الجزء التاني من (سلسلة البيوت اسرار ) رائحة الروح 💙(منقوله )

34

#رائحة_الروح
الفصل الرابع والثلاثين

سيلين بصدمة .. عليش
مالك .. عشان عمرها ماحبتني
سيلين .. بس انت تحبها
مالك .. كنت كنت نحبها او واهم اني نحبها 
سيلين .. كيف نا مش فاهمة وهي وافقت عادي
مالك .. كيف لاني خلاص اكتفيت وحسيت روحي خذيت حقي وحقك منها لما شفت وجهها اليوم كيف مصدومة ووافقت ماعندهاش اصلا شنو تقول بالذات بعد ما عاودت ليها الكلام اللي قالته لك من قبل خمس سنوات
سيلين .. كلام شنو
مالك .............
سيلين .. به تكلم يا مارو سكاتك شكلك عارف كل شئ
مروان .. احكيلها احسن يا مالك
مالك .. يوم قراية فاتحتك على عماد كنت جاي بنبارك ليك وانت ابصر فيش لاهية فكنتي تردي على عبير والسبيكر مفتوح وانا جيت بندق عليك وقفني كلامها اللي سمعته
سيلين بصدمة .. شنو
مالك ..اه سمعته كله من بدايته لنهايته والمفروض نزعل منك ومانكلمكش بكل كيف رضيتي لخوك انه يقعد مضحكة لوحدة زي هذي
سيلين .. ماهوووو......... اصلا..........
مالك .. ماهو شنو واصلا شنو فهميني ليش رضيتي فيا هكي نا لو كنت صديق بس مش خو كنتي جيتي وحكيتي ليا المفروض مش تسكتي
سيلين .. خفت عليك من الوجع خفت تجرب نفس وجعي لما سيبت حمزة وقتها كان الوجع واعر يا خوي ماتمنيته لعدو لابال خوي وقلت صح هي ممكن ماحبتكش وممكن حقودة عليا وغيرتها عمتها لكن قلت لما تتزوجها اكيد بحبك ليها حتتغير
مالك .. وترضي ليا نعيش حياة زي مارو شنو ضمنك ان عبير ماتطلعش زي مودة ماهو مودة مثلت الحب على مارو وخلاته يحبها وعمره ماقصر معاها رغم كنا كلنا نشوفو في طمعها الزايد حتى بعد تمت ام نسحبوها بتتغير والنتيجة فقدنا رحمة ليش مافكرتيش ان عبير ماتطلعش زيها طالما هنا الوضع المادي زي بعض
مروان تأثر من كلام مالك 
سيلين .. لا مش قاعدة مش كل بنت فقيرة مادية واذا مودة وعبير طلعن زي بعض فاكيد لكل قاعدة شواذ ومارو ( وجت ضماته لانها لاحظت تأثره بكلام مالك ) اكيد ربي حيعوضه بدل مودة بولية تسواها عشر مرات وبعيال وبنات يعبو عليه الحوش
مروان .. باذن الله
مالك .. نا يا سولي ممكن عبير ماحبيتهاش ممكن حبيت حبك ليها ممكن حبيت الدور اللي كانت تمثل فيه قدامي لكن من لما سمعت كلامها معاك مات كل شئ من ناحيتها وهذا دلالة اني فعلا ماحبيتهاش لاني لو حبيتها راه كنت متت من صدمتي فيها راه تعبت مش فكرت اني نوريها ونعاقبها علي صار
سيلين  وهي تبوس في راس مالك .. حقك علي يا خوي والله ماكنت الا خايفة عليك من الوجع
مالك .. مسامحك اهناك واحد يزعل من بنت قلبه
مروان .. لكن تو امي رحمة وعمي حسن كيف تقنعهم
مالك .. مانيش داس عليهم شئ بنقوللهم كل حاجة بيش يعدو يخطبولي بسرعة 
سيلين باستغراب .. يخطبولك بسرعة
مروان .. ماهو خوك ليه سنة ونص يحب من جده
سيلين .. ومن المحظوظة اللي قلب اوكي دق ليها صح هالمرة
مروان .. راما
سيلين .. جيرانا الجدد
مالك .. اي جدد وهما ليهم قريب السنتين  جيرانا
سيلين .. كيف حبيتها وكيف تعرفت عليها
وتعلم بانك خاطب
مالك.. بشوي اهدي بس كيف حبيتها لفتت انتباهي ببساطتها وهدواتها كيف تعرفت عليها تشتغل في شركتنا في قسم المحاسبة وجذبتني بانظباطها وعدم اختلاطها اللي ماليشي لزوم مع المواظفين زي ما دايرات غيرها وغير هذا كله عيلتهم كويسة ومعروفة ورغم انهم الواضح مش محتاجين ماديا الا ان كل بناتها وشبابها اللي مايقراش يشتغل وهذا زاد حببني فيها غير خوها سراج ماشاءالله عليه
سيلين .. نا وين من هضا كله
مالك .. قاعدة لكن كيف كنت بنقولك اني نحب ونا خاطب
