الحلقه ٢
مراد عرف الحساب بتاع روما فى انهى بنك , وبالصدفه طلع صاحبه بيشتغل فى نفس البنك ده , فاطلب منه يجبلو عنوانها من البيانات بتاعتها , وده سهل عليه اوى انه يوصلها
_____________________
مراد قاعد على كرسى فى فيلا رشوان بيه منتظر أذن الدخول ليه , فى نفس الوقت ده شاهيناز نزله على السلم , شافت مراد
شاهيناز : اهلا يا مراد
مراد قام وقف : اهلا بحضرتك يا شاهيناز هانم
شاهيناز : انت وقفت ليه , اقعد اقعد , اخبارك ايه بقى
مراد : الحمد لله يا فندم
شاهيناز : انت جاى بدرى ليه ؟ فى حاجة فى الشغل ؟
مراد : لا لا كل حاجة تمام , بس بس رشوان بيه هو ال طلبنى
شاهيناز : اه , عارف يا مراد انت شخص ممتاز وشغلك هايل , بس لو تعرف قيمة نفسك وتعرف فين مصلحتك وتمشى وراها
مراد : ازاى يعنى يا فندم ؟!
شاهيناز : يعنى تسيبك بقى من الشغل مع رشوان , رشوان خلاص راحت عليه ويوم عن يوم بيقرب للموت , اسمع تعالا اشتغل عندى فى شركتى الجديده خلاص الافتتاح قرب ومعايا اكيد هتكسب
مراد بتحدى : مدام شاهيناز , رشوان بيه مش بس الراجل ال بشتغل عندو ده الراجل ال مربينى وصديق ولدى , واكيد حضرتك فاكره ان ولدى اشتغل مع رشوان بيه عمره كل ولما مات رشوان بيه شغلنى انا مكان ولدى , مش انا يا هانم ال أبيع العشره
شاهيناز بغرور : اه , فكرتينى بأبوك كان وش فقر , زيك
وتسيب شاهيناز مراد وتمشى ومراد يفضل مكانه شويه لحد ما تيجى الخادمة تقولو انه ممكن يدخل لرشوان
_____________________
رشوان : اهلا مراد , معلش سبتك كتير كنت بغير هدومى
مراد : ولا يهمك يا فندم , اخبار صحتك ايه النهارده
رشوان : هه كويسة , المهم طمنى عرفت توصل لـ روما ؟
مراد : خلاص يا فندم , فى صديق ليه هيجبلى عنوانها النهارده
رشوان : بجد بجد يا مراد , الحمد لله , مراد انت عارف روما عنيده ازاى اوعى اوعى ترجع من غيرها , واستحملها واستحمل كلامها هى بردو ال حصل معاها مش قليل
مراد : حاضر يا فندم مش هرجع من غيرها
_____________________
ندى قعدة فى اوضتها تلاقى الموبايل بتاعها بيرن برقم غريب
ندى : الو
المتصل : ازيك
ندى : مين معايا ؟
المتصل : انا معاكى
ندى : ياسلام , يا تقول انت مين يا هقفل السكة
المتصل : تحبى اقولك انا مين ؟ معجب ولهان ولا عاشق حيران
ندى : احب تقفل السكة وماتتكلميش هنا تانى
المتصل : انا هقفل السكة , لكن هتكلم تانى
ندى تقفل السكة وتقفل الموبايل خالص , لكن بعد دقيقه تبص للموبايل وتبتسم
_____________________
بالليل مراد قابل صاحبه واخد منه عنوان روما , وعلى طول راح للعنوان المكتوب معاه , مراد بيوقف بالعربيه قدام العمارة ال ساكنة فيها روما وبينزل من العربيه ويبص على العماره وبعدين يقرب من البواب
مراد : السلام عليكم يا حاج
البواب : وعليكم السلام يا بيه , أؤمر
مراد : هو مش بردو أنسة روما رشوان ساكنة هنا
البواب : ها اه ساكنة هنا
مراد : طيب متعرفيش ان كانت موجوده ولا لا
البواب : والله يابيه هى نزلت من شويه ولسه ماجتيش
مراد : تؤ وبعدين , طيب هو رقم شقتها كام يا حاج ؟
_____________________
فى فيلا رشوان , كاميليا قعده قدام المرايه بتسرح شعرها وبتبص على شريف وهو بيتكلم فى التلفون
شريف : يعنى ايه مش عايز يدفع , ..... , ايه الكلام الفارغ ده , ده يدفع بالجزمه , ....... , بقولك ايه اقفل انا جايلك انا هتصرف اه سلام سلام
كاميليا : انت خارج ؟!
