روما

جزء ٣٢

الجزء الثاني
الحلقه ١١

بعد كام يوم ... شريف خارج من مكتبه لاقى مريم قدامه
شريف : حمد لله على السلامه يا انسه مريم ما لسه بدرى
مريم : انا اسفه يا استاذ شريف اصل ........
شريف بزعيق : اصل ايه وفصل ايه كل الفتره دى حضرتك غايبه عن الشركة ايه كانت الشركة تحت امرك عشان تيجى وتمشى بمزاجك
مريم بحزن : انا اسفه بس مامتى اتوفيت وماكنش فيا دماغ عشان اخد اذن الاجازه
شريف : انا انا اسف ماكنتش اعرف , البقاء لله
مريم : متشكره
شريف : بس انتى كان لازم تبلغى انك مش هتقدرى تيجى
مريم : اسفه
شريف : بس انتى لما غبتى كل الفتره دى الشركة عينت واحده مكانك
مريم : يعنى خلاص كده انا اترفدت من الشغل
شريف : تعالى عند روما هانك وهنشوف الحكايه دى
ياخد شريف مريم ويروح مع مكتب روما ... اول ما يدخلو المكتب
روما : ايه يا شريف
شريف وهو بيشاور على مريم : مريم حسن اللى شغاله فى السكرتارية
روما : ااه مش انتى اللى ليكى شهر غايبه عن الشغل
مريم : ظروف والله يا هانم غصب عنى
روما : ظروف ايه دى ان شاء الله
شريف : ولدتها اتوفيت
روما : البقاء لله ,, بس انا هعملها ايه دلوقتى فى واحده اشتغلت مكانها والمفروض انها اتفصلت من الشركة
مريم تبص فى الارض وتسكت وشريف يقرب من روما ويكلمها بهمس
شريف : البنت كانت فى ظروف وحشه ولسه امها ميته بلاش قسوة القلب دى يا روما
روما : والمطلوب ؟
شريف : معلش خليها فى الشركة فى اى قسم تانى
روما : ازاى وهى قسم سكرتارية
شريف : خلاص خديها فى قسم السكرتارية بتاعك حرام يا روما
روما : ماشى يا شريف لما اشوف اخرتها ,, انتى هتفضلى فى الشركة بس هتتنقلى عندى هنا فى السكرتارية ياريت تشوفى شغلك كويس وبلاش غايب مره تانيه حتى لو عندك ظروف تبقى تبلغى الشركة
مريم : حاضر
روما : بكره هيجهز المكتب بتاعك امشى دلوقتى وتعالى بكره وبدرى
مريم : حاضر , عن اذنكم
بعد ما تخرج مريم يقعد شريف قدام روما
روما : انت مالك مهتم بيها اوى كده ليه ؟
شريف : بمين ؟
روما : باللى لسه ماشيه بالست مريم دى
شريف : انا لا والله ولا مهتم ولا حاجة هى بس صعبت عليا لما قالت ان امها ماتت عادى يعنى الرحمة حلوه
روما : اممممم حلوه
شريف : مهو مش لازم كل حاجة شده شده
روما : من غير الشده الشركة دى متقومش على رجليها
شريف بحزن : انا كنت اشد منك زمان ويوم ما الشده ضعيت منى حد ضعيت اغلى الناس وخلتنى فى الاخر قاتل ,, انا انا هروح اكمل شغلى
يخرج شريف من المكتب وتفضل روما باصه عليه بصمت
_____________________
فى بيت مراد ... مراد قاعد فى اوضة المكتب وقدامه ملفات بيقرا فيها ... يبص يلاقى هاله داخله عليها وهى لبسه فستان سهره جميل جدا وعامله مكياج
مراد : ايه ده ؟!
