معاناة امرأة

( البارت ٢٤)

#معاناة امرأة..
#نورا -الرماحي..
٠٠٠٠٠٠٠٠٠٠
هلو حبايبي😘😘❤🌹
.
.

‏ما أجمل صمتي وأنت بين أفكاري ..
عجبا لقلبي يشتاقك وأنت فيه مقيم ...

.
.
.

سنه 2007 اسوء سنين حياتي الي  شفت بيها هواي امور تغيرت بينا

بعد ماجنا بسابع سما مثل النجم اليلمع صرنا تحت الارض بيوم وليله😢

و ظهرت الوجوه بعد هاي السنه ع حقيقتها وكلمن جان يتلوكنا بين ع حقيقته وطلع وجهه الحقيقي ولسان الافاعي الي تشر سم😠

من بعد 2007 سنه جرت سنه وبدت تعاسه الايام تظهر اكثر واكثر  ..

بهاي السنه بابا طلعوه تقاعد وماما طلعت مريضه بالغده ومروان  اختفى  من حياتي كأنه كان  مثل طيف او حلم حلو💔..

فزيت منه ع واقع مرير طعمه مر بشكل  مخيف مثل المسخ😢

الدنيا شوفتني وجهها الحقيقي الي ولاهلي وياهو الي جان يخاف منا صار يثرد بدمنا😢

كمت  اتمنى  واكول  ياريت ارجع طفله بصف الاول ابتدائي 😢

مااعرف شي غير احل دروسي واباوع كارتون وانام والعب خرز وتوكي وانيم لعابتي يمي بفراشي😢

كبرتني السنين بساع بدون مااحس ولاعرف بنفسي وصرت اتعاقب ع اشياء اني مامسويتها😢

الشي الوحيد الحلو الصار  انو اني نجحت وتخرجت من الثالث ووعدني بابا انو يسجلني بالاعداديه القريبه يم بيتنا

جانت احلامي مخربطه وماعندي شي ثابت يوميه اريد شي مره اريد دكتوره.. مره مهندسه ..مره محاميه.. مره اعلاميه... ومره مدرسه ..ومره ممثله😂

يعني ماجان اكو شي هدف معين..

وحتى مشاعري مخربطة جانت،مثل فصول السنه تزدهر بالربيع وتتهيج بالصيف وتذبل بالخريف وتتجمد بالشتاء هيج جانت مشاعري كل ساعه شكل...

وهاي جانت ماساةحياتي😢 يمكن لان ماجان عندي هدف بالحياة اسعى لتحقيقه 💔.

مرت خالي فهد  ب ٢٠٠٧صارت عدها بنيه وسمتها طيبه لان شون امي رادت هل الاسم تسميه وهي غيرة لازم  تسميه..

البنيه جانت نسخه من امها جنها هايشه مصغره ههههه طبعا هاي البنيه كوه صارت الا خالي سوة عمليه دوالي يلا صارت...

عمي سليم هم صارت عنده بنيه وسموها هند جانت جنها امها هذيج الثانية هم مسلوعه ..

وخبصو الدنيا بيها عبالك سندريلا  طبعا ابويه وعمامي مثلنا كلهم ولد وبنت ابد ماكو زياده

بس طبعا اني اكبر من ولد عمي والبنات بس عماتي الكبار لا ولدهم وبناتهم اكو اكبر مني..