معاناة امرأة

( البارت 15)

#معاناة امراءة..

#نورا الرماحي..

🌺🌺🌺🌺🌺🌺

هلو  حبايبي  صباح الورد لعيونكم 

ريم  جانت  مريضة  خطية  وبارحة  اتصلت  بية  وكتبت  البارت  تشكركم  جميعا  على  سؤالكم  عنها..

وآسفة  عالتاخير💐🌺💖😘

🌺🌺🌺🌺🌺

‏بالغصب ..؟؟

بالكيف مو بالكيف ...

‏كلها تريد توجع ذاك البصدرك  ...!!!

انصقعنا من الخبر محد متوقع جاسم يموت ..

وهو انوب اقرب شخص لانور بحيث ميتفاركون عبالك تؤام وضحكهم طلعتهم طبتهم سوا

مااوصف  حال  انور  فقط  اكول  انهار  انهيار  جان  يبجي  مثل النسوان..

راحت ام انور وام ايه وام رنا ابو رنا اخذهم

ضحئ كامت تبجي اني مبجيت ابد
بس بداخلي  جنت  مصدومة  وانقهرت كلت بعده شاب مافرح بأبنه😢

وبالي  راح  كبل  يم  صفا  وشراح يصير  بيها  من تدرى بوفاته😢 اوف  الله  يساعدكلبها...

ظلينا وحدنا  اني  وضحى  ونرجس...

وكل وحده جتي شمرت جهالها يمنا  وراحن  للفاتحة

طبعااتعس فقره هي من تصير مناسبه او فاتحه يجن يذبن جهالهن  عدنا  وهوسة  الجهال تصيرعبالك  مدرسة  هههه

ام زوجها لام ايه من ماتت ذبت جهالها اسبوع وكتها ولعبووها لنفسي طلبات متخلص و مدللين ومايسمعون كلام وتعال اركض وراهم وعلمهم..

راحوو للفاتحه واحنا وحدنا والبيت مابي مسواك وذوله جهال مفجوعين...

كتلها لضحئ.. امج بس سمعت فاتحه خلت عباتها بحلكها وركضت مكالت هذا الجيش شنحط،كدامه بلةهسة  شون  ندبرها

كالت.. عود نخلي لينا تخابرهم..

طبعا انور وكتها سحب الفون مني لان ام رنا سوت مشكله وتكله ريم تخابر اهلها وتنقل اليصير الهم وهو صدكهم واخذ الفون  مني

  عبالهم  انقل  سالفة  نرجس  ومنذر 😒

وظليت بلا فون اتوسل بي داخابر امي دقيقه ويسده

لو يكلي.. ماعندي رصيد سويلها مسكول تخابرج مو اشد الرصيد لسواد عينج انتي وامج...

ظلينا 3 ايام واحنا نكظيها كوه ندز الجهال يجيبون مسواك من بيتهم  لان  لا  اني  ولاضحى  نملك  فلس...

امي مخابره ع ام انور وسأله عني...

عاد  ام  انور كايله الها ..جاسم مات

عاد امي جايه لبيت جد انور وشايفه ست الحسن نبراس بنت عم انور الحب القديم الي ظهرت ع الساحه ولواكتها وي انور وامه والبنات