ஆகாஷனா

கற்பனை 25

தனிமையில் வாடும் ஒருவனின் வாழ்வில் ஒரு பெண் நுழைந்தால் அவனின் வாழ்வு எப்படியான ஏற்ற இறக்கங்கள் வரும் என்பது பற்றி விபரித்து எழுதி இருந்தவன் அடுத்து ஒரு குறிப்பு போல

"என் மனதில் முதலில் நுழைந்தவளே, இன்று வரை நீ யார் என்று தெரியாமல் உன்னை தேடித்தேடி கலைத்துப்போனேன்.நாளை நான் இன்னொருத்தியின் கணவன்.இனியும் உன்னை என் வாழ்க்கையில் சந்திக்க கூடாது என்பது என் எண்ணம்.ஒரு வேலை சந்தித்தால் என் மனைவிக்கு நான் துரோகம் இழைத்துவிடுவேனோ என்ற பயம்.என் தாயின் அன்பை நான் முழுமையாக பெற முன் கடவுள் என்னிடம் இருந்து அவரை பிரித்துக்கொண்டார்.முதன் முதலில் ஒரு பெண்ணின் அன்பை,அக்கறையை காட்டியவள் நீ.இன்றுடன் உன்னை மறக்க நினைக்கும்

கரு"

இதைப்படிக்க நந்தினிக்கு மிகவும் குழப்பமாகவும் கவலையாகவும் இருந்தது.கதிரும் அந்த பெண்ணும் செய்த எந்த ஒரு சாட்டிலும் அவர்கள் எல்லை மீறியோ அல்லது அன்பை பொழிவதை போலவோ பேசிக்கொள்ளவில்லை.அந்த உரையாடல்கள் எல்லாமே கதை பற்றியும் நிஜமான ஆகாஷனா யார் என்பது பற்றியுமே இருந்தது.நந்தினிக்கு சிறு வயதில் இருந்தே கதிரை பற்றி தெரியும்.அவன் படிக்கும் காலங்களிலும் சரி வேலை செய்த போதும் சரி எந்த ஒரு பெண்ணையும் ஏறிட்டு பார்த்ததே இல்லை.ஏன் அவனுக்கு பெண் தோழி என்று யாருமே கிடையாது .சரியாக சொல்வதென்றால் அவனுக்கு இருக்கின்ற ஒரே ஒரு நட்பு சுமன் மட்டுமே.

ஒரு சில நாட்கள் நகர கதிரும் நந்தினியும் பேசிக்கொள்வது வெகுவாக குறைந்தது.ஆனால் இருவருமே இது பற்றி ஒருவர் மற்றவரிடம் பேசிக்கொள்ளவில்லை.இரவில் கூட கதிர் வேலை அதிகாக உள்ளது என்று தாமதித்தே வீட்டிற்கு வந்தான்.கதிர் தன்னை அவாய்ட் பண்ண நினைக்கின்றானா என்று நந்தினி யோசிக்க அவளும் அவனிடம் முகம் கொடுத்து சரியாக பேசவில்லை என்பது புரிந்தது.

இது எல்லாவற்றையும் யோசித்த நந்தினி யாரிடமாவது இது பற்றி பேச வேண்டும் என்று நினைத்தவள் சந்தியாவுக்கு கால் செய்ய அவளின் போன் ஸ்விட்ச் ஆப் என வந்தது .உடனே தன் அக்காவிற்கு கால் செய்து அவரிடம் விடயத்தை கூற