الجزء التاني من (سلسلة البيوت اسرار ) رائحة الروح 💙(منقوله )

19

#رائحة_الروح
الفصل التاسع عشر

               (سيلين)

عماد بصدمة .. سيلين
وجيتها نجري لانها طاحت اغمى عليها خبطت وجهها اكثر من مرة وماصار شئ طلعت نجري زي المهبول بنولع السيارة لقيت ياسين واقف برا وجاني بسرعة 
ياسين .. خيرك ياعماد
عماد .. سيلين اغمى عليها ومابتش تفيق بنرفعها لمصحة
ياسين بخوف .. هاتها بسرعة ياعماد سيارتي والعة
ياسين
هذا اللي خايف منه اشبح شنو شافت داخل يارب مايكون اللي في بالي لكن التفتت لعماد وهو طالع وفي حضنه سيلين عرفت ان اللي في بالي صح لكن مش وقت كلام
ركب عماد من لوراء وهو حاضنها وهو يتأسف وبس
عماد بدموع .. آسف والله آسف والله مادرت حاجة
ياسين .. مش وقت دوة تو غير خلينا نطمنو عليها
عماد بعد فطن .. انت ليش قاعد قدام الباب
ياسين .. قلبي كان حاسس ان في حاجة مش تمام حتصير ليش مش عارف ماقدرتش نطلع بعد ماحطيت سيلين
انت شنو درت و اللي كانت طالعة معاكم شنو جيبها ليك مش سكرنا صفحتها من زمان
عماد .. والله مادرت حاجة معاها
ياسين ببرود .. وجودها معاك في حوشك وبروحكم هذا بروحه ساد مايهمش درت حاجة او لا
عماد.. والله ماني عارف شنو درت مانبيش نخسر مرتي اني مش عارف شنو اللي وصلني لهكي
ياسين بنفس البرود .. ماتبيش تخسر مرتك انت خسرتها ياعماد
عماد بعصبية ويزيد يضغط عليا في حضنه .. ماخسرتهاش حتنوض وتسامحني لما تفهم كل حاجة
ياسين .. يستر الله سيلين حاسة بيك متغير من شهور واهو انت اثبتت شكوكها صح ليك ياعماد تو نقدر نقولك خسرتها بتفوق
عماد بعصبية .. ماخسرتهاش انت بس تقول اني ماخسرتهاش
ياسين
سكتت ومعاش زدت كلمة لان فعلا عماد تمت حالته هيسترية بكل نين تخوف وكيف هو يضغظ على سيلين ويحضن فيها يبي يزرعها زرع بين ضلوعه
ووصلنا على مصحة كبيرة ومعروفة على خاطر حاسس ان سيلين حالتها مش اغماء بس لانها هي حساسة واجد وشبحت راجلها مع مرا ثانية مهما كان الوضع اللي هما فيه حيكون تأثيره مش ساهل عليها ونزلها عماد وهو ينادي بصوت عالي ينادي على الدكتور وجو خذوها من عماد وعماد ماهفتش  ولا لحظة ماشي جاي  وهو على لسانه
عماد .. يارب مادرت شئ مادرت شئ يارب   يارب يارب
وطول الدكتور عندها
ياسين .. طول الدكتور
عماد بخوف .. قلبي نار عليها
ياسين .. يستر الله
عماد .. يارب يارب
ياسين
وطلع الدكتور من عندها ووجه مايطمنش
ياسين  وعماد.. ها يادكتور طمنا
الدكتور .. بيش تقربو ليها
عماد بلهفة .. اني راجلها
ياسين .. واني خوه
الدكتور .. حالتها ما اطمنش
عماد .. شنو يادكتور
الدكتور .. تعرضت شكلها لصدمة عصبية وتو عطيتها مهدي
عماد مازال على نفس الخوف .. بس شنو اللي مايطمنش دكتور
الدكتور .. ان المريضة ماعندهاش استجابة واحتمال كبير تخش في غيبوبة ارادية
ياسين  بصدمة .. كيف ارادية
الدكتور .. من الصدمة اللي مرت بيها قررت انها تنسحب من العالم هذا في غيبوبة برغبتها او بمسمى طبي النوم الوهمي
ياسين .. مافهمناش يادكتور
الدكتور .. ان المريض يبدا مافيه شئ لكن مايبيش يفيق كأنه راقد ونحن ماعلينا الا نتابعو وظائفه الصحية ونعطوه التغذية اللازمة حتى يفيق
عماد بدموع يقاوم انهن ماينزلوش.. به امتى تفيق منها
الدكتور .. تو مانقدرش انقول حاجة هي تو تحت ثاتير المهدئ مش حتفوق الا الصبح وبعدها نعرفو شنو ايصير وادعو انها ماتخشش في غيبوبة 
ياسين
التفت على عماد اللي طاح من طوله ونزلو دموعه معاش قدر يشدهن وكان خاطري نشده ونقوله كله منك ياخوي شنو دارت عشان تجازيها هكي شنو دارت وهي تحملت تعيش معاك بفقرك وعازتك نين وقفت على رجليك تحملت انها تنحرم من كلمة امي وبدون تفكير كانت تسامح وتمشي لكن انت شنو درت ليها ياخوي لكن ماقدرتش انقول حاجة من اللي كان في فكري لان عماد قدامي منهار يبكي على جوهرته اللي ضيعها ومش عارف ليش شديته ووقفته وقمعزته على الكرسي وعديت جبت ليه امية وعطيته يشرب وهدا شوي وبعدها سيبني وخش للدار عند مرته
عماد
كانت راقدة ووجها شاحب هلبة ضميري وجعني ليش درت فيها هكي قربت منها وشديت ايدها ودموعي لاشعوريا نزلن هي ماتستهلش يصير فيها هكي
ياسين .. عماد عماد
عماد بصوت مخنوق .. نعم
ياسين .. بنمشي لحوشك اكيد مفتوح نحن ماسكرناش غير الباب الخارجي
عماد .. به
على خشة الدكتور
الدكتور .. تقدرو تروحو راه قعادكم ماليشي اي فايدة المهدئ اللي عطيتها لها مفعوله قوي 24 ساعة يعني مش حتفيق غير غضوة  الصبح
عماد .. اني مستحيل انخليها بروحها تفيق وماتلقاش حد معاها
ياسين .. خلاص ياعماد نمشي اني وانجيبلك غيار ونجي
عماد .. الفلوس ياسين راك تنساهن في درج سيارتي تلقاهن
ياسين .. به