الحلقه ٤
بعد القنبلة ال انفجرت فى وشه شاهيناز وهى ان روما هترجع بعد 10 سنين تعيش معاهم فى الفيلا تانى , روما راحت شقتها عشان تجيب هدومها وترجع , طبعا كانت مفجأه للكل وكل بدء يفكر ازاى ممكن يعيشو مع روما مره تانيه
_____________________
نيللى وندى شريف وشاهيناز كلهم قعدين مع بعض زى ما يكونو فى اجتماع لمناقشة مسأله خطيرة
شريف : يعنى ايه ؟! انا عايز افهمها دى , ترجع هنا تانى ليه احنا مش كنا خلصنا منها , ايه ال رجعها تانى ؟
ندى : عيب كده يا شريف ده بردو بيتها , وبعدين فيها ايه لما ترجع تعيش معانا !
شريف : انتى تعرفى تخرسى , انا مش عايز اسمع صوتك
نيللى : انا مش عارفة هقول ايه لـ عمر , هقولو مره واحده كده طلعلى اخت , هى ايه ال رجعها عشان تبوظ حياتنا
شاهيناز : كفايه مش عايزة اسمع صوت حد فيكم , كل حاجة هتفضل زى ماهيه مفيش حاجة هتتغير , انتى يا نيللى تقولى لخطيبك انها , انها كانت عايشه عند خالها ورجعت , وانتى يا ندى هانم اياكى الاقيكى بتتكلمى معاها , كأنها مش موجوده اصلا , وانت يا شريف بلاش تفقد اعصابك خالص لحد ما انا اتصرف واخلص منها , لما اشوف اخرتها معاكى يا روما
_____________________
كاميليا قعدة فى الاوضه دمها بيغلى من كلام شريف ومعاملته ليها , دموعها نزله على خدها وكل ال بتفكر فيه هو ليه بيعمل معاها كده
كاميليا : هو بيعمل معايا كده ليه ؟ ده انا مراته معامله زفت وقسوه , واكتشف انه عندو اخت بالصدفه , وفى الاخر يحلف عليا طلاق يااااه للدرجه دى مش فارقه معاه
وهى بتكلم نفسها كده يرن تلفونها
كاميليا : الو , ........ , لا , ............... , لا لا ده انا عندى برد بس , ............ , فين , ............ , اوكيه ساعه واكون هناك , .......... , وانا كمان , ....... , باى باى
تخلص كاميليا المكالمة وتبص لصورة فرحها هى وشريف بكل غضب
كاميليا : انت ال عملت كده يا شريف انت , انت مش انا
_____________________
روما وصلت الفيلا مره تانيه والمره دى معاها شنطها وحاجاتها واول ما وصلت دخلت لـ رشوان
رشوان : كنت خايف مترجعيش
روما : ليه هو كلام عيال , انا كلمتى واحده
رشوان : نفس كلمة امك لما كانت توعدنى بحاجة , الله يرحمها كنت بعزها اكتر من ابوكى نفسه
روما : يرحمهم هما الاتنين بقى , انا هروح اوضب حاجتى فى الاوضه
رشوان : روما , انتى روحتى قبر ابوكى
روما : تفتكر انى كنت اقدر , هروح اغير هدومى
خرجت روما ورشوان باصص عليها بكل شفقه وكل ال بيعملو انه بيلعن شاهيناز والى عملتو زمان , روما راحت اوضتها واول ما دخلت لفت بعنيها فى الاوضه كلها المكتب ال كانت بتذاكر عليه السرير الصغير الستاير الوردى ال مابقتيش تنفع مع شخصية روما دلوقتى كل حاجة فى الاوضه زى ماهيه وكأن محدش دخلها من يوم ما سابت البيت , جنب السرير صوره صغيرة لـ ابوها غمضت عنيها ولفت وشها الناحيه التانيه اول ما شافتها كأنها بتحاول تهرب منها بتحاول تهرب من عيون ابوها حتى لو كانت صورة
_____________________
فات اسبوع على وجود روما فى الفيلا , نيللى بتجهز لفرحها ال مش فاضل عليه غير ايام ولسه مقلتيش لعمر عن موضوع روما , شريف مش بيبطل خناق مع كاميليا على كل كبيرة وصغيرة , ندى مش طايقه جو المشاكل ده ومش عارفه حل فيه , شاهيناز وروما فى تحدى دائم , من الاخر الفيلا بقيت حرب عالميه تالته مش بتخلص
_____________________
ندى قعدة فى اوضتها لوحدها , تلفونها يرن برقم
ندى : الو
المتصل : احلى " الو " ممكن حد يسمعها
ندى : مين معايا ؟!
المتصل : ايه ده ! مش فاكره صوتى
ندى : انت تانى !! انت ايه حكايتك , لو اتصلت هنا تانى مش هيحصلك كويس
المتصل : والبعد عنك بردو مش كويس , يعنى هى هى
ندى بأبتسامه مخفيه : طيب هو انت اصلا مين وعايز مين ايه ؟!
المتصل : لو اقولك انا مين تسبينى اسمع صوتك ؟
ندى بتردد : قول انت مين الاول وبعدين نشوف
المتصل : أحمد
ندى : مين أحمد ؟!
