ထာဝရ ပုံပေ

Part 29 (Zawgyi)

နွေရာသီ၏ပူပြင်းမှုသည် နားရိပ်ခိုစရာပင် မရှိနိုင်လောက်အောင်။ ကွင်းပြင်ကျယ်များမှ ရိုးပြတ်များပင် အချိန်မရွေး မီးထတောက်တော့မည်လား ထင်ရလောက်အောင် ပူပြင်းနေခြင်းဖြစ်သည်။ သစ်ရိပ်၊ ပန်းရိပ်မရှိသောနေရာများတွင်မူ နေမင်း၏ အပူရှိန်သည် မြေပြင်ကိုပါ အပူဟပ်နေစေသောကြောင့် အပူနှစ်ပူကြားမှာ ညှပ်ပိတ်ခံထားရသလို ဖြစ်နေသည်။ ပုံပေမြို့မှ လုလိယက်စ်၏ နေအိမ်ကြီးသည် ရေပန်းရေကန်များနှင့် အလှဆင်ထားသော အိမ်ကြီးဖြစ်ပြီး ပင်လယ်ပြင်မှ တိုက်ခတ်လာသော လေပြေကို တိုက်ရိုက်ရရှိသောကြောင့် အပူဒဏ်ကို အံတုနိုင်နေသေးသည်။

အလုပ်ခန်းတွင်းမှ ထွက်ပြီး လှေကားထစ်များအတိုင်း တက်လာခဲ့သော လုလိယက်စ်၏ ခေါင်းထဲမှာ အတွေးများဖြင့် ပြည့်နှက်နေသည်။ အပေါ်ဆုံးထပ်ရှိ ဥယျာဉ်ထဲသို့ လှမ်းဝင်လိုက်ချိန် မြင်လိုက်ရသော ပင်လယ်ပြင်အလှသည် သူ့စိတ်ကို လန်းဆန်းသွားစေသည်။

ရွက်လွှင့်နေသော ရွက်လှေငယ်များ၊ ၀ဲပျံနေသော ပင်လယ်စင်ရော်များနှင့် အပေါ်စီးမှ လှမ်းမြင်နေရသော ပုံပေမြို့ကြီးအလှသည် မြင်နေကြပေမယ့် ဘယ်တော့မှမရိုးနိုင်။ ဥယျာဉ်ကြီးထဲရှိ သီးပင်၊ ပန်းပင်များကြားတွင် လှပသော ရေပန်းတစ်ခုရှိသည်။ ပူပြင်းသော နွေနေ့လယ်မှာ အေးမြသောရေပန်းငယ်မှ ရေစက်ရေပေါက်များကို မြင်ရသည်မှာ မျက်စိအေးရသလို လန်းဆန်းသွားစေသည်။ ရေပန်းငယ်ပတ်လည်ရှိ သစ်ပင်ငယ်များကို ယုန်ငယ်ပုံ၊ သမင်ငယ်ပုံများဖော်ကာ ညှပ်ထားသည်မှာ ကြည်နူးစရာ။

သိပ်မကြာလိုက်။ ဥယျာဉ်ထဲလှမ်းဝင်လာသော ဖဲလ်လစ်ကို လုလိယက်စ်တွေ့လိုက်ရသည်။ ဖဲလ်လစ်၏လက်ထဲတွင် လေ့ကျင့်ရာတွင် အသုံးပြုသည့် သစ်သားဓါးနှစ်လက်ကို ကိုင်ထားသည်။ ညနေစောင်း အချိန်များသည် သူတို့နှစ်ယောက် ဓါးရေးလေ့ကျင့်လေ့ရှိသည်ကို ယနေ့အတွေးများနေသောကြောင့် လုလိယက်စ် မေ့သွားခဲ့သည်။

လက်ရည်တူသူနှစ်ယောက်ဖြစ်သောကြောင့် သူတို့နှစ်ယောက်ကြားတွင် အနိုင်အရှုံး ဘယ်တော့မှ မသဲကွဲ။ ဖဲလ်လစ်က လူငယ်ဖြစ်သောကြောင့် လျှင်မြန်ဖျတ်လက်သည့်နေရာတွင် အနည်းငယ်သာသည်ထင်ရသော်လည်း လုလိယက်စ်က အတွေ့အကြုံတွင် နှာတစ်ဖျားသာနေသောကြောင့် ရှင်းလင်းစွာ အနိုင်အရှုံး ဆုံးဖြတ်နိုင်သည့် နေ့ဆိုတာ မရှိခဲ့။