ஆகாஷனா

கற்பனை‌ 18

ஷனா - 10

லைப்ரரிக்கு சென்ற ஆகாஷனாவும் நேத்ராவும் பொன்னியின் செல்வன் புத்தகத்தை தேடிக்கொண்டிருந்த சமயம் அஜய்யும் சரியாக அவ்விடத்துக்கு வந்தவன் இவர்களிடம்

"என்னப்பா ரெண்டு பேரும் ரொம்ப மும்முரமா ஏதோ ஆராய்ச்சிக்கு புக்ஸ் தேடுற மாதிரி இருக்கு" என்று கேட்க

"ஆமா சார் ஆராய்ச்சிதான்.ஆதித்த கரிகாலன யாரு கொன்னா என்ற ஆராய்ச்சி.நான் ஐந்தாம் பாகத்த எடுத்துட்டேன்.இந்த 3,4,5 ஒரே புக்கா இருக்கா அத தேடுறோம் கிடைக்கவே மாட்டேங்குது "என்று கூறிய ஆகாஷனாவை புன்னைகயுடன் ஏறிட்டவன்

"இந்த புக்கா கொஞ்ம்ச பாருப்பா?" என்று கேட்க முதலில் புன்னகைத்தாலும் உடனே பொய்யான கோபத்தை முகத்தில் காட்டி

"அப்போ இன்னும் நீங்க திருப்பிக்கொடுக்கல்லயா?" என்று கேட்டவளை

"ஹேய் எப்போல இருந்தும்மா என்ன மரியாதையா கூப்பிட பழகின.ஹ்ம்ம் இருந்தாலும் நீ அப்படி கூப்பிடறப்போ நல்லாதான் இருக்கு.சரி சரி நீ 5 வது பாகத்த எடுத்துக்க.நான் என்னோட கார்ட்லயே மறுபடி ரினீவ் (புதுப்பித்து) கொடுக்கிறேன்.ஏன்னா நான் இப்போ ரிட்டேர்ன் பண்ணா அது செல்ப் கு வராது.கொஞ்சம் லேட் ஆகும்.கவுன்டர்ல உடனே வேற கார்ட்கு கொடுக்க மாட்டாங்க.என்னோட கார்டுக்கே மறுபடி எடுக்குறதுன்னா ப்ராப்ளம் இல்லை"என்றவனை ஆகாஷனா நேத்ராவை நோக்கி

"நேத்ரா டார்லிங்க், நீ அஜய் கார்ட்லயே ரினீவ் பண்ணி எடுத்துக்க.நான் 5ம் பாகத்த எடுக்கிறேன்"என்றவளை அஜய் லேசாக முறைத்தான்.அவன் எதற்காக முறைத்தான் என்று நேத்ராவுக்கு மட்டுமே புரிந்தது.

நேத்ராவிடம் புத்தகத்தை கொடுத்து அவன் லைப்ரரி விட்டு சென்றவனுக்கு இதயம் படபடப்பாக அடித்துக்கொண்டது.வீட்டிற்கு வரும் வழியில் ஆகாஷனா நேத்ராவிடம் இருந்த புத்தகத்தை பறித்தவள்

"செல்லக்கட்டி எனக்கு இன்னைக்கு நைட்கு இத படிக்கலன்னா தூக்கமே வராது.இன்னைக்கு நான் படிக்கிறேன்டி ப்ளீஸ்"என்று முகத்தை அப்பாவியாக வைத்துக்கொண்டு கெஞ்சிய தன் தோழியை முறைத்தவள்