غازيه

20

#غازيه

بقلم Nareman karm

_20_

بيت ام سوسن بليل من رديت
لاحجيت ولاعدت ولازدت
. خليت ايدي جوه راسي وغطيت جسمي بعباتي وغمضت عيوني وابجي
..وانه اذكر شلون استنكف ابني مني وتفشل من عندي ويعايرني

..بجيت بحركه وكلب متشعوط وانه اذكر ايامي وسنيني الهملت روحي بيهه علموده.
وجم قسمه عفت لخاطره..هاي تالي تعبي ورباي. يا من تعب يامن شكه..ويامن على الحاضر لكه..

ام سوسن: غازيه غازيه خيه غازيه...ردي عليه ياااا. ام عزت صار الصبح ..خايبه غازيه شمالج. لاتخوفيني..ابو سوسن بكر لحكو عليه المره مدري شبيهه متكعد .

ما حسيت غير انه بلمستشفى .
ومعلكيلي مغذي وشوي حسيت.
على دكتوره ضربتني ابره.
نوب قاست ضغطي فتحت عيوني.
حاجتني دكتوره. ها خالتي شلون دتحسين نفسج.
هزيتلهه براسي عود احسن.

ام سوسن: دكتوره شبيهه اختي ام عزت طمنيني
دكتوره: ضغطها مرتفع جدا. لولا ستر الله ولحكتو جبتوهه
كانت لاسامح الله انضربت جلطه.

ام سوسن: ياساتر ياربي لطفك. شكول عليك
يا عزت من كونك متمرمر بحياتك
مثل مامرمرت كلب امك هلمسيجينه

أبو سوسن: حمدلله ع سلامتج خويه ام عزت
بلريش..لاتضوجين نفسج
اني سولفولي عن ابنج وعن السوا
ولله لو ادري بصار لبارحه وكتولي
اجي وياكم جان كسرت راسه على كل
حجايه حجاهه وياج الادبسزز

غازيه: اشكرك خويه. ماتقصر. عساك سالم ام سوسن أريد اطلع منا اريدن امشي لاهلي .

أم سوسن: دكتوره كتبتلج خروج ...
بس كالت فد نص ونطلعج منا.على .
يخلص المغذي. وحتى لو تطلعين .
ماخليج ترحين تجين يمي بعدج تعبانه ..
يخيه شلون ترجعين للناصريه هيج ..

طلعت من المستشفى وضليت يومين بيت ام سوسن وراهه عرفت بكر رايح لعزت للكليه متعارك وياه وكايله امك بلمستشفى من وراك..

وبيوم مشيت للناصريه عزت جاي..
على ام سوسن. يريد يشوفني.
مرزلته وكايلتله مو هنا امك. مشت لبيت جدك.

طول الطريق من بغداد لناصريه كلبي
يبجي دم واحس مخنوكه اريدن اصرخ
وابجي والطم. وطلع هاي الحركه البكلبي

وصلت لكيت جهال غازي يلعبون دعبل بلباب ويا
جهال القريه. ولباب مفتوحه ع نص
دفعتهه طبيت لكيت امي كاعده تحوك صوف.
اول ماشافتني ابتسمت..وهلت ورحبت بيه وفتحت ذرعانهه تريد تشبكني

من شفتهه رحتلهه امشي سريع هوه هذا الجنت محتاجته حضن امي وريحه امي جيتت عليهه ابوس راسهه وحضنتهه ابجي وبجيت حيل من كلب مجروح وهيا
مستغربه تسئلني ليش ابجي

مديحه: شمالج يمه. شمالج تبجين شبلاج...احجي يبعد امج
جيتج من بغداد واتي هيج
تخلي كلبي مامطمن احجيلي يبعد امج..