الجزء التاني من (سلسلة البيوت اسرار ) رائحة الروح 💙(منقوله )

32

#رائحة_الروح
الفصل الثاني والثلاثين

سيلين .. اه نحبه بس مش حب الحبيب لا حب ثاني صداقة اخوة وخصوصا لما ينادي فيا بتحبب اميرتي اسم خاص بيه هو بس
الدكتورة .. ليه ماحبيتهوش حب الحبيب
سيلين .. ماينفعش عشان نشوف فيه زي مالك خوي في الرضاعة
الدكتورة .. امممم ومالك يحبك
سيلين بحب .. واجد لدرجة ديمة يقولي زي ماتقولو انتو اني بنت قلبه
الدكتورة .. لدرجة دي
سيلين .. اه وهذا ليش ماحكيتش لمالك على ضرب عماد ليا حتى بعد الطلاق لانه مش حيسكت لانه مرة بس شاب في الجامعة دفني بدون مايقصد مالك هضاك الوقت قريب خربله وجه فتخيلي شنو بصير مع عماد
الدكتورة .. طيب وعماد المرة اللي فاتت انهرتي قبل ماتكملي كلامك بخصوصه دلوقتي جاهزة تتكلمي
سيلين بوجع .. جاهزة
عماد مانقدرش نقول عليه شخص سئ او ماينفعش وماتحملتش عنفه معاي بسبب خوفي من الفشل بس او الوحدة صح هما سبب بس كان ردت فعل عماد بعد العنف كيف حلوة كيف تنسي فيا كل وجع لان لو نجي بالزبط هو ضربني مرة وحدة لكن الاصابات اللي صارتلي بسبب ردود فعله وعصبيته على نقاش بينا في مرة نذكر دفني خبطت في الساس انفتح راسي وخيوطه ليا خوف عماد وشعوره بالذنب بالذات لما عمتي غزالة امه عرفت وعاركاته وكيف قعد طول الايام وهو مهتم بيا ويتأسف طول الوقت وزيه في كل مرة واعتذاره انه مايتحكمش في غضبه وبعدها انهدم حلمي في اني نكون ام ومع ذلك قلت عادي مش مهم المهم حضن دافي وشريك حنين عليا ويهتم بيا لان عماد كان هكي احيانا واجدة كنت نحس اني بنته مش زوجته هو عزلني على كل حاجة وخلى حياتي ادور في محوره حتى الشغل رفض اني نشتغل عماد كان جدي في حياته والرومانسية عنده فعل مش كلام رغم اننا نحن النساء يسعدنا الكلام احيانا اكثر من الفعل ممكن لاننا مانعرفوش نقرو الرجالة زي مانحن ساهلين ليهم عماد كان ينسى في مناسبات واجد وذكريات لنا مع بعض وكان يضايق فيا الموضوع هذا برغم السنوات مازالت نضايق عماد بعدم اهتمامه للمظاهر شككني في روحي بسبب انه مايقولش ليا كلمة حلوة لما يشوف لبسة جديدة او تسريحة جديدة لشعري بالعكس احيانا نبدا لابسة روب جميل ومغري ويكتفي انه يبوسني ويحضني ويرقد ونا نحس بوجع ينغص في انوثتي اللي حسيتها ضاعت مع عماد
عماد يادكتورة بفصيح العبارة هز ثقتي بنفسي 
الدكتورة .. سامحتيه على خيانتك
سيلين بهدوء.. تعرفي يادكتور اني مصدقة كل كلمة قالها عماد واني فعلا جيت في التوقيت الغلط وانه كان حيدفها ويهينها وهذا ليش سامحته
الدكتورة .. طيب ليه طلبتي الطلاق
سيلين .. لاني من الصعب الحياة مع الشك الشك قاتل وهادم لكل لحظة حلوة
الدكتورة .. طيب دلوقتي معادنا انتهى وعندك زيارة بعد ماتخرجي من عندي واذا حابة تخرجي اليوم من المصحة تقدري خصوصا ان والدتك هنا
سيلين .. تو نشوف
الدكتورة .. سلام

وطلعت سيلين من عند الدكتورة وهي تحس براحة وقررت انها اليوم ترقد في حضن امها ولقت في الزيارة حسن محي  ومروان ومالك هذوم اللي سمحت الدكتورة ليهم بالزيارة وبعد السلامات والاحضان طلعت معاهم ووصلت عند امها ولقتهم كلهم في مكان واحد حسن ورحمة ومحي الدين وياسمين وحمزة وماهر وبعد حضن كبير بينها وبين رحمة وحسن جت لحضن امها ومحي الدين وقديش كانت مرتاحة ورايقة وباتت ليلتها عند امها ياسمين ورغم ان رحمة حست بالزعل الا ان راحة سيلين هي الاهم عندها وسيلين طبعا تعاملت مع حمزة عادي جدا وجاء ثاني يوم ورجعت سيلين للمصحة وقضت الوقت تقرا في كتاب تسلي بيه وقتها لان ماعندهاش جلسة اليوم