جنون طاغى

الفصل الخامس عشر

جرت نعمه على سامح القابع على الارض بجوار والدته المصابه

نعمه بخضه : سامح مالها طنط؟..مين عمل فيها كده؟

سامح بخوف : ارجوكى اطلبى اسعاف بسرعه امى هتموت

نعمه : طيب طيب هطلبه حالا

قامت نعمه بطلب الاسعاف الذى جاء بعد وقت قليل جدا و قاموا بنقل والده سامح الى مستشفى

*فى سياره اسعاف*

سامح بدموع : سامحينى يا امى انا السبب فى كل ده

منال بتعب : مسامحك يا بنى بس اتصل ب ابوك عاوزه اشوفه و اطلب منه يسامحنى قبل ما موت

سامح بدموع : ما تقوليش كده بعد الشر عليكى يا امى انتى هتعيشى و هتبقى زى الفل

منال بصوت متقطع : ا.ع.م.ل ز.ا.ى م.ا ب.ق.و.ل.ك

ثم اغلقت عينيها بعد ذلك و ما تنطق بكلمه واحده

سامح : ماما ماما ردى عليا

فى هذه اثناء و صلت سياره الاسعاف الى مستشفى و قاموا بأدخال منال لغرفه العمليات و كان موجود بالخارج سامح و معاه نعمه التى اصرت على البقاء معه حتى تطمئن على والداته

نعمه : اهدئ يا سامح ان شاء الله الدكتور هيطلع الوقت و يطمننا

سامح بدموع و ندم : خايف اوى تروح منى ، مش هسامح نفسى لو
جرالها حاجه

نعمه : ان شاء الله خير ، بس مين عمل فيها كده و انت كنت فين

سامح بحزن : هحكيلك كل حاجه بس اطمن عليها الاول

نعمه : و لا يهمك انا مقدره الظروف ال انت فيها بس ....

فى هذه الاثناء خرج الطبيب من غرفه العمليات و جرى عليه سامح ليطمئن على حاله والدته

سامح بلهفه : طمنى يا دكتور

الطبيب : الحمدلله قدرنا نخرج الرصاصه كنت قريبه جدا من القلب

سامح : يعنى هى بقت كويسه

الطبيب : لو مر 24 ساعه من غير مضعافات تبقى تخطت مرحله الخطر

سامح بحزن : طيب ممكن اشوفها

الطبيب : هى حاليا بينقلوها للعنايه المركزه ممكن تشوفها فى مواعيد الزياره

سامح بحزن : متشكر جدا يا دكتو

نظرت له نعمه بشفقه على حاله ثم قالت : الحمدلله ربنا يقومها بالسلامه

سامح بامتنان : الله يسلمك يا نعمه

ثم وصل حديثه : انا متشكر جدا يا نعمه على كل اللى عملتيه معايا من اول خالص لحد دلوقت و انا اصلا حد ما يستاهلش كل ده