الجزء التاني من (سلسلة البيوت اسرار ) رائحة الروح 💙(منقوله )

10

#رائحة_الروح
الفصل العاشر

           (حمزة)

ديما نتباعد ديما
ونقول نجفا وندير عزيمة
ومايصير مني شي
نحاول نقسى ونحاول نفوت ماضي قديم وننسى
يجول فكري وفي النهاية يرسى
يعاود حكاية من زمان قديمة
ديما نتباعد ديما
                        ................

ياريتني ماروحت في هذاك اليوم وانا نتابع في مناشير خوتها وانا قاعد في الشركة نتابع في شغلي ومناشيرهم كانهم الروح اللي منها اتنفس ومع اني حاوالت اني نشوفها نوقف قدام ڤليتهم بالساعات وماتطلعش نبي نلمح حتى طيفها نين شفت المنشور اللي شق قلبي لا ماشقش قلبي بس قتلني وانا حي وخلاني ميت من قلت الحياة
منشور مباركة لعرسها وذاكرين تاريخ قاعتها مازال عليه يومين يعني حتى الفاتحة انقرت  كيف كيف قدرت عقلي مش قادر يستوعب عقلي مش مصدق اتصلت بخوها طول واول مارد عليا حتى سلام ماسلمتش

حمزة بوجع ..كيف تتزوج كيف تسيبني هكي معقولة دارتها وقدرت
اخ زمرد.. نصيب يا حمزة نصيب
حمزة بعصبية ..نصيب كيف كيف قدرت كيف قدرت تنساني كيف قدرت تسيبني
اخ زمرد بتنهيدة ..هي مانساتكش لكن بشكك فيها هزيت ثقتها فيك وقالت كيف بتكون مطمنة معاك
حمزة ..انا ماشكيتش انا صدقت انها خانتني
اخ زمرد..هي نفسها يا حمزة غير انت تحاول تبرر لروحك زي صدقت زي شكيت بدون ماتكلف روحك انك تسئل وتفهم من الطرف الثاني
حمزة ..كيف بنسئل وهو جايبلي اثبات المحادثات اللي بينهن على الماسنجر وفي لحظة اعصابي فايرة ماركزتش على واجد كلام في المحادثات
اخ زمرد ..تو اللي صار صار واختي على ذمة راجل وانت ربي يرزقك بلي تعوضك عليها وتحبها وتصونها يا حمزة
حمزة  بحزن .. مافيش وحدة حتعوضني عليها ربي يصبرني يارب

وسكرت منه وطلعت طول قعدت نلف ونلف ونلف بالسيارة ولقيت روحي شور ڤيلتهم مدرس وشوفت الضوايا معلقات وقعدت وقت طويل معاش نندري عليه قديش وبعد يأست اني بالك نلمحها حتى اللمح روحت وعلى طول عزقت روحي في المسبح كالعادة

حسن ..عمتي زينب حمزة وين سمعت صوت سيارته
عمتي زينب ..في حوض العوامة ونزل بدبشه
حسن ..يستر الله شنو صاير معاه
عمتي زينب .. اركب لداره جيبله دبش زي ما ايدير احمد لان لو مالقاش دبش حيرقد بيه
حسن ..به ياعمتي يستر الله يا حمزة شنو صايرلك وخطر عليا احمد اتصلت بيه
احمد .. اهلين حسونة
حسن .. احمد حمزة شنو صاير معاه
احمد بتنهيدة .. نا عندي مقابلة مع عميل مهم للشركة نكمل بس ونجيك اكيد في المسبح صح
حسن ..اه
احمد .. جيبله دبش احذا المسبح بيش يطلع يغيره زمرد تزوجت يا حسن
حسن .. لاحول ولاقوة الا بالله ربي يصبرك يا وخيي
احمد.. خلاص ياحسن نكمل ونجيك وماتنساش الدبش
حسن .. طلعت ليه دبش واني ماشي شوره قالتلي عمتي زينب على الدبش خلاص نستناك
احمد .. سلام
قعدت نفكر في حمزة لاني نعرف قديش حبها وحاس بوجعه الكبير وحاولت نكمل بسرعة الموعد وطلعت لحمزة