس ماكدراتحرك  كمت اسمع اصواتهم بس  هم مااكدر ارد عليهم..

نزل السايق واجى يركض  طبعا ساميه تعورت بيدها واني راسي انضرب بالرصيف واتعورت ورجلي وايدي اتجرحت

وامي تملخ بروحها عبالها تكسرت كوموني كوه والرجال السايق  يحلف ويكول والله هي طلعت كدامي  امشي اخذكم للمستشفى بس لاتشتكون عليةعندي جهال بركبتي والله😢

و اجا المرور والتمت الناس صارت هوسه بذيج المغربيه

امي كالت لا عيني مانشتكي والصوج من بنتي هي كمزت

بعدين خالي  فهد هم كال مابيهم  شي اخوية اتوكل بالله وروح الله وياك..

وراح السايق وهو يتشكر من عدنا و ساميه اخذت اختها بتكسي وراحت للمستشفى جان وياهم اخوهم الصغير..

اما احنا ودوني للمضمد جان اكو مضمد قريب يم بيت جدي ضمدلي الجرح مجان بية شي مجرد جروح  سطحيةيعني...