Chad's
"Sa susunod kasi ay dalhin mo na ang kotse mo at sinasabi ko naman sa iyo sa delikado sa daan." Sabi ni nanay habang ginagamot niya ang sugat sa mukha ko.
Ang sinabi ko sa kanya ay napag tripan ako ng mga tambay na malapit sa opisina ko pero ang hindi niya alam ay si Jack Bonneville ang may kagagawa nito. Hindi ko naman siya masisisi. Maski ako ay gagawin ko din ito sa sarili ko.
Lahat ng sinabi ko ay walang ka totohanan. Habang sinasabi ko lahat ng iyon ay nadudurog ang puso ko pero wala akong magagawa dahil sa takot na may mangyari din sa pamilya ko.
Ngayon ay hindi ko na alam ang gagawin ko sa sarili ko. Sigurado akong sasabihin lahat ni Jack ang mga narinig niya kay Hennessy at makakarating ito kay Augustus. Bigo ako sa misyon ko at mawawala na ang kumpanya namin.
Mawawala na din ang babaeng mahal ko..
Si hennessy...
Sa sobrang lalim ng iniisip ko ay hindi ko na nararamdaman ang sugat sa mukha ko. Mas nasasaktan ako sa mga pwedeng mangyari. Nakapag usap na kami ni nanay at bukas na ang alis nila papuntang Japan. Mas maganda kung mag isa kong haharapin lahat ng ito at hindi na sila madamay pa.
Hindi muna ako papasok sa opisina ng mga dalawang linggo dahil sobrang napuruhan ang mukha ko. Sa totoo lang ay kaya ko naman labanan si jack, hindi ko lang ginawa kasi mas madadagdagan lang ang kasalanan ko kay hennessy.
Wala ako sa posisyon na ipaliwanag ang lahat kay Jack at panigurado ako na kahit naman sabihin ko ang totoo ay hindi niya ako papakinggan.
Dahil sa katangahan ko, mawawala na sakin lahat. Mawawala sa akin si Hennessy.
Pareho kami ni Lexus na hindi papasok sa opisina at nilusutan niya nalang si Augustus. Nangako siya na itatago niya ang nangyari kay Augustus kasi pag nag kataon ay pareho kaming malalagot. Gaya ng pamilya ko ay may utang din na pinag babayaran ang pamilya ni Lexus sa mga Simoune.
Tinititigan ko ang wallpaper ng cellphone ko. Si hennessy iyon at iyon yung time na mag ka hawak kami ng kamay sa kotse noong niyaya ko siya sa Mt. minahalin. Nasaktohang tumingin siya sa camera at iyon din yung time na dinahilan ko na na pindot ko ang flashlight dahil nasaktohan na may flash pala iyon nang kinuhaan ko siya palihim ng litrato.
"S-sana patawarin mo ko.." hindi ko nalang namalayan ang pag patak mg mga luha ko.
"Mahal na mahal kita.." pinunasan ko ang mga luha ko at inayos ang sarili ko.
Kung kailan gusto ko ng baguhin ang masamang imahe at kung kailan ko na gusto bumawi kay hennessy ay saka pa nag ka gulo ang lahat. Ganito yata talaga ang tadhana, sadyang mapag laro.
—————————
Hennessy's
"Hay nako jack! Sinabi ko na't bawasan mo ang pagiging basagulero." Saway naman ni nanay kay jack nang makita nito na punit ang gilid ng labi ni jack.
Napakamot naman si jack sa ulo. "M-may ipinag tanggol lang ako nay.." sinabi niya at tumingin sa akin. Iyong tingin niya na yon ay hindi basta. Parang may sinasabi?
"Sino naman ang pinag tanggol mo?" Tanong ni nanay habang minamasahe ang paa ni Jack. Ayaw ng sino man sa amin na napapagod si nanay pero siya ang namimilit na pag silbihan kami.
"Basta 'nay sobrang halaga sa akin nuong babae na iyon.." jack said and the he looked away.
Napa ubo naman ako nang marinig ko ang sinabi ni Jack? I thought he's gay? Bakit babae? "Anak, are you okay? Napano ka?" Tanong ni nanay.
