معاناة امرأة

( البارت الثامن )

#معاناة امرأة

#نورا الرماحي

............

هلو حبايبي  منورات  نجمات  الواتباد فديتجن 😍😘

حبيباتي  الي   يقرءن القصة ويطلعن بدون تصويت  ليش  شنوتخسرين اذا  ادوسين ع النجمة ترة تسعدني تصويتاتكم حطي نفسج بمكاني  تتعبين وتكتبين  وبالتالي تجي وحدةتقرء وماتصوت 💔

رغم   ذلك احبكم   لانكم  تقرؤن حروفي..مودتي  ومحبتي للجميع  😘😘
.
.
لا تُؤذِ قلباً رّقَ يوماً لكْ ..

فَلحظاتُ الوُدِّ..

لهَا عَليكَ ألفُ حقٍ وحقْ .. ✌️

#مساء الخير "-🌷⚘🌷

ريم...

ضحي ظلت تتوسل بيا..

فدوه ريم اسكتي ليش تردين تهجمين البيت

كتلها..ولج شهجم امج هاجمته اصلا مره اكبر من امي مزعططه روحها

شمدرينا هاي وين تروح يوميه طلعت مصادقه واخوانج مكرنين

كالت.. لج عيني اسكتي والله انتي ماتعرفين امي ترة تفرها السالفه علينا اسكتي وبعدين افهمج بداعت امج لاتحجين هسة

كتلها ..ماشي سكتت داشوف تاليتها

طلعنا كعدنا بالهول سويت روحي اشغل اغاني

طبت ام انور جان يدك تلفونها العادي مال البيت ..

جان تكله هااا ايي هلا هلا بيكم خوش،من توصلون دكوو عليا واطلعلكم

جان تسده..

ضحئ صاحت.. يومه منو جاي؟

كالت.. راح تجي ام سعاد اختي وبنتها وجهالها يلا كومن لملمن البيت

كتلها.. عمه البيت مرتب شعدنا بس شراح نحضر اكل كولي

كالت.. شعدنا بالثلاجه؟

فتحته..ومالكت  شي

وكالت خلي اروح اجيب همبركر وصوصج وانتن وحده بيجن تكشر بتيته يلة لاتلعبن..

كتلها.. عمه هم راح. يباتون؟

كالت ..ايي طبعا 😒

كتلها.. لعد متكفي جيبي فد دجاجتين شوي وراح اطبخ تمن احمر زايد هسه وي التشريب والهمبركر والصوصج والبتيته ونسوي زلاطه وعدنا خبز وخيرمن الله..

كالت.. خوش يلا اروح اجيب لعد

كتلها ..اخذي وياج عزوز خاف الدجاج يتأخر حتى ادزين الغراض دنبلش بيها

كالت.. ايي ايي يلا كوم ولك وكامو ركض راحوو واني رحت اغسل تمن واجتي ضحى كنست الطرمه

كتلها ..هاا احجيلي يلا ماطول ماكواحدويانا