معاناة امرأة

( البارت العاشر)

#معاناة امرأة

#نورا الرماحي

.......

هلو حبايبي فديتكم  منورات  😘😍
.
.

‏ذاكرتي لعينة تُعيد عرض كل التفاصيل

‏اين حقوق النسيان ؟؟؟

ريم...

كمت ابجي رحت للغرفه ذبيت ملابسي وهمزين باقيه كم فوطه عندي

ورحت غسلت وبدلت

وصعدت لخاله ضمياء

جانت دتطبخ اتفاجأت بية

و كالت هاا يومه مارحتي لاهلج؟

كتلها ..خاله لحكيلي😭

كالت ..شبيج ريم 😱

كتلها ..دم خاله دم  ينزل  مني

كالت ..من وين😱

كتلها... دانزف يمكن مااعرف 

كالت.. عززه صخام من شوكت ؟

كتلها.. هسه واكفه داغسل هدوم جان  ينزل علية ومااعرف شسوي😭

و انور كسر تلفوني جان هسة

خابرت امي

فدوه خاله ودوني لاهلي مات الطفل موو 😭

كامت  تهدئ بية  ..

وكالت.. لا اسم الله باعي
انزلي اتمددي
وخلي مخده جوا رجلج

ولاتتحركين نامي ع ظهرج

اخاف اسقاط صار عندج يحظي

كتلها ..شون خاله 😱

كالت.. انور وين ؟

كتلها ..ماادري طلع من الصبح

كالت ..خلي بس افض الاكل وانزلج

نزلي ع كيفج هسة واني شوي واجيج

نزلت  وسويت نفس مكالت ..

ورا شوي هي نزلت

كالت ..هاا ماما طمنيني ؟

كتلها ..خاله بطني وظهري يتكطع
عبالك الشهريه جتي

زين اني حامل الشهريه تجي عادي

كالت.. لا ريم هاي دتنزفين من اثر عركه بارحه

زين هو ضربج ع ظهرج ؟

كتلها.. ايي 😭ودفعني ووكعت اهنا وااشرتلها ع حافه السرير

جانت خشبه حاده

كالت.. شوو بالله اشوف ظهرج

رفعت دشداشتي واني ميته خجل منها

و جان تشهك😱

كالت.. ولج هاي شنوو اثر ضرب

كتلها.. مو كتلج ضربني بالحزام