معاناة امرأة

( البارت الرابع )

‏"و مازرع الله فِ قلبك رغبة الوصول

لأمرٍ معيّن إلا لأنه يعلم أنك ستصل

إليه".ولعلَّ ما أنت ساعٍ إليه هو ساعٍ

إليك ، ولعلّها مسألةُ وقت.💛

مساء الامل والتفاؤل وكل الخير حبايبي اسفة اتاخرت 😘😘😍 🌹
.
.
.
صعدت بدلت امي ونزلت لزمت المكناسه وكامت  تكنس الكاع و احلام جرت القنفات تكللها تعاي نظفي هذا الوراهن..

ولكت كومه وسخ وزباله وتراب وشعر كله ممنظف يمكن صار سنه امي

صفنت كالت ..هذا كله انظفه هسه

كالت احلام.. ايي نظفي شكو بيها

كالت امي ..هذا ممنظف صار كومه مو مال هسه توسخ ..

جان احلام تكول وين اكوو هيج شي عيني البارحه نظفته وخليته يلمع لمع 😏😏😏 واهلج الوسخوه عيني..

طبعا كله جذب وهذا الورة القنفات اصلا ممنظف صارله سنة وهي ضامته لامي حتى تنظفه 😞😞..

عاد امي نظفته كله وانترست تراب وتوسخت وراها كامت تريد تصعد.

جان تصيحها احلام.. والطرمه عيني شنو نسيتيها 😏😏

امي كالت الدنيا مطر شنظف منها خلي المطر يخف عود انظفه راحت كبل اخذت هدومها وطبت سبحت لان انترست تراب هن جانن يسون عشا الخاتونات..

صعدت امي لغرفتها ودتسولف لبسام ع تصرف خواته وشون طلعن الشغل كله بنفس الساعه وهو ظل ساكت وبالاخير كللها.. ميخالف احلام مثل اختج

امي كالت.. ايي بس مو مصارلي اسبوع يمكم وطلعتلي شغل مال اسبوع ضاميهالية..

اقلها لباجر تخليه وانظف

بهل الاثناء احلام جانت واكفه ورا الباب تصنط 👂وبساع فتحت الباب مال غرفه وطبت بدون احم ولادستور بدون ما ادك الباب او حتى تستأذن

جان تكلها لامي ..عيني شدعواج شتردين نخدمج العمركله 😡

امي ظلت ساكته محجت تنتظر بسام يحجي وظلت احلام تصفط،حجي

وتكللها. ايي وشنو يعني واذا اشتغلتي قابل بيت غريب لو بيت رجلج

عاد بسام كاللها يلا حلومه هداوي اختج ع كيفج وياها تعاونوا سوةبينكم

جان هي تندار لامي وتعوج حلكها وتكول 😏 حسبي احسابج تساعدينا بالبيت من باجر لان البنات رايحات واني وحدي ابقي منا وبعد

امي ظلت صافنه هاي شنوو حيه🐍 من هسه بدت تبخ سمها ودارت وجها وطلعت

وامي كالت لبسام هاا عجبك الي سوته شون تفتح الباب وتدخل علينا بهلشكل فرضا جنابغيروضع موعيب واكفه ورا الباب تتسمع علينا