#رائحة_الروح
الفصل الاول
بلا تأشيرة
خشيت للخاطر ..ذهبت الشيرة
سلمت روحي لك
بدون شعور
كل الحواس .. عاشت معاك الدور
والقلب حسيته .. يريد يثور
والقيت روحي ..في هواك اسيرة
وحسيت عمري .. بالغلا مغمور
والعقل تايه ..والاشواق كبيرة
............
(سيلين)
سيلين .. الو حبيبي
عماد.. اهلين
سيلين ..تو رن عليا يس وجاي بيرفعني للسوق
عماد..ههههه ندفع عمري وكيف ياسين مخليك هكي تناديه
سيلين ..مالكش دعوى بيني وبين سلفي خليك برا منها
عماد..باه واني قولت حاجة
سيلين..ايوه حبيبي الشاطر
عماد..عادي اطلعي ماهو قلتيلي من آمس
سيلين..لكن بنقولك بنمشي لحوش هلك بنتغذا غادي انت بطول في المحل والله بتروح بدري
عماد بعد صمت دقيقة .. بري تغذي عند اماليا بنقعد شوي في المحل ونمشي للحوش نقيل وبعدها نجيك غادي تمام
سيلين بفرحة ..تمام التمام توصي حاجة ياحبيبي
عماد وهو سارح..لا لا هي باي
وجاني سلفي يس وطلعت انا وياه
ياسين.. شن نمشو انجيبو الهدية قبل والله الطورطة
سيلين ..نجيبو الهدية قبل وبعدين التورتة
ياسين..مية المية
ومشينا للمحل وخذيت الهدية ومشينا للحلواني وجبنا التورتة اللي كنت حاجزتهن من قبل
ياسين..تصدقي ياسلين لو يجيني واحد الوقت اهوا ويقولي اني نغير نظرتي فيك نقول كذب وانك تكوني في غلاوة خواتي نقول مستحيل
سيلين ..وشنو كانت نظرتك لي هضاك الوقت
ياسين..من خمسة سنين قلت شنو هادي السحنونة اللي جايبها عماد وبالذات لما عرفت انك صغيرة في العمر والفرق بينك وبين عماد عشر سنين قلت مش عماد بس اللي بيتعب شكلنا حتى احني بتعبينا معاه وبالذات لما مرة مرة تطلع منك كلمة غريبة قلت يستر الله
سيلين بضحك ..لهدرجة
ياسين..ايه وتصدقي تخيلتك مع طبع عماد الاحرف انك مستحيل تكملي شهور وانت على ذمته
سيلين..صح انا نبان للناس اني دلوعة وخصوصا طريقة ربايتي منفتحة شوي لكن لما نفكر نخطي خطوة نتحملها بجميع سيئتها وحسناتها
ياسين..وان شاءالله يارب يكونو ايامك مع عماد حسناتها اكثر من سيئتها
سيلين .. تعرف انا ماتزوجتش عماد عن حب لكن خذيته على اقتناع والحياة ماتخلاش من مشاكل لكن عماد ربي يخليه ليا حتى لما يقصر معاي يعوض فيا (وبنبرة حزن )مع انه الشهور هذي مقصر معاي واجد ومتغير لكن نقول ضغط عمل وتو يرد زي قبل ويعوضني على التقصير هذا
ياسين..خيرك سيلين كلامك تغير للحزن في الاخير في حاجة اني مانعرفهاش
سيلين ..تعرف يا يس انا نثق فيك اكثر من اي حد من يوم ماجيت طرابلس وحسيتك خيي وماندسش عليك في شي لكن الشهور هذي عماد متغير واجد معاي لو مش عارفة شخصيته وجديته نقولك ممكن بنت لافة عليه
ياسين ..شنو لافة عليه
سيلين ..لايدة عليه ومصاحب يعني
ياسين وبيغير الجو ..معقولة ياوخيتي ليك معانا خمس سنين وقاعدة تتكلمي شرقاوي
أنت تقرأ
الجزء التاني من (سلسلة البيوت اسرار ) رائحة الروح 💙(منقوله )
Romanceروايه ليبيه منقوله الجزء الأول في صفحتي 💙
