غازيه

5

#غازيه

_5_

الصبح اهلي كلهم طلعو لاشغالهم..فد انه ضليت بلبيت بعد الصار من ورا روحتي للبتاوين اهلي خافو عليه وماخلوني اشتغل..

ضليت احوس بلبيت مااعرف شسوي هيج وكت انه افتر يم الكليات ولحدايق ابيع ورداتي...الله لايوفقج يازكيه البومه. منين طلعتيلي.

صعدت ماي بسطل كلت اغسل السطح الهي نفسي وكضي وكت. سمعت لباب جوه اندكت ع كيف.

غازيه: ياهو هاذ

ابو حميد: انه ابو حميد غازيه

غازيه: شرايد ابو حميد محد هنا بس انه.

ابو حميد: اي ادري محد موجود. دفتحي اريد اشوفج وهاي جايبلج وياي بطل كراش وحلويات.

غازيه: امشي منا ولك. ماتستحي على شيباتك شايب وبيك كل البلا..امشي انكلع من بابنه لاالم الجوارين عليك وخلي كتلتك تصير عمل شعبي.

أبو حميد: رايح رايح...عوذه مو لسان. سمعيني غازيه الا اتزوجج وكسر راسج اليابس

غازيه: عيعععععع شتزوج منك. شايب وكاضي. دمشي ولي إلا اكل لابوي عليك.

..

غازيه: سرطان بيك ابو حميد شرايد جايني بهلصبحيه نوب محد يمي.
شسوي يربي...احسن شي اطكطك نعالي وروح لامي بيت ام نعيم..

.لبست نفنوفي وعدلت كصيبتي وفتحت لباب ع كيف شفت محد اكو بدربونه...طلعت وطبكت لباب وراي..ضليت امشي لحد ما وصلت لنعيريه. لبيت ام نعيم انه اندلهم لان امي مرات جانت تاخذني وياهه من عدهه شغل قوي...

ام نعيم: منو بلباب

غازيه: خاله ام نعيم انه غازيه

ام نعيم: هلا بغازيه شعجب جايتنه. امج تشر هدوم بسطح تعاي فوتي

غازيه: شكرا خاله..

ام نعيم: ماشاءلله كبرانه غازيه وصايره مره حليوه.

غازيه: ههههه خاله ام نعيم خجلتاني.

ام نعيم: هههههههههها نزول عليج غازيه. ولج اسمهه خجلتيني..مو خجلتاني هههههههههها

غازيه: جا انه شمعرفني هيج اسمعها.

ام نعيم: دتعالي فوتي بلمطبخ مفلوكه.....مديحه يا مديحه وين صرتي.

مديحه: اجيت عيني ام نعيم....يااا منو هاي غازيه شجايبج وراي ولج....انتي ماتوبين إلا  تطلعين بالله صارلج شي شسوي انه وين انطي وجهي.

غازيه: دطيني صبر يايمه اكلتيني بكشوري.

ام نعيم: هاي شكو يامديحه ع شنو خايفه شصاير..بعدين شو غازيه مطالعه تبيع ورد شعجب.

مديحه: ولله شكلج ياداده ام نعيم جا غير ذاك ليوم طلعت صبحيه تبيع ومقشمرتهه وحده من ذني الاستغفرلله الميخافن الله وباكت البت وحبستهه ويومين انه ابو ابويه اشتعل لاضل بجي مابجيته لاضل لطم مالطمته..عزه وصار بلبيت لحد ما غافلتهم وشردت منهم وجتنه نص اليل..