معاناة امرأة

( البارت 14)

#معاناة  امراه..

#نورا الرماحي..

............

هلوحبايبي  فديتكم  حبيباتي  على  تعليقاتكم  الحلوة واعذروني  لعدم  الرد لانشغالي  بالبيت  والكتابة بس  اشكركم  واحبكم  مووووت  نشرت  هسة  لان  عندي  بليل  خطار  كملت  كتابة  هسة  ع السريع   😘❤
.
..
....
......

واكتفيت بنفسي..

وما عدت احلم بالكثير..

فالكثير هو..

ان اعطي وقتي..

وتفكيري...

لصغائر الامور..

وابعد الاحلام تحققاً..

فشكراً لمن ايقضني من حلم الى كابوس...

ريم...

كالت  زينة..بس لاادكولين لاحد

كتلها ..المن اكول

كالت.. اي بس  انبهج..اسمعي مو غير ابويه لكفني احجي بالفون

كتلها ..وانتي منيلج فون

كالت.. فون سري

كتلها ..ويامن جنتي تحجين

وكامت  تحجيلي  سالفتها..

طلعت متعرفه بواحد اخو صديقتها وناطيها فون بالمدرسه

تكول يشبه اوراس  ستار وع اساس يتقدملها

ومن ابوها لكفها لزمها كتلها ذيج الكتله وهي سوت هيج حتى يفكون منها

كتلها ..خرب اهلج لج انتي من اول ماشفتج عرفت جذابة ومابيج شيء😒

كالت.. فدوه ريم لاتحجين  لاحد

كتلها.. لا شحجي  واني شعلية  بيج  كافي  الورطة  الي  ورطتيني  اياه..اي  عيني كملي وتالي..

كالت.. الولد تقدملي عنده محل مال حاسبات وابويه طرده

ورجع علية راد يكتلني وامي وكفت وياي وكوه جاز مني

كتلها.. وهسه

جان اطلع فون من صدرها

كتلها.. عزه العزاج😱

حطت  ايدها  على  حلكي

و كالت ..ولج صوتج لاتسمعنا امي😥

كتلها ..هذا منين جبتيه

كالت.. مال امي قديم متدري بي شون اخابره لعد  يلا  هسة  خليني  بعد  اخابره  هسة  ينتظرني

وجان تغطي راسها بالبطانية..

وكامت تخابر

واني درت وجهي  وكمت  افكر  كلت  اي  انتي  اتهني  بشبابج  ودراستج  واني  ورطتيني😢

ونمت لان مالي خلك اسمع قصصهابعد  لاياكلني  القهر😥

كعدت الصبح الكل نايم..