هاله بدلع : ايه رأيك
مراد : حلو , بس انتى لبسه كده ورايحه فين دلوقتى
هاله : وهو انا لازم اكون رايحه فى حته عشان البس كده , انا لاقيت الفستان ده فى الدولاب من فتره طويله وخوفت يكون ضاق عليا قولت اجربه
مراد : اممم طب كويس
هاله : بس لو عايز ممكن نجرب الفستان بره البيت ,, ما تيجى نتعشا بره النهارده
مراد : ونسيب شادى لوحده مش هينفع
هاله : نخلي شادى عند ماما
مراد : والله كان نفسى بس انا مش فاضى وعندى شغل كتير لازم اخلصه
هاله : هو كل حاجة بقيت عندك شغل شغل
مراد : تحبى اجيب حد من الشارع يخلص ليا شغلى
هاله : لا ازاى مينفعش , معقول تسيب الشغل ولو نص ساعه بس ده حتى روما تزعل منك
مراد : ما كنتى كويسه من شويه سبحان الله قلبتى بسرعه اوى
هاله : لا اقلب ولا اعدل انا طالعه انام
مراد : تصبحى على خير
_____________________
بعد كام يوم ... روما قعده مع مراد فى المكتب
روما : يعنى ايه مفيش فايده
مراد : يعنى مفيش فايده لازم تدفعى على الشحنه دى ‭‭500‬‬ الف
روما : ادفع لـ الجمارك نص مليون فى شحنه زى دى
مراد : طب هنعمل ايه يعنى ده نظام
روما : ده نهب مش هدفع انا كل ده امال هكسب ايه ,, انا هعرف اخلص الموضوع بمبلغ اقل من كده بكتير
مراد : مش فاهم
روما : حاجة تدخل جيب بتاع الجمارك ويخلص لينا الحكايه
مراد : رشوه يا روما احنا من امتى بنخلص الشغل بتاعنا بالرشاوى
روما : كله بيعمل كده وبعدين مين قالك انى اول مره اعملها
مراد : ياسلام
روما : امال همشى الشغل ازاى يا مراد هاتلى حد مش بيعمل كده
مراد : انا مش موافق على الموضوع ده ولو هتعمليه انا ماليش دعوه وخرجينى بره الحكايه دى
روما : وانت ايه اللى هيدخلك فيها اصلا خليك يا سيدى بره , انت خلتنى احس انى هعمل صفقة سلاح دى حاجة تمشى الشغل مش اكتر
مراد : انتى حره انا هروح اشوف شغلى
روما : مع السلامه
_____________________
فى الجنينة روما قعده مع جلال بتحكى ليه على اللى حصل
جلال : طب وهو مدايق نفسه ليه
روما : قال احنا مش بنمشى شغلنا بالرشاوى وهى ماشيه اصلا غير كده
جلال : روما هو , هو ايه حكاية مراد معاكى ؟
روما : مراد صديقى من سنين وتقريبا ماسك ليا كل شغل الشركة
جلال : بس كده
روما : بس كده
جلال : بس عنيه بتقول حاجة تانية يا روما
روما : قصدك ايه ؟!
جلال : قصدى انى راجل وافهم كل باصه من راجل لـ ست معنها ايه ومراد مش بيبص ليكى بصت صديق
روما بهزار : تلاقيك بس عشان بتغير عليا بيتهيألك الكلام ده ,, مراد راجل متجوز ومخلف وبيحب مراته وابنه
جلال : طيب هعتبر نفسى اقتنعت بس لو حست ان مراد هيزيد فيها انا هيكون ليا تصرف تانى ,, انا اه عشت كتير بره ولفت الدنيا بس فى الاخر انا راجل شرقى وبغير على مراتى واللى اشوفه بيبص ليها بنظره مش عجبانى اخلع ليه عينه
روما تحاول تغير الموضوع ... فا تضحك وتقوله
روما : طب سيبك بقى من كل ده وتعالى كده شوف
وتمسك ايده وتحطها على بطنها
روما : ها حاسس
جلال : اه حاسس ههههههه الله الله ده مش ساكت خالص الواد ده هيطلع بطل فى السباحه على فكره
روما : اشمعنى
جلال : مش شايفه ازاى بيتحرك ده بيعوم مش بيتحرك
روما : ههههههههههه
_____________________
بعد ايام ... شريف قاعد مع روما وهى بتمضى على اوراق ... الباب يبخط وتدخل مريم
روما : فى ايه يا مريم
مريم بتوتر : فى ظابط بره عايز حضرتك
روما بستغراب : ظابط
وقبل ما روما تكمل كلامها تلاقى ظابط ومعاه اتنين عساكر داخلين المكتب
الظابط : حضرتك مدام روما محمود رشوان ؟
روما : ايوه انا
الظابط : اتفضلى معانا
شريف : تتفضل معاكم فين
الظابط : مطلوبه فى النيابه
روما : انا !!