شريف وهو بيطلع هدوم من الدولاب : انتى شايفه ايه يعنى ؟
كاميليا : هو مش احنا خارجين مع بعض النهارده
شريف : لا خليها يوم تانى , عندى شغل
كاميليا بعصبيه : يووووه يادى الشغل هو ايه مفيش فى حياتك غير الشغل , يااخى اهتم بيا شويه زى مابتهتم بالشغل
شريف : وانتى ناقصك ايه ان شاء الله
كاميليا : ناقصنى ايه ! ناقصنى ان احس انى متجوزه , نفسى احس انك جنبى يااخى
شريف : اااااه , ايه رأيك اسيب شغلى واقعد جنب حضرتك اتغزل فيكى واقولك فى كلام حب , عشان يعجبك , اسمعى الكلام الفاضى ده مش عايز اسمعه تانى انتى فاهمه
ويخرج شريف من الاوضه وكاميليا بتبص عليه بنظره كلها غضب , وبعدين تمسك الموبايل وتتصل بحد
كاميليا : الو , انا جايه , اه دلوقتى , اوك مسافة السكة , سلام
_____________________
روما جايه بالليل متاخر جدا وطلعه على السلم وبتطلع مفتاح الشقه عشان تفتح واول ما تقرب من الشقه تاخد بالها من حاجة , تقرب اكتر تلاقى مراد نايم على السلم , توطى روما وتبص لمراد اوى وتدقق اوى فى وشه زى متكون بتحاول تعرف ده مين , وبعدين تبعد عنه وتوقف وتقول
روما : اكيد بتهزر , وصلى ازاى ده
تفتح روما الباب براحه وتدخل الشقه وكل ده مراد لسه نايم , وبعد دقيقه تخرج روما وفى ايدها ازازة مايه وتكبها على مراد , يصحى مفزوع ويفضل يكح ويبص لفوق يلاقى روما واقفه قصاده
روما : جاى ليه يا مراد ؟
_____________________
مراد قاعد على الكنبه فى شقه روما وبيحاول ينشف نفسو , و روما بتقرب ليه وتديله مج شاى
روما : خد اشرب
مراد : انا فعلا محتاج حاجة سخنه , بعد الدوش ال انتى ادتهولى ده
روما : جاى ليه يا مراد ؟
مراد : بقى ينفع تكبى عليها مايه وسقعه كمان , هى دى ازيك , ده احنا لينا 10 سنين محدش فينا شاف التانى
روما : هاهاها , تصدق دمك خفيف زى ماانت , بقولك ايه , بلاش لف ودوران كتير بالزات معايا , انا مش هقولك وصلت ليه ازاى عشان عارفه ان فى ألف طريقه وطريقه توصلك ليه , فا نجيب من الاخر احسن , جاى ليه يا مراد ؟
مراد : جدك عايزك
روما : وايه ال فكره بيا
مراد : ومين قالك اصلا انه ناسيكى , انتى ال مشيتى يا روما محدش مشاكى
روما : طب بلاش انت تقول الكلام ده , امال لو مكنتيش عارف كل حاجة وشاهد عليها
مراد : الكلام ده من 10 سنين , احنا فى دلوقتى , جدك عايزك
روما : ليه ؟
مراد : اقسملك بالله مااعرف , ال اعرفو انى لو رجعت من غيرك هتحصل حاجة من اتنين , ياجدك هيموتنى يا هيموت هو , هو كل ال عايزو يشوفك
روما : خلاص خليه يتفضل يجى يشوفنى هنا , او نتقابل فى اى مكان بره , انا مش هدخل الفيلا دى
مراد : جدك مش بيخرج من الفيلا وميقدريش يروح اى حته , عشان اتشل
روما : اتشل !! من امتى ؟!
