معاناة امرأة

(البارت ١٢)

بعض المواجع ننساها وندفنها

وبعضها في صميم القلب تكوينا

فإن اتتنا من الأغراب نهملها

وإن اتتنا من الأحباب تؤذينا..💔
.
.
.
هلوحبايبي الحلوين فديتكم مشتاقون😘😘😘❤🌹
.
.
     
.

صارت هوسه  جبيرة بين بابا وماما..

وابويه ظل ينكر يكول اني مناطي فلوس لاحد منين جبتي هل الحجي؟ 😡

امي كالت..لا الحجي مومن احد سمعته او جبته...
اني شفتك بعيني  تنطيهم وهسة اجذب عيني وتأشر ع عيونها ...

كاللها ..ايي غير مديون  الهم ياعيني

امي كالت.. لا دين ولا شي الديون اني وفيتها بنفسي بالسلف السويتها ..وانت شنو وفيت  بس بطرك الايجار الي تنطيه لاهلي والمصرف القليل..

واني من اهلي اجيب واحط وادبر وتجي تلكى اكل جاهز.. بيت نظيف.. ملابس نظيفه ومكويه ..بيت ريحته معطره..

وياريت  تعرف هذا منين يجي و منين يصير ماتتدخل ولاتسال

بس حلال تروح توزع للزركات خواتك واظم الفلس عني...

ابويه كال بنترة... ااااانتي شبيج خاله كورتج وياهن هن يمج حواليج 😡

امي كالت ..ايي دافعلهن دافعلهن بعد و
راتبك ع قلبك وقلبهم..

زين واكراميات الي تاخذهن وحتي وياها مال  هويه اصدقاء الرئيس راتبك زاد بسببه و كمت تاخذ اضعاف

واحوالك زينه صارت  اجن خواتك شافن عندك فلوس و رجعن يدورن عليك وانت تنطيهم ع الحاضر 😡

ليش مو حرام هاي الفلوس تنصرف على ناس تكدرتشتغل وتعيل نفسها مومكرطمين زين انت متخاف الله

عليمن لعد تصلي وانت مقصر على بيتك وع اهلك هم رجعنا ع اهلك مصدكنا نخلص ونرتاح

وكامت تعيط ماما بعصبية وهي تظرب على رجليها ...

بسام ملخص الكلام انت تريد تموتني و تسكني الكبور😭..

ابويه  هم يعيط ويصيح...وكال..

انتي شبيج شجرالج شصاير؟

ليش هلحقدبكلبج على اهلى؟

امي اتخبلت و كالت ...هسة اكوم احرك روحي اريد واحد يكلي ليش..بساااام تخشم روحك لوتخشمني...

نسيت اهلك شسوو بينا هااااا ناسي لواذكرك..

خلى احرك روحي واخلص و حتي ترتاح مني انت واهلك...

تريد خواتك روحلهم كابلهم انت تحب واحد ياخذ حالك ومالك هاي لان اني واهلي زينين وياك هيج اجازيني...

هي هاي الامانه الي امي وصتك عليها هيج تصون الامانه ياحضره النقيب بسام المحتررررررم....طولت كلمةمحترموكانما جانت تريده يعرف بان هي تعرف بعلاقته انوب بست هالة....