الجزء التاني من (سلسلة البيوت اسرار ) رائحة الروح 💙(منقوله )

20

#رائحة_الروح
الفصل العشرين

               (حمزة)
حمزة .. اللي فيا ان شاءالله مايشوفه بني ادام
خش ماهر بفرحة .. صباح الخير زومة كيف حالك تو شغلتنا عليك
حمزة .. الحمدلله راسي بس صداع
ماهر .. الدكتور زياد برا ويبي يخش يشوفك
حمزة باستغراب .. عليش شنو في
احمد بهدوء.. انت مش مذكر شنو اللي صارلك
حمزة .. اخر حاجة نذكرها اني كنت نعوم في المسبح
ماهر .. وبعد ماتعبت معاش تحركت وطلعك احمد وحسن وخافو عليك لانك مابيتش توعى فنادو الدكتور وتو جاي يبي يطمن عليك
حمزة .. اه باهي لكن انا كويس وجع راسي بس وتعب جسمي اكيد من العوامة
احمد.. مايمنعش يا حمزة خليه يطمنا عليك

وخش الدكتور عليا وعرف اني نمر بوضع نفسي سئ وقالي اني نسافر لاي مكان نغير جو فقلت ليه فعلا بنحجز وبنعدي لاهلي وطلع الدكتور وجت عمتي زينب جابت لنا الفطور وانا واحمد ماهر مشى لمدرسته اخر سنة ثانوي  بعد ما اطمن عليا وحسن مشى للشركة لانه شريك محمد في شركته قبل بيشاركني انا لكن لقى محمد بروحه وانا معاي احمد و رغم انه آخر سنة جامعة ومحمد مش قاعد

احمد.. ماكليت شئ ياحمزة
حمزة .. والله ماعندي نية بكل لكن اهو خذيت قهوة
احمد .. احكيلي
حمزة .. شنو بنحكي وشنو بنقول
احمد.. احكي اللي تبيه
حمزة
حكيت لاحمد كل شئ صار معاي لان الوحيد اللي نقدر نحكي معاه بيش نرتاح لان الوجع اللي فيا واعر واجد

حمزة .. واعر واجد يا احمد جرح الخيانة
احمد بصدمة .. معقولة ندى ادير هكي معقولة
حمزة بتنهيدة .. دارت يا احمد دارت
احمد.. حسبي الله ونعم الوكيل
حمزة .. احجزلي يا احمد بنعدي لامي
احمد.. حجزتلك بكرة في الليل طيارتك
حمزة..  شوف اللي ماتتحشم قاعدة تتصل بيا
احمد .. ان شاءالله ندى
حمزة .. لا عمتي
احمد.. رد عليها شوفها شنو بتقول
حمزة .. فكني منها
احمد.. احسن حاجة يا حمزة تسافر بكرة وانت ناهي كل شئ رد عليها 
حمزة .. تو نرد وبصوت بارد .. الو
خديجة .. كيف حالك ياحمزة
حمزة ..يعني شنو تبي يكون حالي بعد العار اللي دارته بنتك
خديجة بكسرة .. حقك عليا انا اللي كنت السبب بس ياريت تكمل جميلك علينا وتستر عليها وهو بعد عدتها بيجي يستر عليها
حمزة بعصبية .. يجي يستر عليها او لا حاجة مش شوري و انا اللي جاية انتي تقولي ليا استر عليها بعد هذا كله انا لو نبي نفضحها مكنتش كلمتك انتي تلمي عار بنتك
خديجة بدموع .. عارفة والله لكن قصدت تكمل جميلك وتستر لان تو خوتها وباتها يسئلو ليش طلقتها وبالثلاثة
حمزة .. قولي اللي بتقوليه وانا مش حنكذبك
خديجة بوجع وكسرة اني مازالت كويس معاها للاخير  .. بارك الله فيك بس ياريت تسمحلنا ان نقعدو في الشقة لعند بس ماتصح ونروحو
حمزة .. ديري اللي تبيه والكلام معاش معاي بيكون اي حاجة حتكون مع احمد هو يعلم كل شئ وحتى الشقة هو اللي بيجي يستلمها منكم ويتمم على ذهبي وحاجاتي
خديجة .. انا مهما كان عمتك ليش تتعامل معاي هكي
حمزة .. عمتي تو عرفتي روحك عمتي تي انا المفروض تحمدي ربي اني رديت عليك بس مش اني نكون متساهل مع وحدة ربت بنت زانية
وخلاص معاش قدرت نتحمل سكرت الفون وطبعا مانقدرش نقفله على خاطر امي لو تتصل وتلقاه مقفل تقلب الدنيا
احمد.. شنو قالت هذي
حمزة .. تبيني نكمل ستر بنتها وليش طلقتها بالثلاثة
احمد.. الحمدلله عقلك ماغابش يا حمزة وتفكرت باتك
حمزة .. والله نحمد في ربي اني فعلا فكرت بعقل
احمد.. بس ليش مصر على ذهبك
حمزة باستهزاء ووجع  .. خانتني وانا حتى ماحبيتهاش لكن عمري مارفعت عيني في اي بنت حتى بالكذب صح زمرد في قلبي لكن هضا ماعنديش حكم عليه ونكر ونجيب في الهدايا اشكال والوان وهي كانت تتزين بيهن ليه  والله نردها زي ماكانت وسيف كان مازال لقى خدمة في شركة يجي يحاسبني وكان ماخليته يتوسد شهادته مانقعد حمزة غير يخف وجعي بس
احمد.. يخف يا حمزة مع الوقت يخف الوقت ينسي
حمزة .. ان شاءالله
احمد نبيك اتابع كل شئ ونبيك تفهم منها شنو بتقول سبب الطلاق ولو حاجة بتقلل من قيمتي او كرامتي رد بالك توافق عليها يا احمد واصرف كأني انا
احمد.. به شنو اندير
حمزة بتنهيدة .. تمم على الذهب كله انت عارفه كله وخوذه وبيعه كله وحاجات الشقة شوف انت وحسن كان تبو حاجة منها انت خوذها وحسن يخليها فيها والباقي تحرقوه تعزقوه تبيعوه زي ماتبو ديرو بس افطن حاول تجيب حد يلمها ويلوح المتكسر عشان لو شافه حسن حينصدم ومستحيل حيصدق انه بسبب عركة طلقتها 
احمد.. شنو بديرلها بتبيعها
حمزة .. لا بنعطيها لحسن يتزوج فيها حتى اختك تكون قريبة منك
طبعا حسن خطب اخت احمد الصغيرة بلقيس  ليه شهرين لما سكر 20 سنة وهو اخر سنة جامعة  وهي اول سنة جامعة لان حسن خش للمدرسة بدري
احمد.. حتى هو راي
حمزة .. والله يا احمد رغم اني ماحبيتش ندى لكن حاسس بقلبي يوجع فيا واجد الثقة لما تنخان واعرة واجد وماكنت نتخيل في يوم انها هكي تكافيني
احمد.. ربي يهون عليك يا رفيقي
حمزة ..امين يارب
بالله احمد بعدين امشي لشقتي ولم ليا دبشي كله لمه انته ماتخليهاش تقربه
احمد.. باهي غير انت تو حاول ترتاح وارقد شوي للغذاء حتى يزيد جسمك يتحسن  وتكون مصحح لاسئلة حسن وماهر وحتى محمد اليوم تقريبا بيروح بيش تحكي لهم انك طلقت ندى بالثلاثة 
حمزة .. به