معاناة امرأة

البارت ١٥

في أوقـــات وجعك ..

ستــقـابــل كــثيريــن يسـألــون عنــك

ولكن ستقابل واحد فقط..

يتألم من أجلك💔
.
.

هلو حبايبي كيفكم مشتاقون غوالي😍😘😘🌹❤

.
.

بوكتها..من امي حملت وسوت عمليه الربط  ..

اخذوها لواحد اسمه شيخ ابو حديده بالمحموديه هذا شيخ معروف ..

اخذتها ام شكري وراحو كالو بيها تابعه تقتل الطفل وقرو عليها وشربوها مي مقري عليه وانطوها ادعيه هم ..

وبعدين من ثبت الحمل هم رحنا اني رحت اذكر وياهم الشيخ كان ماموجود بيومها  بس نسوانه..

احنا كعدنا نطوها لامي ادعيه كالو من تجيبين جيبي ابنج او بنتج وتعالي وكتها امي من وصلت لشهرها وقبل دخولها العمليه

نذرت ووجان شهر مولود الرسول عليه افضل الصلاه والسلام انو بس تكوم بسلامه تسمي ان كان ولد ع اسمه النبي وان كانت بنت تسميها طيبه وتوزع كل سنه كعك وشربت لحد ماتسلم امانتها لرب العالمين..

وفعلا الله نطاها المراد وظلت هاي الشغله كل سنه عادة نسويها لحد هذا يومنا ..

ورا ما راحت المزيقه ظلو كم وحده من النسوان جوارينا تالي راحن ..

بيومها حليمه ظلت كاعده بس احسها تريد تنفجر ع امي😂

ابويه جاب 3 لفات فلافل لامي خالتي ام مصطفى تخبلت كامت تحجي ع امي  كالت لامي.. شون رجلج يجيب فلافل انتي نفسة المفروض معلاك.. تكه.. كباب هذا رجلج شوكت يتعلم😒
وبعدين احنا كاعدين ميكول اختها وجهالها اجيبلهم هاي لو احنا جان جبنا وخلينا كباله بس رجلج ابد ماعنده ذوق 😏

امي جانت تعبانه وكوه تحجي كالت.. ياام مصطفى شسويله دتشوفيني بيا حال اني تعبانة و تعبت منه ومن سوالفه اظل اعلم بي

وقابل شتردين اسوي متعرفوه انتو مو الي قنعتوني اتزوجه هو هذا الزين الي كسرتو ركبتي بي😒

هاي سوالفه خالتي ظلت تأفف وسكتت 😤 ماعجبها الحجي لان هي سبب كسرة ركبه امي بزواجها من بابا..

هسة خلي احجيلكم ع المستشفى شصار بيها..

امي حجزولها غرفه وجان بيها سريرين امي نامت ع واحد وبيبي ع واحد واكو قنفه نامت عليها ام شكري..

وسوولها تحاليل وسونارات بليلتها و ثاني يوم كعدت مامتريكه ودخلوها جيكوها  وطبت للعمليات..

جان بس دكتور التخدير رجال البقيه كلها نسوان لان امي تستحرم و سالت الدكتوره

فكالت الدكتورة وطمنتها.. بس نسوان وابوالتخدير  هسه بس يحطلج التخدير يطلع ..