احببت شروكي

بارت حادي عشر

هلاو
**
#احببت شروكي **
#الكاتبه المياحيه **

كعدت الصبح بدلت وكملت وصلني ضرغام للجامعه وراح دخلت للجامعه ومثل كل يوم التقيت بمريم وسلمت عليها ورحت لبنيه اسمها مروه اخذت منها الفاتني من محاظرات والبنيه مقصرت ودخلنا للقسم
المحاظره الاولى وخلصناها ورحنه للكافتريا اني ومريم ..

ديانا :اكوول مريم .
مريم :كولي حبي .
ديانا:امي البارحه حاجتني كالت جاينيج خطابه .
مريم :اي مبروك .
ديانا:عمه حتى عمه .
مريم :شبيج ثول مبروك لعد شكول .
ديانا:بس اني اريد اكمل دراستي .
مريم:اي وشكالت تكملين .
ديانا:مادري بعدهم اليوم يجوون .
مريم ؛اي ان شاء الله خير .
ديانا:اي يله امشي  ..
رحنه دخلنه المحاظره الثانيه جانت محاظره استاذ علي جان يباوع اعتيادي مو مثل كل مره هل ايام واني هم ..
كملنه المحاظره والمحاظرات الباقيه وطلعت للبيت لكيت عماد يمنه ديتغده ..

الام:هلا بنتي شلونج تعالي تغدي ..
ديانا:اي ماما ابدل واجي ..
رحت بدلت واجيت اتغده وياهم كملت وغسلت الماعين وصعدت فوك نمت كعدتني امي ..
الام:ديانا .. ديانا ..
ديانا:هاا ماما ..
الام:كومي بدلي وحظري روحج لان حيجون الناس كومي بنتي ..
ديانا:اي ماما كمت ...
اف ..
كمت بدلت وخليت مكياج خفيف ..
وره شويه اندك الباب طلعت امي ابوي جان موجود وضرغام وفهد وعماد موجود هم ...
امي استقبلتهم وايه حظرت صينيه التقديم ..
وامي صاحتني لحتى اروح الهم ..
رحت وجانت قدمت الهم رفعت راسي اكوو مريه جبيره وياها 2بنات بعد ماسلمت عليهم  ووصلت الولد رفعت راسي وجان انصدم .
***********************
عماد
جنت بلبيت وخابرني فهد كال امي سوت دولمه تعال يمنه هم نطلع اني وياك كتله اوك رحتلهم جان فهد موجود بس ووامه وايه بعدين اجه ابوهم ..

الاب:الله بلخير .
..الله بلخير ..
الاب:طبعا اريدكم سمعوني زين ذاك اليوم اجاني رجال ورجال جان خوش رجال ومبين من ناس محترمه وكال اني اريد اطلب ايد بنتك البني وانتم مبينين ناس محترمين وان شاء الله خيرر واليوم راح يجون ويحجون بهاذه الموضوع واكيد الرئي رئي اختكم ..

عماد :هوو يحجي واني اباوع علي مصدوم  ليش ياربي صوجي اني ماخطبتهه من البدايه ليش حتى اني ماحجيت وياها بهيج موضوع ابد اووف بس بعد ميفيد الحجي بس بله خلي اشوف رئيها ..
*************
(ديانا)

رفعت راسي واني مصدومه من ردت اقدم للولد طلع نفسه هوه استاذ علي ظليت مصدومه هوه باع عليه واني نزلت راسي بعدهه قدمت للرجال الي يمه يمكن ابوو *...
بس جنت اكول لا يمكن موهوه الي ردون يخطبوني .. حجه الرجال وكال ..
ابو علي :طبعا اكيد تعرفون الموضوع الي احنه جايين علموده مثل مكايلين احنه جايين نطلب ايد بنتكم البني علي وهوه استاذ طبعا وياها بلجامعه وانتوو من اهل الاصل والطيب لذلك اجينا الكم ..

