غازيه

24/الجزء 2

#غازيه

الجزء 2
بقلم Nareman karm

_24_

حسنيه: فوتي بدريه عساهه روحه الكشره.
.

مديحه: خايبه شمالج تهذرين. خبصتينه

بدريه: حبوبه كريمه تعاركت ويا امي
وطردتنه. وكامن يصيحن انتو الكتلتو خالي

حسنيه: يعمه بصدك رحت اعزي واخذ
من خاطرهن التمن عليه مثل الحواوين
وذاك الغلط والمالخ. ويكولن من ماتت غازيه وابنهه كون
وماطول جتلتو خالنه إلا ناخذ ١٠ من ولدكم

مديحه: من دهر فرهن كون ولله عمي خوش
تالي وكت ذني العجايز يحكمن زلم. بالله
هاي صايره دايره.

غازيه: عساك لارجعت يعزت ولاشفتك
وساعه السوده بيوم خلفتك ماوراك
بس طلايب يبطن بطني. هسا بالله
كتلت الزلمه وكومته يم الباب اي ليش.
ااااخ ااااااخ. لااكدر ادعي عليك ولااكدر اردك
شسوي يربي ماردت ابني يقوه بمنصب
ويصير بشر ضالم..ليش يايمه هجمت البيت على روسنه

نعمان: يمه يمه لحكي يمه

حسنيه: ها ها خايب شمالك. تلهث على كيفك

نعمان: يمه ابوي هدو عليه بلفضل وريسان يمه

مديحه: شمالك تبجي ولك احجي شبي اخوك

غازيه: ولك احجي عمه شبي اخوك منو ذوله
الهدو على غازي احجي كلبنه راح يوكف.

نعمان: عمه ريسان ضربو سجينه وابوي
دارو عليه وانه جنت اودي خبز من رجعت
للفضل شفت العركه عفتهم وشردت اركض
اجيت كتلكم..كلهم معكلين وشادين حزم
بيهه سجاجين و مسدسات.

حسنيه: يمه صخام الصخمج يحسنيه
تصخمتي وتلطمتي. راح ابني بيهه
يايمه ياريسان كلشي ولاريسان ضناي

...

من اجه نعمان وخبرنه هادين على
غازي اخوي وريسان توه عوده نبت وشب
بعده جاهل ودمه حامي عود راد
يدافع عن ابو سوده عليه وضربو
ونهزمو هاي ناس رايده تفاككهم ماكادريلهم
بلغو النجده ونهزمو صار تحقيق ونقلو
ريسان للمستشفى مالحكو عليه سلمهه
اخوي غازي كعد بلكاع وكام يلطم على راسه
وشك دشداشته على ريسان حسنيه
كامت طينت راسهه تحط طين على راسهه
وتدك وتلطم عليه انه فقدت كلنه حزنه
عليه الله يرحمه جان حنين وضعيف
سوالفه تنحب..طلعو الهادين على غازي
والكتلو ريسان ولد جبر اخو صبريه
يردون ثار ابوهم من ورا انانيه ابني
وقساوه كلبه طاح بيهه المسيجين ريسان
وبفاتحته صبريه واكفه بلباب وتشمت
شكد تشمتت بموته ريسان وكامت تدعي
بعد نعمان يموت حتى يحترك كلبنه
بدريه ماتحملت كلامهه طلعتلهه جرتهه
من شيلتهه نومتهه بلكاع وكتلتهه مافارغهه
منهه غير غازي وناس بجادر..وغازي سوده
عليه طول ايام العزه لاف الشماغ على وجهه
بس عيونه تبين ويبجي بجادر عليه