طبعا مع متابعات زيكن الواحد يرفع راسه بيكن وقلبي مايتحملكنش بكل
وغلاوتكن تعرفنها عندي قديش كبرها وتدللن عليا زي ماتبن وحنزل بكرة زي المعتاد
#رائحة_الروح
الفصل الثلاثين
دونك ياقديم
نامازلت
في طيفك انهيم
كيف زمان
دونك ياقديم
دونك ياغلاها
عندي عين
متقاوي عزاها
طول الوقت
ناصبته عزاها
تريد غلاك
وع الباقي تصيم
دونك يالروح
يالعزيز
يامداوي جروح
بنيت معاك
في احلامي صروح
لاتنهد
لاتقعد رديم
.........................
سيلين .. حمزة
حمزة .. زمرد
سيلين
مجرد ماسمعت صوته صبيت من مكاني والتفتت ليه انأكد على الصوت اللي مستحيل نغلط في نبرته ونطقت اسمه ومعاش نندري على شئ حسيت الدنيا كلها بدت اظلم في عيوني
حمزة
خشيت للڤيلا وطبعا جيت شور الجهة الخلفية عشان ماهر باعتلي رسالة وقالي تلقانا نفطرو لوراء قدام حوض السباحة وخشيت انا نعاتب فيهم لان قبل ديمة يستقبلو فيا في المطار حتى لو قلت ليهم ماتجوش بالذات ماهر مستحيل مايستقبلنيش وانا مالحقتش نطقت بكلمتي الا وشفتها التفت ليا مش مصدق عيوني معقولة زمردتي هي اختهم اللي كرهتها عشان باعدت خوتي عليا مش مصدق عيوني نين نطقت اسمي عرفت روحي مش واهم وبعدها قلبي طاح بين ايديا لما شفتها طاحت وتلاقاها واحد بين ايديه ماشفتاش معاها من قبل ومش خوها اللي نعرفه
مالك بعيطة .. مارو حذاك سولي قاعدة تميل بطيح شكلها
مروان
على عيطت مالك تلقيت سولي بين ايديا واغمى عليها لكن اللي فرحتني اني سمعتها نطقت باسم حمزة وعرفت الاسم طول
مروان بلهفة ونخبط على وجهها بالشوي .. اميرتي سولي سولي نوضي
مالك بخوف .. كنها يامارو مابتش تنوض
ياسمين بخوف .. حي عليا كنها بنتي
محي.. هدي بالك ياسمين انت عندك الضغط واكيد حاجة بسيطة
محمد.. كنها يا مروان سولي
مروان .. ماتخافوش هذا شئ متوقع مالك اركب فوق لشنطتي جيب الابرة
ماهر بخوف .. ابرة شنو
مروان .. ماتخافش ماهر ابرة مهدئة تخليها ترتاح حتى تنوض تكون امورها تمام وهادية وماتخليهاش تنوض بهسترة عصبية
حسن .. كنك حمزة وقفت زي التمثال
حمزة
واقف ومش مستوعب زمردتي الا كان خاطري نسمع عليها اي خبر طايحة قدامي ومش عارف شنو ندير مش مصدق اللي صاير
حسن .. كنك حمزة نكلم فيك
حمزة ومازالت بصدمتي .. زمرد شنو ادير عندكم
حسن باستغراب .. شنو جيب زمرد عندنا
حمزة .. ماهو زمرد اسمها الحقاني سيلين
حسن بصدمة .. شنو
حمزة بهزة راس .. شكلها اختكم هي زمردتي اللي ضاعت مني
مروان
لما جيت بنضرب ليها الابرة فطنت انهم كلهم يراقبو فيا وباهي الافطنت طبيت سولي في حضني
مروان .. عمتي ياسمين ممكن تركبي نحطو سولي في دارها بيش نضرب ليها الابرة
ياسمين .. هي يا ولدي
أنت تقرأ
الجزء التاني من (سلسلة البيوت اسرار ) رائحة الروح 💙(منقوله )
Romanceروايه ليبيه منقوله الجزء الأول في صفحتي 💙
