#رائحة_الروح
الفصل السابع والثلاثين والاخير
العروس .. السلام عليكم
سيلين التفتت بصدمة .. عبير
عبير .. كيف حالك يا سيلين
سيلين بهدوء .. من الله بخير الحمدلله
عبير بغرور .. كيف حالكن يا زهرة ويا جوري والله نسيتوني
جوري .. ونحن نقدرو ننسوك بخير الحمدلله
الكوافيرة .. تعرفو بعض
راما بهدوء.. اه نعرفوها كانت خطيبة عريسي
الكوافيرة ونائلة ونادية ودعاء بصدمة .. شنو
زهرة بهدوء عكس النار اللي تاكل فيها من وقاحة عبير .. اه كانت خطيبة خونا اللي اليوم فرحه ربي يكمله على خير
سيلين .. بما انك العروس اللي تستنى فيها الكوافيرة الف مبارك عليك وربي يهنيك
عبير .. الله يبارك فيك حتى انتي الف مبارك سمعت انك تزوجتي بسرعة بعد طلاقك الانسات مش لاقيات عرسان وانتي ماشاءالله تزوجتي بسرعة
سيلين انقهرت من ردها لكن عرفت كيف ترد عليها .. الله يبارك فيك شنو بتقولي شمعتي ضاوية وحتى ونا مطلقة وحمزة ماصدق اني اطلقت وكان لقى من اول ماكملت عدتي راه تزوجني
عبير بصدمة .. حمزة حمزة محي الدين
سيلين بحب .. اه حمزة محي الدين
الكوافيرة .. هي يا عروسة نبدا فيك انتي متاخرة راه
راما.. خليها تتغذى معانا قبل
عبير بعصبية .. شكرا كليت قبل مانجي
جوري .. صحة
ريهام .. هي يا بنات نكملو غذانا بسرعة بيش يبدو فينا حتى نحن
وعدت عبير مع الكوافيرة وهي بتموت من القهر والحسد وبالذات بعد ماشافت راما كيف حلوة وكيف منسجمة مع خوات مالك واللي هي برغم السنين اللي قعدت فيهن مخطوبة لمالك ماقدرتش تتقرب منهن بالذات لما بعدت سيلين عليها حتى هنا بعدن عليها
نائلة .. صح هذي كانت خطيبة مالك
زهرة .. اه
نادية .. الحمدلله ربي فكه منها
جوري باستغراب .. ليش قلتي هكي
نادية .. ماشفتيش نظراتها حسد وغيرة ربي فكه منها النوعية اللي زيها متعبة
زهرة .. الحمدلله
نائلة .. بس صحة ليك راما كبرتي عقلك
راما .. اصلا ماتستحقش نصغر عقلي على خاطرها خصوصا ان مالك ما دس عليا شئ واللي اثبتلي صحة كلام مالك انها تزوجت في نفس يوم زواج مالك ولا معاها جت عند نفس الكوافيرة تسحابنا بنهتمو والله بيهمنا والله بتنكد عليا
فرح .. بس انقهرت صح لما عرفت ان سولي تزوجت حمزة
سيلين .. هذا موضوع قديم هيا فكونا منها خلونا في جونا
زهرة .. فونك يا سولي حمزة يرن
سيلين .. شكرا حبيبة نسيته بكل
الو حبيبي
حمزة .. ياروحه
سيلين .. تسلم روحه
حمزة .. اطلعيلي حبيبي جبتلك القفطان
سيلين .. هيا نلبس كابي بس
وطلعت سيلين لحمزة اللي عطاها القفطان عشان تلبسه في فرح مالك وبمجرد ماخشت فتحن البنات الغلاف بتاعه وعطنها عيطة مع بعضهن من روعة القفطان وبساطته لدرجة الكوافيرة وعبير طلعن على عيطتهن
الكوافيرة .. كنكن عيطتن
زهرة وهي تلف في قفطان سيلين .. هذا القفطان تو جابه حمزة لسولي وطلع مصممه عند مصمم يعني مالبستش وحدة زيه
الكوافيرة .. فعلا الفستان روعة والوانه جميلة تمشي مع لون عيونك سلمه جياب
سيلين .. الله يسلمك يارب
فرح .. كنك سيلين تقول القفطان ماعجبك
سيلين .. مستحيل حاجة يجيبها حمزة ماتعجبنيش
فرح .. امنا كنها ردت فعلك هادية
سيلين .. من الفرحة والصدمة صح حمزة قالي انا اللي نختار لك دبش فرح مالك اللي بتلبسيه وطول ايام الفرح نلبس على ذوق حمزة لكن ماتوقعتش انه يبعث لمصمم بيش يصمملي فستان ربي يحفظه ليا يارب
فرح والبنات .. امين
أنت تقرأ
الجزء التاني من (سلسلة البيوت اسرار ) رائحة الروح 💙(منقوله )
Romanceروايه ليبيه منقوله الجزء الأول في صفحتي 💙