سيلين .. بس هي اكيد عارفاتك خاطب طالما اننا جيران وغير انها موظفة عندنا
مالك .. اه عرفت لانها معاش رفعت عينها فيا حتى لما نجي للقسم عندهم ترد عليا بدون ماترفع وجهها وتعاملها معاي رسمي بكل وهذا اللي زاد تعلقي بيها 
سيلين .. وبه تو كيف بتوافق والله فاتحتها وضامن موافقتها
مروان .. مالك حكى مع خوها سراج وعلى خطبته من عبير وليش قاعد فيها لتو وقاله بمجرد مانفسخ بيخطب اخته وطبعا هو كراجل عجبه موقف مالك ومامنعش وقاله يخلي اخته شوره
سيلين .. ااها تمام معناها يبقى يافالح يلا صبي وعدي احكي لبابا وماما وانا تو نحكي لجوري وزهرة
مالك .. لا مش مستحقة لاني بعتت ليهم يجو برجالتهن عشان نحكي لهم مرة وحدة
سيلين .. يبقى خليني نمشي واهو مروان قاعد يشيلني لخوتي
مالك .. كنك ماتبيش تحضري القعدة
سيلين .. تبي الحق لا اصلا انا سيرة عبير اضايق
مالك .. به براحتك مع اني ندفع عمري ونعرف كيف كنتي حتعيشي معاها لو نا فعلا حبيتها صح وتزوجتها
سيلين .. ببساطة وقتها نسحاب روحي مازلت قاعدة متزوجة وقلت حنقول لبابا ياخذلي شقة وبعد ما اطلقت كنت حنمشي عند ماما ياسمين
مالك .. بالهبساطة
سيلين .. ايه بالهبساطة لاني عارفة كل ماترايفو عليا انتم حتجوني ولما انرايف عليكم حنجيكم كاني مازالت متزوجة
مالك ..ماتوقعتكش قاسية هكي
سيلين .. لا يا حبيبي والله ماني قاسية لكن فكرت هكي عشان نتجنب اي وجع يجيك بسببي
مروان باستغراب .. بسببك كيف
سيلين .. ماهو عبير داها نا وتغير مني واجد واللي تتشمت فيا عشان تزوجت واحد ماديا اقل مني ماليشي اي دلالة الا انها غيرانة والغيرة والحسد مش بالساهل يتحول من البني ادام لابال هذا البني ادام ولية
مالك .. برضو مافهمتش
سيلين .. غيرتها حتخليها كل مرة ادير مشكلة بيني وبينها وانت اللي بتجي بينا وبالذات هي ديمة تلمح على انه الحمدلله اننا اخوة بالرضاعة فتخيل انت لوين توصل
مروان .. صح عندك حق
سيلين .. هيا مارو نجهز دبشي ونجيك
مروان .. تمام
مالك .. بتباتي غادي
سيلين .. محمد عند اهل فرح زاردين وحسن وماهر مابوش يمشو ولما محمد عرف روحه انهم بيباتو فرح اضايقت وهلها زعلو فمحمد مايبيش يدير فجوة بين فرح وهلها فاتصل بيا قالي يانمشي نبات عندهم يانكلمهم يباتو عندنا وقبل كنت بنكلمهم لكن لان الموضوع عارفاته مش حيكون ساهل على ماما رحمة وبابا بالذات لما يعرفو عبير شنو دارت فيا حيضايقو لانها عرفت كيف تضحك عليهم فالاحسن نا نبات عندهم
مالك وهو مش مقتنع ..بس يا سولـ....
مروان .. خلاص يامالك سيب سولي براحتها عدي يا اميرتي جهزي روحك
سيلين .. باهي
مروان بعد ماطلعت سيلين .. كنك يامالك
مالك .. كني
مروان .. مش ملاحظ انك باقي تضغط على سولي واجد بالذات في مشاوير خوتها
مالك ...............
مروان بهدوء.. سولي طول عمرها كبرت وانت خوها وانت سندها ورد بالك تفكر يجي يوم مثلا لقدر الله بتنضام فيه سولي ماتجيكش انت الاول عمره عقلك ماتخليه يوصلك هكي بكل
مالك .. خايف ياخذوها مني انا في الاخير اخ في الرضاعة
مروان .. وسندها اللي كبرت وهو معاها وولد خالها اللي حن عليها اكثر حتى من خواتها اللي مستحيل تستغنى عنه
وخوتها فرحانة بيهم لان تمت ليها عيلة وان امها ماعزقتهاش وخوتها ماكانوش يعلمو بيها فتبي تعرف عليهم كل شئ وتبي تفهمهم ويفهموها وماتنساش هي حتكون مرت خوهم
مالك .. شنو قصدك
مروان .. بطل استعباط اوكي حمزة طبعا
مالك .. قصدك حمزة مازال يحب سولي
مروان بضحكة .. تي لو كنت اعمى راك فتحت من وضوح حب حمزة لاميرتي
مالك .. والله ما انتبهت
مروان .. كيف بتنتبه وانت عقلك ماشي شور خوتها وانهم بياخذوها منك
مالك .. عندك حق