غازيه

4

#غازيه

_4_ قصص واقعية لNareman karm

غازيه والبتاوين

بعد ماابوي طيب خاطري صعدت وياه للسطح وتعشيت..وضلت امي تذب بسامير حتى اوافق ..بس ابوي ايسكت بيهه..ويكلهه خليهه ع راحتهه..

ثاني يوم الصبح كلمن طش وراح لشغله وانه شلت سلتي ورحت ادور وابيع..

كاعد امشي شفت مره مزوكه  وتارسه وجهه مكياج ضلت تباوعلي..شو هاي نوب كامت تمشي وراي..

درت شفتهه بعدهه تمشي وراي..خفت منهه كمت امشي سريع لحد ماوصلت شارع العام. شو هاي اباوع لنهه صايره بصفي.

زكيه: يبنيه يبنيه اوكفي دا احاجيج

غازيه: خاله وياي شتردين.

زكيه: اي وياج ماشاءلله حلوه تخبلين خوش بيج فلوس ورزق ..شسمج

غازيه: خفت منهه..كتلهه  انه غازيه اسمي شنو تردين مني خاله

زكيه:  اني زكيه. اكول  هاي الوردات طبيعيه.

غازيه: ايي طبيعيه وريحتهن تفوح هاج شمي

زكيه: الله يخبلن...بيش الورده

غازيه: بخمسين فلس

زكيه: اكلج انه راح اشتري الوردات كلهن منج. بس ماشايله فلوس..تمشين وياي لبيتنا. اخذهن منج ونطيج حكهن

غازيه: ها..ولله شكلج خاله هوه وين صاير بيتكم خو ما بعيد..

زكيه: لايولي هياته شمره عصه..امشينا

غازيه: مشيت ويا المره تباوعلي وتتمعلج وجهه ستغفرلله مدري شني احمر ع اسود الوان من لمكياج. وكشتهه صفره طوخ..امشي بس مامرتاحه. الهه

زكيه: اكول انتي متزوجه

غازيه: لاخاله بعدني

زكيه: يعني بت بنوت

غازيه: يعني شني بت بنوت

زكيه: يااا شكد ثوله هاي البت. يعني محد طاخج كبل

غازيه: ايي

زكيه: هاا...اي زين زين

غازيه: وين صار بيتج شو طولنا

زكيه: هاي وصلنا لمنطقه.

غازيه: دخلت بدرابين وفروع بيبانهه مفتحهه ونسوان لابسات دلع طالعات بلباب..وجهال وصخه تركض وتلعب..وشفت رجال مكيج ولابس تنوره...يااا ضليت صافنه شني هاي عدنه بلعراق..عدنه هيج شي وماادري. ضل عيوني ع هذا الزلمه المتمكيج نوب يعلج ويسوي حركات بنات. اكلج خاله شسمهه هاي منطقتكم

زكيه: معقوله مجايه هنا متعرفين شسمهه..

غازيه: لاولله بحياتي رجلي ممعتبه هذا المجان