غازيه

18

#غازيه

بقلم Nareman karm
18

مسعود: غازيه بويه تعاليلي شويه

غازيه: ها بويه

مسعود: احجي ويا امج وقنعيهه خل تكعد بمجانهه وتركد تره مالي خلك طلايب شمالهه تسودنت

غازيه: خوش.

مديحه: حسنيه وينج حسنيه

حسنيه: ها عمه شمالج

مديحه: خايبه شوفي فروخج وين ودو عباتي وسباطي(شحاطه)

غازيه: يمه صدوك راح ترحين شنهي تسودنتي. بعد هلعمر تتزاعلون وكل واحد بيكم بديره.

مديحه: خايبه شنهي تسودنت. احجي عدل جدامي انه الام لو انتي....جا تردين اكعد اسكت وهو طلع متزوج عليه

غازيه: ولله يمه بصراحه تردين الصدك مايحقلج تزعلين لان ابوي مانزل عليج ضره هوه اتزوج كبل لايعرفج . يمه عيب من اخوي علوان جاي فرحان بعد كل هلسنين بشوفه ابوي لاتكدرين عليهم وتحبين اخوي يطلع زعلان

مديحه: خايبه يلغمه..اكلهه ثور تكلي حلبي....شمالج تجيرتي يغازيه...خايبه ابوج طرحنه زوج انه واهلي وجذب علينه وهاي بلعشاير ماينسكت عنهه..جا هيج يستصغر ابوي وامي وخالي الله يرحمهم

غازيه: يمه وانتي كلتيهه الله يرحمهم. بسج عاد يايمه. جزعنه من الطلايب...اكوم اسوي الغده الهم

مديحه: جا هم عوزهه ياكل عدنه ابن خالديه

غازيه: يمه شمالج نصي حسج لايسمعج...تغارين من مره ماتت. وعضامهه اكلهن الدود

مديحه: ااااخ يانار كلبي. ولج  الشريجه تحر..ولو جانت بلكبر.

غازيه: ولله يايمه يرادلج كلب ما مدشن. اروحن ابركلي

..

حسنيه: غازيه انه كملت خبز تردين اعاونج بلطبخ خيه

غازيه: اي خيه هاج هاي طاسه وروحي حوشي خضورات من الزرع..بس انتبهي ام نعمان لاتحوشين من العرك..

حسنيه: جا توصين بت العرب ع زرع. شمالج خايبه انه حسنيه..عشت عمري كله اداري زرع وحلال اهلي وعرفن كلش زين.

غازيه: جا خيه انه ماقصدت. ادري بيج شاطره ونادره. وهنيال اخوي بيج بس هيج حجيت من باب الحرص

فتحت المجمده وطلعت باميه جامده طبختهه وجدريه تمن وسمجتين شوي بتنور طين. حطينه هلمقسوم من نعمه وفرشنه الحصيره ع زرع وكعدنه..بس امي مارضت تطلع تاكل..وزعلت هلزعله زعله

غازي: يمه ام غازي وينج تعاي تغدي ويانه

مديحه: نفسي مسدوده اكل يمه عليك بلعافيه

علوان: احس خاله مديحه متضايقه من وجودي..حقهه واني عاذرهه بعد سنين اطلع انه بوجهه..

مسعود: لابويه لاتتكدر..هيه هيج ام غازي تجيهه ايام ماتشتهي تاكل تدري وانه ابوك مره جبيره وصحتهه ع كدهه