#غازيه
بقلم Nareman karm
_19_
ورا مانمتلي ليله بيت ام سوسن وشفت جهالهه ماشاءلله كبرانين بكر الجبير صاير بطول عزت بكده. و٣ الصغار كبرانين شويه . وتسوكت من سوك جم شغيله وجبت لعابه شعرهه اصفر لابسه بدله حمره لبدريه بت غازي وتراكسودات لريسان ونعمان وكصيت قطع قماش لامي وحسنيه وكيوه لابوي ودشداشه لغازي بس انه كلشي ماجبت لروحي ..ركبت سياره من كراج النهضه للناصريه. وطول ماتمشي بينه السياره بطريق. دماغي راح يجرخ بسالفه..ليش مانرجع لبغداد. ونرجع لبيتنه. والمزرعه نأجرهه ...
بدريه: اددت عمه اددت عمه قازيه(هيج جانت بدريه بت اخوي غازي تسميني قازيه)
غازيه: هله بدريه حبيبه عمه. طيني بوسه من خدودج الحلوه
بدريه: تنو دبدتيني اياج عمه
غازيه: جبتلج لعابيه يبعد عمتج.
حسنيه: يبعد كلبي عليش كلفتي روحج ام عزت. شلونج خيه
غازيه: هله بيج خيه لاكلفت روحي ولاشي كله رخيص هاج الغراض الج ولغازي اخوي وللجهال.
حسنيه: ماتقصرين حبيبه عساج سالمه ويفرحج بوليدج
غازيه: مشكوره خيه..جا وين ابوي امي
حسنيه: عمتي اخذت نعمان واخو يعاونونهه بشيله الجداري وطوس راحت بسطت بسوك تبيع الخاثر(روبه) وعمي راح هوه وغازي يشترون عربانه وسبندار(رف) يفتحهن اخوج جنبر.
غازيه: ااااخ اااااخ...اوووف ياكلبي
حسنيه: ياا شمالج غازيه خيه
غازيه: خيه الفلوس كضت واجار بيت ابوي البغداد قليل مايكفي ويوفي. وشوفه عينج صرنه عشيرنه. ومنا ابني يريد كل شهر مصرف منين اجيبن شيب كلبي...كلت احسن شي نأجر المزرعه بمبلغ جبير شويه ونروح لبغداد نكعد هناك احسن.
حسنيه: علوا خيه ام عزت اتمنى شوف الولايه...بس بلجذب اسمع بغداد بغداد..انه وياج من ايدج هاي لايدج هاي وانه اقنع غازي .مايكول شي. واجري المزرعه احسن الج والنه
غازيه: جا خوش خل يجون امي وابوي وكلهم...
...
مديحه: هاك جده ريسان سفط طوس الخاثر بلكاع يمك وغطيهن بجرايد...وانت نعمان. كوم صيح ع روبه وجيب بلعالم جلب بيهم اجلب وانه حبوبتك....
نعمان:: روبه روبه روبه..هاي روبه ام غازي ماكو منهه. كرب ياولد كرب ياعمي وشتري الروبه...تعاي خاله تعاي ضوكي روبه حبوبتي. جنهه زبد..ب٢٥٠ فلس الطاسه
الغريبه: خايب هد عباتي. عبه..شني كوه اشتري روبتكم..
مديحه: شمالهه هاي ام ضروس هم عاجبتهه روحهه جا حاصلج تضوكين روبتي. تهي بهي عالم شايفه ارواحهه عليش مادري
أنت تقرأ
غازيه
General Fictionاحداث القصه وقعت لامرأه عراقيه في فتره الستينات والسبعينات واين وصل بها الحال من بائعه الورد إلى ام تشقى وتتعب لتربيه ولدها الوحيد. قراءه ممتعه لغازيه
