غازيه

14

#غازيه

بقلم...Nareman karm

_14_  اختفاء عزت

تعاركت وتوسلت دكيت ولطمت كدام بيت صبريه بس محد رفله جفن على حالي...فحطت وخربت جابولي ماي من الجوارين صحوني...

مديحه: كومي يمه نروح لابو الجوادين ماتعصه عنه شغيله ومايرد الطالبه..ادعي بحضرته ونذري بلجي يرد وليدج .

غازيه: صار حالي حال المخبله. شعري ملخته وخدودي خامطتهن..وعيوني شبه معميه من البجي وصوتي طبك من النوح والعياط....يمه راح اتخبل يمه. عقل ماضل براسي وين وليدي اخذو. هاي اول مره من يوم جبته لهليوم هاي اول مره ماينام وليدي بحضني. ولك يمه عزت شحالك هسا جوعان عطشان متأذي يبعد أمك. ادري بيك خايف وتتمنى احضنك...رفعت اديه للسماء وانه بنص شارع ويمي امي تبجي ع حالي ونسوان الجوارين يدعنلي ويصبرن ويبجن ع حالي..رفعت اديه. كتله ربي انت اعلم بحالي. ربي اريد عزيزي منك ربي....ربي انت كلت ادعوني استجب لكم. دعيتك ونخيتك بكل عزيز ونبي وامام تردلي وليدي سالم لحضني..

غازي: من شفت غازيه تخبلت ع ابنهه. وماتسمع من احد. رديت للبيت اخذت بندقيه الجيش ماتي ورحت هديت ع حميد بلمحل...ضربت طلقتين جوه الكاع. هوه زاع العافيه....لك وين اخذتو ابن اختي طلعو لاافرغ الشاجور براسك

حميد: يمعود غازي ابو الغيره ع كيفك اهده اعصابك..بيش احلفلك وداعت ابوي ماعرف وين عزت.

غازي: لاتجذب لك اعصاب ماضلت بينا..كواويد..شتسون بجاهل ماخذينه. هسا اتدليني وينه لااجتلك بمكانك

حميد: لاغازي ع بختك. ولله ماعرف وينه جا هوه هم اخوي الصغير. وما ارضه يجيسه الضيم.

غازي: لاصدكتك طماعين لعد هذا منو اليخابر ويهدد بختي يكتل ابنهه اذا ماتتنازل عن كلشي هااا مو من عدكم وبيكم.

حميد: ولله يخوي مو احنه وانه مادري شسالفه حد ليوم جت غازيه وتصيح كدام البيت يلا عرفت عزت مخطوف

.

عمي مسعود الحك ابنك هاد برشاشه ع حميد بلمحل

مديحه: يمه ابني.

مسعود: انه ابوك يغازي. ولك استر علينه بويه نزل سلاحك

غازي: عوفوني خل اكتله هذا نكس المابكلوبهم رحمه. يبوكون جاهل. ويحرمونه من امه كله علمود فلوس شنهي مابكلوبكم رحمه يبن صبريه

غازيه: خويه عوفه فدوه لعينك استر علينه كلبي خلص من المصايب.

ويا ما جاي نحلهه ونقنع بغازي يعوف حميد. طبكت سياره النجده وجوي الرفاق الحزبيه اخذو لغازي..لان كبل ممنوع واحد يحمل سلاح بشارع. ينسجن. فوكاهه بندقيه الوحده مالته مطلعهه بعركه فعاقبو غازي سوده عليه زينو صفر وسجن ٣ اشهر.