ابو ديانا:تسلم انته الاصل اي طبعا اني مجنت اعرف انته ابو ال علي وهوه من اخلاق ونتشرف اناسب وهلا بيكم بس الرئي البنتي وان شاء الله خير ..

ابو علي :اكيد الرئي رئي راجع للبنيه اي وان شاء الاه خير واكيد حتى احنا نتشرف بيكم ..

(ديانا)

بعدها راحاوو وسلمت على المريه هي ام علي واخته وخالته وراحوو ..
وبعدها ابوي طلبني للغرفه بس الغريب انوو عماد الي جان ينافخ ويتأفف ويخزر بيه وتفاجئت من العلم كلشي ممسويه بعدها استئذن وراح ..

الاب:بنتي ديانا مثل مشفتي هاذه استاذ وياج بلجامعه والله شاهد وناس طيبين ومحترمين وانتي شفتيهم كبال عينج والرئي الج فكري زين ..

ديانا :ان شاء الله بابا
وصعدت فوك اني وايه وبدت الاسئله ..
ايه :هاا ولج .
ديانا:هااا شبيج .
ايه :توافقين لا ..
ديانا :هستوهم طلعوو خليني اخذ نفس وبعدين الله كريم ..
ايه :الله كريم .
الولد عمره 30.
واكوو فرق بين عمرج وعمره اكيد .
ديانا :والله ماعرف شكول بس افكر والله كريم ايه مو كلشي بلعمر اهم شي العقل انتي شمدريج 30..
ايه :فهد كال..
ديانا :اهاا اي صح موو هوه صديقه ..
.
ايه :اصلا فهد خابرته امي لان طلع من جنتي نايمه خابرته وبابا الظهر حجه وياه بس ميدري علي ..

ديانا :اي ديله خلي اقره شويه ..
بعدها كعدت اقره كل الي فاتني ومن ملزمه البنيه البنيه جان اسمها طيبه بس لفت انتباهي اسم البنيه جان اسم الاب مثل اسم عمي طبعا اني سامعه بس باسماءهم مشايفتهم او ملتقيه بناتهم ابد واسم الجد مثل اسم جدي بس كلت اجوز تشابه بالاسماء كملت اقرايه صفحت بلموبايل مالي ودك تلفوني عماد اسغربت كلت اي اجوز هيج بلغلط او شي رفعته ..
كال ..

عماد :هلاوو ديانا شلونج ..
ديانا :هلا زينه عماد .
عماد :اكلج ..
ديانا :هااا .
عماد :اهاا لا هيج بلغلط اسف...
حسيت يريد يحجي بس كلت لا متوهمه وغلقته ونمت ..
ثاني يوم رحت للجامعه داومت دوام عادي ومجبت اي طاري للي صار البارحه
دخلت للمحاظره الاولى طبعا اليوم مريم ماكوو دخلت خلصت المحاظره الثانيه ورحت اوديها الملزمه الي جبتها من البنيه انطيتها الها وتشكرتها ..
بعدها رحت للكافتريا شربت عصير ودخلت بلمحاظره الثالثه جانت مال استاذعلي  دخل كملتها عادي وبديت اتلاشا من يباوع علي ...
طلعت للباب الخارجي لكيت ضرغام ينتظرني وصلت للبيت بدلت وتغديت وسولفت المريم وكالت اليوم ماجت لان مريظه سولفتلفها على الخطبه هم ومثل الجاوب كلتلها افكر ... 

يتبع ..
توقعاتكم للبارت الجاي .
شكرا للكل من يضغط تصويت والمنشن مشكورين ياريت الي تكدر تنشر القصه يعني الي عتها كتاب تنشر للتفاعل اكثر وشكرا
اما على الوقت فأني اسفه جدا طفت الكهرباء وكدرت انزل لحد ماشتغلت .
وحيكون البارت بين يوم ويوم فعوظتكم للايام الي منسرت بيها البارحه واليوم نشرت ويكون الوقت الساعه 11

تصبحون على خيرر