سامحوني وخياتي على عدم تلبية طلبكن بالفصل الاضافي لان خلاص معاش فيها فصول واجد وتنتهي الرواية
#رائحة_الروح
الفصل الثامن والعشرين
مالك اتصل بمروان وقاله بسرعة يجي وفعلا مروان قاله قريب من الحوش ربع ساعة ويكون هنا
مالك .. مابين ما وصل مروان نقوللكم حاجات على سولي لازم تعرفوهن
حسن محي .. بس ماقلتش لينا مروان من قبل
مالك .. مروان صديقي وخوي في الرضاعة وانا اخ سولي في الرضاعة وسولي تعامل في مروان كانه خوها زيي بالزبط ومروان دكتور جراح مخ واعصاب
ماهر بخوف .. كنها اختي تشكي من حاجة
مالك .. سولي حاليا تمر بازمة نفسية بدت معاها لما صارت مشكلة بينها وبين راجلها وسببها صار الطلاق لكن سولي معاش تكلمت من بعدها
محمد وفرح وماهر وحسن محي بصدمة ..شنوووووو
حسن موضح .. هي تحكي بالاصل لكن من لما كانت صغيرة لما تزعل واجد او حد يضايقها تقعد معاش تتكلم لكن كانت الحالة هذي ما اطولش عندها يعني كثرت بكل ثلاثة ايام
مالك يكمل في كلام باته .. لكن الموقف اللي صارلها مع راجلها صدمها وخلاها معاش تتكلم لتو تقريبا ليها حوالي اربع شهور
على خشة مروان
مروان .. السلام عليكم
الجميع .. وعليكم السلام
مروان بخوف .. كنكم شنو في اميرتي فيها حاجة جدت معاها حاجة تكلم
مالك .. هدي بالك مافي شئ لتو
مروان باستفهام .. لتو شنو تقصد
مالك .. استنى قبل نعرفك
هذوم يا سيدي محمد ومرته ولد راجل عمتي وهذوم الشباب حسن وماهر خوت سولي
مروان .. والله
مالك باستهزاء .. شنو تشوف تو وقت بصارة
مروان .. معليش من تأثير الصدمة
مالك .. طبعا يبو يشوفو سولي لكن قلت لازم تكون حاضر تحسبا لاي ردت فعل
حسن محي .. انتم هكي زدتو خوفتونا ونحن مش فاهمين حاجة
مالك .. نكملك وصلت ان ليها اربع شهور ماتكلمتش وبعدها حكى معاها راجل اختي وهي تحترمه واجد وتسمع في كلامه وقاللها على طبيب نفسي لان ماخليناش دكتور انف واذن وحنجرة شاطر ما شلناها ليه وكلهم اجمعو ان الخلل نفسي وطبعا وافقت مشينا لمصر وبعد اول جلسة لسيلين طلبت الدكتورة انها تعرف قصة عمتي وجاء باتي وحكى للدكتورة كل شئ وطلبت انه يحكي الحقيقة قدام سيلين لانها حتساعدها واجد وطبعا روحنا امس وبديت من اليوم نحضرو في اوراق السفر والتأشيرة عشان كنا بنمشولكم غادي لان سولي تبي تشوف امها
ماهر .. به كلموها لنا بنشوفوها بسرعة
مالك .. مروان جبت الابرة
مروان .. اه
حسن محي بخوف .. ابرة شنو
مروان حب يطمنه .. الدكتورة قالت لنا حتتعرض لاغماءات واجد وممكن وحدة منهن تفيق تتكلم لكن لازم نكونو مجهزين ابرة مهدئ ليها تحسبا لاي انهيار
محمد .. الف لاباس عليها
مالك .. بنركب اناديها
وعودة للوقت الحالي
فتحت عيوني قابلني طول وجه مارو
مروان بهدوء .. اميرتي ردي عليا انتي كويسة حاولي تردي عليا بصوتك
حاولت نرد عليه لكن ماصار شئ وحسيت بحزن جواي
مروان بطمئنة .. حيرجع اكيد حيرجع تحسي في حاجة
سيلين بهزة راس بمعنى لا
مروان .. تمام حاولي تصبي بالشوي
وفعلا صبيت بالشوي ولقيت وجه خوتي مقابليني وواضح في عيونهم اللهفة والخوف خوتي الله محلاها الكلمة
ماهر بفرحة .. ظلماتك ماما لما قالت انك قمر
سيلين بعدم فهم
ماهر كمل كلامه .. تي انتي احلى من القمر
سيلين شيرت لمارو يجيبلي اللوح
مدلي مالك اللوح
سيلين كتبت (حتى انت ماشاءالله عليك شكلك حلو)
حسن محي بضحكة .. بلاش ماتكبريهاش في راسه نحن هكي مش خالصين
فرح .. انا فرح مرت محمد اخ ماهر وحسن
سيلين كتبت .. (اهلا وسهلا بالجودة)
فرح .. بيك اجود
محمد .. وطبعا انا الاخ الاكبر ومازال في اخ اخر اصغر مني
سيلين (اهلين بيك انت اخ خوتي صح)
محمد.. اه
تو نحن نستاذنو حتى سيلين ترتاح وتستوعب الوضع ويجوها حسن وماهر بكرة
حسن .. والله ماهي صايرة ما واحد فيكم طالع الا نتعشو قبل عشانا واتي
سيلين كتبت (انا ماتعرفتش على خوتي زين خليهم يباتو هنا معاي نسهر انا وياهم نتعرفو على بعض)
محمد بحت فيهم .. شنو رايكم
ماهر .. خلينا محمد انا مازالت ماعبيت عيني منها وعندي كلام واجد بنقوله لها من يوم ماعلمت انها موجودة
حسن محي .. خلينا يا محمد
مالك .. حتى انت ومرتك باتو عليش مروحين حتى باتي خالك راه طالما معتبر عمتي ياسمين امك
محمد.. وحتى انا مافكرت عكس هكي وعارف هذا حوش خالي لكن والله مافيها كيف اصلا نحن مسيبين العيال مع خوي الاخر
رحمة .. ماشاءالله عندك عيال مش باين عليكم كانكم عرسان جدد
محمد بضحكة .. وين عرسان يا خالتي ونحن لينا سبع سنوات متزوجين
رحمة .. العمر كله ان شاءالله كم عندكم عيال
فرح .. ياقوت عمرها خمس سنوات ومحي الدين عمره شهر
رحمة .. يعني مازالتي نافس
فرح بحشم .. اه
رحمة .. معناها لا مافينا ماشديناك لكن بكرة باذن الله غذاكم عندنا حتى تتعرفي على جوري وزهرة بناتي
فرح .. يصير خير ان شاءالله
محمد .. اسمحلي انا يا خالي واهو حسن وماهر بايتين عندكم
حسن .. بس بكرة زي ماقالت خالتك رحمة تجيب خوك الاخر وتجو اتغذو
محمد وفرح .. ان شاءالله
أنت تقرأ
الجزء التاني من (سلسلة البيوت اسرار ) رائحة الروح 💙(منقوله )
Romanceروايه ليبيه منقوله الجزء الأول في صفحتي 💙
