#غازيه
_2_
قصص واقعيه ل Nareman karm
الضهريه اضل احوس منا صيف وحاره ولااكو شي اتسله بي وجهال ضهريه كلهه بلبيوت لان حاره محد يطلع العصريه كلهه بشارع...
ابوي وامي الضهريه يسبحون وياخذولهم غفه لان تعبانين كاعده اني وغازي بطرمه سمعنا صوت زفه فتحنا لباب نباوع شفنا سيارات عرس فاتت مزورقه شكد حلوه لبسنا نعالاتنا وطلعنا ع كيف طبكنا الباب شفت ناديه وفطومه صاحباتي بلباب يباوعن ع سيارات الفاتت كتلهن تمشن ويانه نروح للعرس..كيفن كالن اي
مشينا ورا سيارات طبت بلفرع الثاني. وسياره العرس طبكت بصف باب فيوره المخبله. هاي عجوز مخبله ولاكفه خيط من زمان. ولدهه كلهم مزوجين وشايلين منهه لان يخافون ع جهالهم منهه وجناين محد يتحملهه. شفت بابهه مسدود كلت هاي متطلع همزين.
عجبني شرايط الي ع سياره كلت لغازي راقبلي خل اشلعهن واكصكصهن للورد مالتي وابيعه. كال اي
وي ماجاي اشلع بلشرايط ماحسيت غير ادين جرتني من ورا عطت حيل وجفلت شفت غازي فتح عيونه وجفل وصاح فيوره باكت اختي يمه بويه عافني وراح لابوي وامي يركض. صاحباتي لزمن حجار يشمرن عليهه ولازمتني وانه ابجي واعض بيدهه حتى تهدني لازمه عصتهه وتضرب بيهن شردن ويصيحن. عمي ابو غازيه باكو غازيه.
لزمتني طببتني بغرفه وزنجلتهه عليه وتكلي بليل اذبحج واكلج. ضليت ابجي بسكوت من الخوف.
غازي: بويه بويه يمه باكو غازيه😭
مسعود: شكو بويه شنو باكو غازيه ولك احجي اختك وين
مديحه: يبوووووو عليج مديحه ولكم بنتي باكوهه وضلت امي تصرخ لمت العالم علينه .
اجني ناديه وفطومه يبجن وخايفات. كالن لامي. خاله مديحه احنه شفنه فيوره المخبله جرت غازيه وباكتهه وتكول بليل اذبحهه واكلهه.
طلعو امي وابوي مثل المخابيل وجوارين وياهم واجوي كم واحد من الرفاق الحزبيه ذولا اليحرسون الفروع بليل علمود سالفه ابو طبر. كالو لابوي لتخاف عمي هسا نطلعه لبنتك.
كلهم التمو يم باب فيوره ويدكون بي متقبل تفتح وتكلهم ولو منا ماماخذه بنتكم
.
كاعده ابجي وسمعت صوت امي وابوي يصيحون غازيه بويه غازيه اذا تسمعينا صيحي بويه غازيه...
مديحه: ولج طلعي بنتي عجوز البين طلعي بنتي عوفيهه ولله اذا تسوين شي لبنتي اكطعج بسناني.
غازيه : ضليت اصيح بويه طلعني منا راح تكتلني..يمه لحكيني
رفيق محمود: ياجماعه هاي العجوز مراح تفتح لباب احسن شي نصعد من فوك الباب ونطلع البنيه قبل لتسويلهه شي.
رفيق فرحان: اني راح اصعد وفتحلكم الباب.
فتحو باب شارع العجوز وكلهه طبت للبيت يدورون عليه. ويصيحون غازيه غازيه..سمعت صوت اخوي غازي وياهم يصيح ويبجي وينج غازيه حبيبتي يمه بس لااكلت غازيه.
أنت تقرأ
غازيه
Художественная прозаاحداث القصه وقعت لامرأه عراقيه في فتره الستينات والسبعينات واين وصل بها الحال من بائعه الورد إلى ام تشقى وتتعب لتربيه ولدها الوحيد. قراءه ممتعه لغازيه
