غازيه

15

#غازيه

بقلم Nareman karm

_15_

ودينا نسوان ع صبريه من المحله يقنعن بيهه تعوف ابني. تحلفلهن وتجذبنه ماعدهه ابني...ام ناديه كلتلي روحي .لسبع الدجيل. ابن علي الهادي  وطلبي حاجتج منه ونذري مايخيبج انشالله وكعدن نسوان المحله يسولفلي عن كراماته وشلون ينطي المراد بالايد...كتلهن دلني وين صاير ام ناديه كالت صاير بلد...اني اروح وياج عندي حاجه اريده يكضيهه..ثاني يوم صبح طلعت انه وامي وام ناديه اجرنه سياره لبلد بسامره. ورحنا..وصلنا حدود الضهر طبيت للمرقد وانه محمله هموم....لزمت شباجه وكمت ابجي وصيح صوتي عله وكلهه كامت تسمعني..كتله ياسبع الدجيل انه اول مره اجيك وناخيتك بجاهك عند الله وجاه جدك الرسول اريدن ابني منك ترده..يبن علي الهادي ضاكت بيه السبل ولجيت الك تردلي وليدي بحضني...ونذر عليه جدام الله وخلكه. اذا ابني اجاني اذبح عشر عجول بابك...كملت مسحت عيوني بطرف عباتي وجرتني امي حضنتني. اسمع نسوان يسألن ام ناديه
يكلهه شبيهه هاي المره خطيه...كلتلهن ابنهه ضايع صارله شهرين ونص. ومالاكينه..ضلن يدعلي يرجع انشالله...نوب امي زارت ودعت لغازي الله يفرج عنه ويطلع...كملنه زياره جبنا ترب واحنه متوضايات صلينا وكعدنا نقره قرأن جانت دنيا ضهر والعالم شويه خفت لان حاره بقينا بلمرقد نصلي وندعي ونقره قرأن ودمعتي ولانشفت ع ابني...كملنا ام ناديه كالت اكو مطعم هنا خوش يبيع لفات كباب. كتلهن مااشتهي انتن تغدن ماقبلت امي رحنا كعدنا. اكلت شويه وشربت ماي وكمنا اخذنا سياره لبغداد ورجعنا...

كل هاي المده وجبر اخو صبريه مختفي وشرطه تدور عليه وجانت صبريه كاتلهه الخوف اذا اخوهه انلزم تروح بشربه ماي...بليل كاعده بطرمه ودمي يفور اسمع صبريه كاعده بلباب تسولف وتضحك ويا جيران وتعلي بصوتهه تبسمر..تكلهن شفتن. شون الله يمهل ولايهمل وخذلي حكي ورجع حلالنه وذولاك العالم تبهذلو وحالتهم حاله. حل وابو زايد....امي تسمعهه وتدعي عليهه..اخر شي متحملت. فتحت الباب وطلعت سحلتهه من شيلتهه ونسوان يفاككنهه مني..نمت فوكاهه ودك بنعال ع راسهه وع جسمهه وهيا بس تصرخ...

غازيه: فقدت حيل فقدت. وهيا تتشفه بحركه كلبي....ولج طلعي ابني كليلي وين وديتي ابني انتي وخوج الحرامي

صبريه: يبوووو ولكم وخروهه مني راح اموت. كريمه سعديه لحكلي راح افطس

مديحه: فطسه الجلب ام الدوايب ولمصايب. وين ضامه الولد طلعي لااخلي غازيه تطلع بروحج.

غازيه: ولج ام العوانس البومه. نسيتي فاهم لبسج لبسه الجلب وعافج لان مو وجه نعمه بنت القندره تبوكين ابني طلعي لااموتج بيدي.....صرت مثل المخبله وكوه فرغنهه النسوان وانه طايحه ع خوانيكهه. كتلهه ولله اذا ابني صاير عليه شي احركج وحرك الخلفج لان ماعندي شي اخسره بعد. وياويل ويلج اذا متأذيه من ابني شعره. اذبحج بيدي وشمر لحمج للجلاب...