#غازيه
_12_ وفاه ابو حميد
من خلفت وليد لابو حميد انكلبت حياتنا كلب دللني دلال ماصاير انه وابني ورا مطلعت اربعينيه عزت اخذنه ابو حميد لدائره العقارات. وكتب الكاع والمزرعه وبيت الدوره لعزوز وليدي ومحد يدري وطاني السند وطابو الاملاك ضميتهن يمي...
وانه صرت ام الراهي وبيدي الحل والربط كتله فاهم اريدن تجيبلي وحده تخدمني وتساعدني بلبيت لان امي كبرت مابيهه حيل مثل كبل تحوفني حوف وعزت كبر وصار ٧ سنين عمره سجلته بلمدرسه وجان شاطر حيل حتى المعلمين يحبونه..جان يفتهم وعقله جبير رغم صغير. وغازي سوده عليه كبر ونطلبت مواليده للجيش لازم يخدم التحق بلوحده مالته. ابوي بطلته من العلوه لان رجال جبير مابيه حيل بعد يحمل ثكل. اني جنت اساعدهم ودزلهم مصرف ومسواك مو مقصره..واجتني وحده تساعدني بلبيت اسمهه ام حامد..خوش مره وجنت اعاملهه بما يرضي الله وانطيهه زايد لان عدهه عائله تكد عليهم..جنت اشوف نفسي انه وامي بيهه من جنه نخدم بلبيوت ونحوف الشغل حوف حتى يرضون علينه..جنت انطيهه القاسمه الله من اكل وملابس وفلوس...وادزهه مرات ع اهلي تساعد امي.
اتمرض ابو حميد وكعد بلبيت اداريه وصارت صحته ع كده لان كبر حيل..جانو ولده يجون يشوفو مرات يجيبون وياهم خواتهم بس ام حميد مااجت زارته ولا مره انه الجنت اهتم بي واجيبله طبيب للبيت يفحصه لان يكره المشافي صدك انه طلعت بشي وشويه من الاملاك بس مااكره لابو حميد حبيته وكمت اداري وجنت اخاف عليه شاهد الله اذا صاح اخ اركض اجيبله الاسعاف. والسويته كله ضمان الي ولابني لان اعرف صبريه شنو. اذا صار شي لفاهم تشمرنه بشارع انه وعزت
غازيه: هذا سوب لحم وعصير وفواكه لفهمي حبيبي
أبو حميد: اشكرج حبيبه..بس انتي تداريني وتحملتي كبرتي. لانج اصيله
غازيه: جم فهمي عندي هوه بس وحيد وانته شون مااتحملك وانته رجلي وحبيبي وابو بيتي وليدي..جا غير المره الاصيله تتحمل رجلهه بكل حالاته بشده بلمرض بلضيجه وانت افضالك مغركتني انه واهلي. شون انسه وكفتك وياهم. الله يطول عمرك ويخليك خيمه ع روسنه
ابو حميد: ربي يخليج يابنت الاصول. ااخ كلبي يوجعني
غازيه: سلامه كلبك بيه ولابيك دكل ياعيني خل يصير بيك شويه حيل.
ابو حميد: غازيه
غازيه: عيون غازيه أمرني كول
ابو حميد: جيبيلي عزوزه اريدن اشبع منه شوف كبل ماالله ياخذ امانته
غازيه: اسم الله بيش مفاول ع عمرك...عمرك طويل انشاءلله هسا ع جيه من المدرسه. هوه
غازيه: اسم الله عليك ابو حميد كول ياالله عيوني انته بدونك نضيع ونتبهذل...
أبو حميد: كلمن ويومه حبيبه..غازيه
غازيه: عيوني انت
ابو حميد: فتحي لكنتور جيبي ستره منهه
أنت تقرأ
غازيه
General Fictionاحداث القصه وقعت لامرأه عراقيه في فتره الستينات والسبعينات واين وصل بها الحال من بائعه الورد إلى ام تشقى وتتعب لتربيه ولدها الوحيد. قراءه ممتعه لغازيه
