غازيه

11

#غازيه

_11_

قصص واقعيه ل Nareman karm

سديت لباب ورا اهلي وكمت طلع ثوب نوم احمر مثل ماعلمتني امي فتحت شعري وخليت حمره وعدي راديو قديم جانت طالعه اغنيه قديمه وشديت وصله ع خصري وجيت وكفت كدام فاهم وكمت اتمايل واركص اباوع ع رجال طلع جفيه ويمسح بلعرك من كصته وضل صافن عليه وانه اركص خبلته تدودهه بعدين جرني بحضنه وضل يبوس بيه ماقبلت كتله

غازيه: انه زعلانه عليك وانت جذاب ماتحبني..

ابو حميد: هاا ليش مااحبج بشنو قصرت شنو ردتي وماسويته هسا لو تكليلي فاهم ذب روحك بشط اذبهه

غازيه: اييي عيني  اسمع كلامك اصدكك اشوف عمايلك استعجب.

ابو حميد: يابويه من طوله لسانج اموت بيهه بس كولي شتردين

غازيه: اريدن تكتب شي لجهالي

فاهم: هااا ياجهال ذوله شنهو خلفتي من وراي هههههه

غازيه: يااا شمالك من احبل واجيب اريد شي بأسم جهالي

فاهم: هسا الله كريم علما تخلفين منا لذيج ساعه فرج ورحمه

غازيه: انه ما علي اريدن جلمه منك وعد زلمه

ابو حميد: جا خوش...يغازيه انه اوعدج اذا جبتيلي الولد كل حالي ومالي اله.

غازيه: صدك ولله..شوف فاهم لاحسبالك انه طماعه لو اريد اخذ حلالك بس انه اخاف باجر عكبه لاجبت وليد منك وبعد عمر طويل الك يصيرلك شي ولدك ومرتك يديحونه بشارع وانت تعرف انه واهلي فقره لاحول ولا قوة. وهذا كله ضمان للولد الراح يجي.

ابو حميد: يابعد عيوني انتي انه هم مفكر هيج..بس كلت مو كله نص الحلال الج ولابنج ونصه لولدي وبناتي حتى اكون عادل بينكم..بس افكر وردن اشوف صبريه ماتستاهل اعوفلهه كل هذا..عود حميد اطي بس المحل ولبيت الجبير الكاعدين بي همه هذا الهم ولد وبنات. والمزرعه وبيت الدوره وهذا البيت وكاعي بلكوت ذني حلال عليج يغازيه بس ها ماريد احد يدري. هذا يضل سر اذا سمعو تصير مشاكل ومابيه حيل طلايب صبريه واخوتهه

غازيه: اي خوش فهمت ربي يطول عمرك ويخليك خيمه ع روسنه.

ابو حميد: دمشينه للغرفه بعد مابيه اصبر

غازيه: ههههههه شمالك اركد شويه. بعد وكت

ابو حميد: يابعد وكت اكلهه بعد مابيه اصبر عليج لابستلي الاحمر وتهزين جدامي وتردين اصبر دمشي من شتعلت روحها لصبريه. كل هلسنين خادعتني بثوبهه الكشمير حسبالهه تغريني.

غازيه: دتعال يلا....اخذته من ايده ورحنا للغرفه ونمت ذيج الليله وانه افكر..طكيت وصرت زنكيله وصارت عندي بيوت وكيعان. بس شوكت احبل حتى كل هذا يتحقق.