#غازيه
الجزء 2 ...بقلم Nareman karm
_25_ والاخير
مرت ايام سوده بوكت الحصار وكومه
جهال ماتت من الجوع وجفاف والامراض
الخبزه صارت حصره عليه..وكمنه
نقتصد بلطحينات الجابهن عزت
اذا خلصن نديح. وهاي جهال تريد اكل
نوب الكهرباء ماكمنه نشوفهه همزين
جانت عدنه لاله نعلكهه. وضوه الفانوس
..
كمت على غريضاتي طلعت الاساور
الاطانياهن فاهم الله يرحمه كبل ليموت
وكلي ذني امانه تطيهن لعزت من يتزوج
..
غازيه: الو يمه شلونك
عزت: هله يمه
غازيه: رحت لتكريت بعدك
عزت: جاي احضر بغراضي.
غازيه: اريدك تمرلي كبل لاتروح. عندي
شغيله وياك. وصيه لازم انفذهه
عزت: شكو يمه .وصيتيش لاتقلقيني
غازيه: سلامتك ماكو شي من تجي تعرف
عزت: ماشي. فد ساعه واني يمج.
....
حسنيه: يخيه دبريني ويا هلجاهل
ماكاعد يشبع. وضعيف شسوي
غازيه: يايمه سوده عليه دخل اكوم
افورله فوح. وشربي اله زين لعد شتسوين
بلجي الله ويفك علينه هلحصار الاكشر .
حسنيه: ماتقصرين عساج سالمه يخيتي
مادريتي. اخوي مشي على بدريه لابنه محمود
وحاجيت غازي رضه ماكال شي. بس
كال ياخذوهه سكتاوي علمود ريسان الله يرحمه
مايرضه يفرح.
غازيه: احسن يخيه البت العين عليهه
خل تنستر. وهلتشوفين احنه شكثرنه
وغازي ونعمان سوده عليه مايلحكون.
..
بدريه: منو بلباب
عزت: اني عزت ....هله شلونج بطه
بدريه: زينه الحمدلله..فوت عمتي جوه
غازيه: هله يمه.
عزت: وبيج يمه..ها شكو ضل بالي
بيج شي يوجعج شي...شنو وصيه ماوصيه
غازيه: لايضل بالك....هاك يمه
عزت: شنو ذني الاساور يمه
غازيه: ذني جانن لجدتك ام ابوك الله يرحمه
وصاني كبل لايموت اطيكياهن بيوم عرسك
بس من رحت نسيتهن.من المصايب المرت
وذني هنه يمك. اطيهن لمريتك
عزت: يمه ذني خليهن يمج انتي بعازتهن
بيعيهن وتصرفي بحقهن احلام عدهه ذهب
ماوكفت على السوار.
غازيه: بس يايمه هاي وصيه ابوك مايصير
لازم تاخذهن انه شسوي بيهن مره كبرت
وعجزت بحال سوار..اخذه يمه
عزت: من ايد مانعدمهه يايمه. بشريني
عدج اكل شرب يكفيكم.
غازيه: الحمدلله يمه مستوره..ماسمعت
شوكت تنفك هلغمه.
أنت تقرأ
غازيه
General Fictionاحداث القصه وقعت لامرأه عراقيه في فتره الستينات والسبعينات واين وصل بها الحال من بائعه الورد إلى ام تشقى وتتعب لتربيه ولدها الوحيد. قراءه ممتعه لغازيه
