معاناة امرأة

( البارت الاخير )

#معاناة امرأة

#نورا الرماحي

🌹🌹🌹🌹🌹🌹🌹

هلو حبايبي 😘😍
ووصلنا للختام.. متابعة شيقة.

اسمعوا الاغنية بالغلاف تنطبق ع ريم.
.
.
.

تلك اللحظة التي تكون فيها جالسا بين جمع من الناس..

فجأة يرن إشعار جديد في عقلك فتبدأ بقراءته و تتمعن في محتواه فيشتد تفكيرك
و بعد ثواني لا تتجاوز الدقيقة تجد نفسك كأنك تخدرت
و تجول عالما آخر و أصوات من حولك كأنها ابتعدت
و لا تفهم حتى كلماتهم..
يخفق قلبك بشدة..
لا تستطيع أن تحضر بالك..
تغص حنجرتك..
تتعالى أنفاسك..
تتغير ملامح وجهك . .
تمتلئ عيناك شيئا فشيئا فتفيض دمعة مرورا بخدك فتكون سببا في استفاقتك في موضع جد محرج...
تتسارع سرعة البرق لإخفاء الدمار الذي حدث لك في ثوان معدودة و لكل طريقته في التمويه..
فبعد أن تمسح دمعتك بيد و ترجع قناعك الذي سقط باليد الأخرى . .
تنظر فيهم و كأنهم نيام أوضحايا حرب لكن لن تهتم لهم كثيرا . .
فالأهم انه لم يتخطى أحدهم عالمك بأدنى ملاحظة..
فتحمد الله . .
وتكتم نفس الصعداء بداخلك ...

و تستمر االحياة.... 💔.
..........................

ريم..

بيت خاله عذراء سافرو شهر لتركيا سياحه واجوي..

اخذو امهم (بيبي) وياهم خطيه كلش تعبت طياره وسفر وهي موزين عليها بس اخذوها وياهم وين يعوفوها وكعدوها بكرسي ويفروها . .

لان صار جم سنه مطالعه وهي قبل لاتنشل بكم سنه متعوده ع الطلعه والطبه والسفر..

من رجعوو خطيه اسبوع وتؤفت لان كلش تعبت احنا جنا طالعين يم دكتور ابو العيون ( رعد العبيدي ) بالمستشفى مالته ..

وخابرتنا خاله سمر تكول بيبي ماتت كلش انقهرت وامي هم😢
بساع رجعنا وامي ابويه اخذها وصلها لبيت خاله عذراء جانت ماخذيها للدفنه مالحكت عليها..

بيت خاله عذراء امهم جان اسمها بيبي ناهد وزوجها اسمه توفيق
بيبي ناهد تربت غير عن خواتها وبيبيتي فاطمه

وهي جانت الوحيده من خواتها الي كملت المتوسطه بالخمسينات جانت شي كبير تكمل متوسطه وتتعين بدائره للتربيه
وجان اخو جدي يريدها زواج لان يصيرون ولد خاله بس بيبي ناهد مارضت كلش

و كالت مااخذ كرايب وهناك صدفه جدو توفيق زوجها شافها وطلع يعرف اخوانها واتقدملها وخطبها

جانت حلوه بشبابها جنها الممثله المصريه القديمه ( زيزي البدراوي ) وكشاخه وانيقه وسبور..

جدو توفيق نفسها هم سبور جان موظف بالامن بس،مدني مو عسكري..

وكردي اصله من السليمانيه وعنده بس اخ واحد
اتزوجها وسكنو فتره يم اهلها بيت اجرته بس بعدين اشترت قطعه كاع بالبنوك وبنتها
وصارو عدها عذراء وفارس وعمران وسمر وهبه
ربتهم ع الحريه والسبور وعدم الخوف خاله عذراء بالثمانيات جانت موظفه وي امي وتلبس قصير فوك الركبه وتخلي حمره فاتحه وشايله عگده الحاجب الكل ينتقدها جان