معاناة امرأة

البارت ١١

لملمني اعله كيفك لاتجيس الروح
واعزلهن عدل لو ردت تحسبهن
ينباعن شلع اجروحي للشراي
واذا رايد بعد انطيك توزنهن
مثل ملجئ يتامه الگلب بالحسرات
هنه هواي عفيه شلون شايلهن
ادوس اعله روحي وما اگلك اااخ
خايف من اصيح بصوت افززهن
تعلمت بغيابك شنهو طعم الموت
صرت طالب ذكي ودروسي حافظهن
.
.
.
هلوحبايبي😘😍🌹
شلونكم 😘...اعذروني شويةبعافية واتاخرت عليكم اليوم..احبكم كومات كومات❤💕💕
.
.
.

بنص سنه 1995امي صارت حامل مره لخ 😍..

سعادتها كلش جانت جبيرة بالحمل لان هم طلعت وهم حامل رحمه من الله هاي..

بس امي من النوع الشاغول يعني متكعد راحة الا يوميه تعزيل وتنظيف

وتروح للسوك وتتسوك وتجي وتطبخ وتروح ع بيبي ماتكعد ابد..

وتعرفت ع جيران بالمنطقه وحده جانت بصف بيتنا اسمها ( ام ياسمين ) جان عدها 2 بنات وولد ( ياسمين وهاجر ومحمد )..

زوجها جان عنده محل مال عصائر و جيراننا الثانيه بصف بيت ام ياسمين اسمها ( ام عامر )..

ام عامر جانت احن واطيب وحده بالمنطقه جنت اموت عليهم هي وبناتها وكعدتهن وسوالفهن...

وامي تحبها هم جانت تشبه الممثله الكويتيه ( انتصار الشراح )👇👇

جانت ارمله وعدها 3 ولد و 3 بنات ( عامر وحسين وعلي وسهاد وفاطمه ورنا )

جانوا بس عامر وسهاد متزوجين عامر جان عنده بنيه صغيره اسمها ( لينا ) ومن البنات بس سهاد متزوجه وعدها بنت والبقيه مامتزوجين

جانت حالتهم مو هلكد شوي بس ام عامر المنطقه تحبها وهواي يساعدوها وولدها يشتغلون بس هي خدومه وحنينه كلش ...

وكامت تجينا وامي تاخذني ونروح الهم من ابويه يصيرعنده خفاره

ومرات تجلب بينا ع العشا اهلها جانو يبيعون فلافل وطرشي يابه الفلافل ماتخلي من بيتهم ..

وع طول تمن ع عدس وطرشي احمر وخضره وبليل العشا ذاك الفلافل والباذنجان والطرشي الطيب😂.

امي وصلت بحملها 5 شهور جان بدايه سنه 1996 امي جانت نايمه وحلمت انو شافت طفل مشمور بالسنك ولد وتخاف تتقربله...

كعدت من نومها ولكت روحها متروسه دم ونزلت تركض وابويه وراها والكاع كلها دم سقطت امي للمره الثانيه وجان ولد 😢..

وداها ابويه للمستشفى واني  دزني يم بيت ام عامر هي المرة جتي اخذتني من شافتنا دنطلع من البيت مخلتني اروح...

وابويه خابر ع بيبي وراحتلهم للمستشفى رجعت امي تعبانه كلش ومصفره ونفسيتها تحت الصفر😪..

امي من جانت تسقط طفل تاخذه وتنطي لجدي يدفنه يم خالي احمد الشهيد صارو 2 لامي يرحون 😭
وهو المرحوم جان محروم من الاطفال وصاروا  يمه ٢ اطفالمدفونين😭.