الظابط : حضرتك متهمه فى قضية رشوه ومطلوبه للتحقيق
روما وشريف يبص لبعض
الظابط : لو سمحتى اتفضلى معانا
تقوم روما من غير ما تنطق وبكلمة وتتحرك مع الظابط بهدوء
شريف : انا جاى معاها
الظابط : مينفعش يا فندم
روما : شريف , بلغ جلال وخلى مراد يجيب المحامى يحصلنى على هناك
تخرج روما من المكتب مع الظابط والعساكر وشريف باصص عليها ... ويروح يجرى التلفون
_____________________
جلال قاعد فى شركته التلفون يرن جنبه
جلال : الو
شريف : ايوه يا جلال روما مقبوض عليها وفى النيابه
جلال يوقف : ايه اللى انت بتقوله ده
شريف : زى ما سمعت
جلال : اقفل اقفل انا جاى
_____________________
فى بيت مراد ..................
مراد بيتكلم فى التلفون : ايه , طيب طيب خلاص يا شريف انا هتصرف
هاله تسمع صوت الزعيق تجرى تشوف فى ايه
هاله : مالك انت كنت بتزعق مع مين ؟!
مراد وهو بيلبس : مفيش مفيش
هاله : طب رايح فين ؟
مراد : روما فى النيابه هاخد المحامى واروحلها
هاله : ااااه وكل اللى انت فيه ده عشان خاطر روما هانم
مراد بعصبيه : انتى مش بتفهمى بقولك فى النيابه وعايزه المحامى وفى مصيبه حصله وانتى تقولى عشان خاطرها ومش خاطرها هو ده وقت غيرتك الغيبه
هاله : انت بتقول الكلام ده ليا انا ,, طب ايه رأيك انا مش هقعدلك فى البيت ده لحظه تانيه ولما تبقى تنسى حبك القديم ابقى تعالى خدنى من عند ماما
مراد بزعيق : اعملى اللى انتى عايزاه
_____________________
فى النيابه ... روما قعده على كرسى جنب مكتب رئيس النيابه مستنيه تدخل وجنبها واقف عسكرى ... تبص على الممر الطويل اللى هى قعده فيه متعرفش ايه اللى يخليها تفتكر ممر المستشفى اللى عاشت فيها سنه كامل من حياتها ظلم ... دقايق تعدى عليها سنين وهى باصه على الممر لحد ما تلاقى جلال جاى عليها
جلال برعب : روما انتى كويسه ها كويسه
روما : كويسه
جلال : ايه اللى حصل يا روما ؟
روما : معرفش ,, فين مراد والمحامى
جلال : طلعين ورايا هما وشريف
بعد شويه يوصل شريف ومراد والمحامى
المحامى : مدام روما دخلتى ولا لسه ؟
روما : لسه
المحامى : كويس
ويقرب منها عشان العسكرى ميسمعش
المحامى : على طول الخط انكرى اى حاجة انكريها ده فى مصلحتك
مراد : وهو كان ايه لازمة كل ده من الاول مش كنا مشينا مظبوط احسن
جلال : هو ده كلام يتقال دلوقتى وفى المكان ده , انت غبى
مراد : لو سمحت احفظ لسانك وبلاش غلط
جلال : وانت هتعلمنى اتكلم ازاى ولا ايه
مراد : والله لو هتغلط فيا على استعداد انى اعلمك
شريف : هو ده وقت خناق انتو نسيتو احنا فين
جلال : خلاص يبقى يخرس خاالص ويحترم نفسه
مراد : انا محترم غصب عن عين اى حد
روما بعصبيه : بس كفايه مش عايزه اسمع صوت حد
جلال : طب خلاص خلاص اهدى
المحامى : انا قبل ما اجى عملت اتصالاتى وعرفت حاجة
شريف : حاجة اية ؟
المحامى : انا لما عرفت انها تهمة رشوة افتكرت ان مفتش الجمارك هو اللى بلغ لكن اكتشفت انه هو كمان مقبوض عليها بنفس التهمة وان البلغ جيه للنيابه من مجهول
جلال : ازاى يعنى والمجهول ده ايه مصلحته ؟!
روما : نفسى اعرف ايه اللى بيحصلى الايام دى ,, نفسى اعرف مين اللى بيحربنى فى شغلى نفسى اعرفه
مراد : هتعملى ايه يعنى لو عرفتيه
روما تبص لـ مراد : هخليه يدعى على امه عشان جابته الدنيا ,, بس انا اعرفه الاول

يتبع ✍️✍️✍️