معاناة امرأة

( البارت الخامس )

العاشك من صدك شراي مو #__صياد

الما دافع فلوس الورده #__ليشمها

.
.
.
هلوحبايبي😘😘😍  اسفة اتاخرت فديتكم احبكم گومااات خاصة الي يتفاعلن مع القصة😘😘😘

.
.
.

ريم...
نايمه ع رجل امي وكتلها ليش ماما اني ماكملت قصتي ليش...ليش😔؟

اني ظليت وحدي وهو عاش حياته ليش ماخلونا نكمل حياتناسوة..

تدرين ماما جان من يسمع صوتي يلا يرتاح واول مايكعد الصبح يخابرني ومن يريد ينام هم يخابرني ، ع طول يكلي رورو انتي الي مكتوبه بأسمي لاتتوقعين اخليج تصيرين لغيري 😭

جانت كلمه حبيبي منه ماتوكع.. هواي احلام رسملي ..هواي امال خططنا كل شي لمستقبلنا ..جنا متفقين نعقد بالامام الكاظم عليه السلام 😢😢

ليش ماما اني مكتوبلي اظل افارق ليش 😭

جرت حسره امي  وشالت راسها وباوعتلي 

وكالت.. اييي مو بس انتي انكسرت احلامج هواي غيرج حلمو وخططوو بس ماحققو شي ولا حصلو شي ونزلت دمعة من عينها  ومسحتها بساع

اني حسيت بيها تمسح دمعتها وتلعب بشعري...

فلاش  باك...

اجوي الممرضات ودكتوره امي على صراخ بيبي...

وخلولها دم ومغذي وضربوها ابر توكف النزيف لليل يلا توقف النزيف..

مخلو امي تطلع ثاني يوم لان كالو لازم تظل تحت المراقبه لان نزيف واني جنت بالخدج هم..

بيبي راحت جابت اكل وملابس لامي ووصت النسوان عليها ماطولت خطيه وجتي  ووياها خالو سامر بس مكدر يطب لامي جان القاووش كله نسوان بس وصلها ورجع

لان خالو فهد جان بالشمال رايح فهوجابها وراها العصر كامت بيبي تمشيها لامي بالممر كالو لازم تتحرك ع مود العمليه 😩

وكوه كامت تمشي واجوي خالاتي الاثنين شوي وراحو وطبعا ابويه ماوصل ولا احد من اهله هم...

وراها  ثاني يوم طلعو امي ورجعنا لبيت جدو بيبي جانت محضره سرير بالهول الثاني لامي وكريكوت الي وطببتني تغسلني بالحمام وعالكه الصوبه وحضرت كل الاكلات الي امي تحبها

واجا خالو فهد جاب وياه معلاك كامل لامي وكرفس وماظل احد مااجا من الكرايب والجيران وخالتي ام مصطفى لان قريبه رايحه جايه..

امي مجانت تكدو تلزمني كوه ترضعني بيبي وخالتي هن يبدلن الي ويغسلن مكيفات بالطفل

خالو فهد جان مكيف بية ويطب ويطلع يشيلني ويلعبني وبيبي تعيط تكله لاينبرك ظهرها دشوفها شون مايعه ههههههه

خالو سامر جان يخاف يشيلني بس يجي يكعد يمي ويباوعلي ويبوسني  والبيت انترس غراض وهدايا لان امي وبيبي يرحون يودون فضل للكل ..