مراد : من اربع سنين كده , مش بيتحرك خالص وقاعد على كرسى متحرك , حتى اوراق الشغل انا بوديهالو لحد عندو
روما : تمام , شوفلك اتنين جامدين كده يشلوه ويركبو العريبه وينزلو من العربيه ويطلعو عندى هنا
مراد : ايه ال انتى بتقوليه ده يا روما , ايه القسوه ال انتى فيها دى , ايه مش صعبان عليكى جدك , بقولك مشلول وطالب يشوفك ولو لاخر مره
روما : انت عايزنى ادخل مكان فيه شاهيناز مش كده
مراد : انتى داخله بيتك بيتك يا روما , روما بجد رشوان بيه محتاجك انتى متعرفيش حاجة انتى بقالك سنين متعرفيش اى حاجة بتحصل هناك , من فضلك عشان خاطر جدك مره واحده شوفيه بس عايز ايه
روما تسكت وتطلع سيجاره وتولعها وتخد نفس منها وتنفخو بيعد وهى بتبص لمراد
_____________________
الصبح وفى فيلا رشوان , شاهيناز وندى ونيللى وكاميليا وشريف قعدين على السفره بيفطرو
شاهيناز : ها يا شريف , عملت ايه مع الراجل ده ال مكنيش عايز يدفع الفلوس ال عليه
شريف : اتصرفت طبعا يا ماما , ههههه ده انا بعتلو 3 كسرو عظمو , وخدو الفلوس من عنيه , عشان يحرم ويتعمل الادب
شاهيناز : هايل يا حبيبى
ندى : هو ايه ال هايل ؟! بيقولك كسر عظم الراجل تقوليلو هايل
شاهيناز : هو الشغل كده , لازم يكون قد الاشكال ال زى دى
ندى : يقوم يستخدم البلاطجه , فى حاجة اسمها قانون محكمه بوليس
كاميليا : ندى معاها حق يا طنط كده غلط وخطر
شاهيناز : خليكى فى حالك يا كاميليا , وانتى يا ست ندى مدام مش بتفهمى فى الشغل يبقى تسكتى
نيللى : ههههههه تستاهلى , انتى اصلا بتدخلى فى الكلام ليه
ندى : ياسلام طيب ما انتى بتدخلى دلوقتى اهو فى الكلام
شاهيناز : بس بقى , قوليلى صحيح يا نيللى ناقص حاجة كده للفرح يا حبيبتى
نيللى : مامى انا بفكر اغير الكوافير مش عاجبنى , بفكر اجيب حد من لبنان , ايه رأيك
فى نفس الوقت ده كان جرس باب الفيلا بيرن والخادمة راحت تفتح
شاهيناز : فكره بردو انا هخلى حد يجبلك احسن كوافير فى لبنان ولو مش عاجبك , هجبلك من باريس
_ جبلها من الهند احسن
شاهيناز بتبص لمصدر الصوت : ايه ده انتى مين ودخلتى هنا ازاى ؟!
_ تؤتؤتؤ مش عارفه انا مين كبرتى ونظرك ضعف ولا ايه يا شاهيناز
بيقوم كل ال على السفره ويوقفو , وشاهيناز بتدقق اوى فى الوش ال قدامها , وبعدها تبرق بكل ذهول
شاهيناز بصدمه : روما !!
روما : اسم الله عليكى
يتبع ✍️✍️✍️
