معاناة امرأة

( البارت ٢٠)

معاناة امراة..

#نورا _الرماحي ❤
.
.
هلو حبايبي  😘😍احبببببكم
........

أتعرف من أناااا
أنا الياسمينة التي زلزلت أركان العشق بيديها
أناالتي سجلت تاريخي على نصف قلبي
وتركت لك النصف الأخر
كي تسجل عليه تاريخك
فإن سألوك عني ﻻ تقول
كانت عاشقه عاديه
بل قل كانت سلطانه العشق
وقل لهم العشق عندها مختلف
العشق عندهاا أخلاص ووفاء
فالعشق عندهاا أدمان...
.
.
.
وقبل لاتجي امتحانات نهايه السنه خابرتنا خالتي ام احمد

وكالت.. انو هي خطبت لحسام بنت عمه الي اخوها لحكني بالبايسكل من رحنا لبعقوبه..

جان خبر مثل الصاعقه عليا ماعرفت شكول بوكتها 😔

اني من سمعت الخبر عبالك رصاصه بأذني..

وشه صارت كمت مااسمع  اشوف امي تضحك وتسولف بس اني مامركزه..

كمت بساع رحت للمغسله اغسل وجي جان اشوف دم يطلع من خشمي ينكط...

  استغربت ليش ينكط دم اول مره تصيرعندي غسلت  وهم رجع ينكط...

تالي رفعت  راسي خفت لا امي تلاحظ وتنهبط وتسويلي تحقيق لحدماتوقف شوي...

ورحت يم امي سدت التلفون والتفتت الية وكالت... خالتج خطبت بنت حماها لحسام واخيرا حيزوج😍

امي جانت حيل تحب حسام هي ربته تقربيا وهو هم يحب امي

بحيث جانت امي ادورله مره للخطوبه  واني ماادري ومحجتلي بعدين عرفت...

رغم خالتي جانت حاطتنى ببالها تخطبني  اله  اذا  هويقبل. لذلك امي  جانت  توصي بابا بمرضها بان اعيش يم  خالتي وبعدين تزوجني لحسام..

المهم كتلها  لماما...وخالتي تخطب وتكمل ويلا تكللنا  😒

كالت ..مو خطوبه بس اخذت موافقه والجمعه راح يقرون الفاتحه ويكطعون مهر شيخ حظري نفسج نروح الخميس.

كتلها.. ماما صدوك تحجين مو تدرين الاسبوع الوراه امتحاناتي مال اخير السنه..

كالت ..هن يومين والسبت نرجع عود اخذي كتابج هناك راجعي لاتسويلي سالفه خالتج محد وياها ...

ظليت احمس بداخلي ردت حجه مااروح بس وين بعد ماكو مهرب لازم اروح واحضر 😔

كتلها .. زين ماما وهدوم ماعندي اريد هدوم باوعتلي صفح 😒

كالت.. ايي وكنتورج هذا المتروس نصه مالابستهن حبكت  الا تشترين هدوم هسه 😒عود بالزفه اخذلج ..

كتلها ...ماا .. مااروح الا تاخذيلي جدد ردت حجه حتى تكلي ماكو روحه بس وين هدى متجوز مني  😩😫

وجان تكول...لعدباجرنروح للسوك  وناخذلج..

اخذتني ثاني يوم واخذتلي تيشريت وي البنطرون العندي والعفو تكرمون حذاء واخذت قراصات ناعمه لشعري..