أحمد : انا أحمد زميلك فى الكليه ال مع الاسف انتى عمرك مخدى بالك منى خالص , بس انا بقى مش بعرف اشيل عينى من عليكى , مجنون مين اصلا يشوف القمر ماشى على الارض ويدور عنيه عنه
ندى وهى مبتسمة بس بتخبى : عيب على فكره الكلام ده , انا مااعرفكش عشان تتكلم معايا كده
أحمد : عمرك شفتى حد ممنوع عليه يوصف البدر وجمالو , واذا كان على المعرفه نتعرف , انا أحمد حسن زميلك ومعجب ولهان عاشق حيران
ابتسمت ندى اكتر واكتر وهى بتسمع كلام أحمد , ال عرف يخطفها من اول كلمة
_____________________
نيللى قعدة مع عمر فى صالون الفيلا وعمر بيبصلها بمنتهى الاستغراب
عمر : اختك ! والكبيرة ! واكبر من شريف ومنك كمان ! وانا اول مره اسمع عنها , ازاى يعنى يا نيللى ؟!
نيللى برتباك : مااانا بقولك يا حبيبى كانت عايشه عند خالها بره ولسه رجعه
عمر : طيب كانت عايشه بره , ازاى معرفيش ان عندك اختك تانيه غير شريف وندى !!
نيللى : مهى اختى من بابا الله يرحمه وكان فى خلاف بسيط كده واحنا مش كنا بنتكلم , بس بس اتصلحنا الحمد لله
عمر : اختك من باباكى , ال اسمها روما ؟
نيللى : انت تعرفها ؟!!
عمر : لا بس كنت اسمع من بابا , ان محمود بيه الله يرحمه كان عنده بنت من مراته الاولى , واسمع كمان كلام غريب عنها
نيللى برتباك شيديد : كلام ايه ؟ لالالالا سيبك من اى كلام تسمعه , هو زى ماانا قلتلك بالظبط
عمر بشك : اوك , طيب مش هتعرفينى عليها بقى ولا ايه ؟
نيللى : ها .... اه اه طبعا , دقيقه انديها ليك
_____________________
نيللى دخله على ندى الاوضه بسرعه وارتباك
نيللى : ندى , فين مامى ؟!
ندى : هو ايه ده مش تخبطى
نيللى : يوووووه بقولك فين مامى ؟!
ندى : معرفيش , خرجت من بدرى
نيللى : يوه بقى اعمل ايه !
ندى : هو في ايه ؟
نيللى : عمر ياستى عايز يتعرف على الزفته ال اسمها روما , كمان طلع يعرف عنها , انا كنت عايزه مامى تقولى اعمل ايه , ولا اقولك انا هتصرف
ندى : هتعملى ايه ؟
نيللى : ملكيش دعوه
خرجت نيللى واتجهت لـ اوضة روما وفتحت الباب ودخلت بدون اى اذن , لاقى روما قعد على كرسى فى الاوضه وبتشرب سيجاره
روما : يانعم
نيللى : اسمعى ياانتى , انا عمر خطيبى ماكنيش يعرف عنك حاجة ولا احنا كمان , بس حظنا الاسود بقى هو ال رجعك , وخطيبى عشان زوق قال ايه عايز يتعرف عليكى قال هيتعرف على الامله مثلا , المطلوب منك تنزلى تتكلمى معاه بكل ادب واحترام واياكى تطولى لسانك ده وتتعرفى عليه وتمشى على طول فهمه
روما ماتكلمتيش ولا كلمة لحد ما نيللى خلصت , وبعدها قامت من مكانها بكل هدوء ووقفت قدام نيللى ونفخت نفس من السيجاره , وبكل قوتها ضربت نيللى قلم على وشها
روما : لما تتكلم معايا انتى ال تتكلمى بأدب واحترام لكن تطولى لسانك تخدى بالجزمه انتى وال خلفتك , واول واخر مره تنسى نفسك معايا كده فى الكلام , ولو على البتاع خطيبك انا مش عايز اتعرف على حد , واه وتخطبى الاول بعد كده قبل ما تدخلى
نيللى : اه ده انا هخلى مامى تربيكى
روما مسكت نيللى من شعرها ونيللى بتحاول تفلت من ايدها
روما : تربى مين , ده انا اربيكى انتى وامك يابت
نيللى : اه ااااه سيبى شعرى سبينى
ندى جات تجرى على صوت نيللى فى نفس الوقت كانت شاهيناز وصلت الفيلا واول ما طلعت الدور التانى سمعت صوت نيللى بردو وجريت تشوف فى ايه
نيللى : بقولك سبينى اااااااه سبينى
ندى : ايه ده سبيها ايه ال بتعمليه ده !
شاهيناز : ايه ال بيحصل هنا !!! ايه ده سيبى بنتى لا اقطعلك ايدك
روما وهى بتحدف نيللى على شاهيناز : اهى خديها بس ابقى عمليها الادب شويه
شاهيناز : انا بحزرك ياروما لو قربتى لى ولادى تانى هدفنك مكانك , واوعي تفتكرى انى عشان ساكته انى كده خايفه منك ومن الهبل ال بتعمليه ده لا فوقى وان كنت ناسيه افكرك
اخدت شاهيناز نيللى ونزلت وندى فضلت واقفه قدام روما ال مبتسمه بمنتهى السخريه
ندى : هو انتى ليه بتكرهينا كده ده احنا اخواتك ليه بتعملى معانا كده
روما : اجرى ورا امك اسأليها , وارهنك لو جوبتك
وقبل ما ترد ندى عليها قفلت الباب فى وشها
_____________________
نيللى نزلت لـ عمر ال كان سمع صريخ نيللى وخناقه مع روما
نيللى : سورى يا عمر اتاخرت عليك
عمر بتريقه : واضح اوى يا روحى ان كان فى بينكم خلاف بسيط والحمد لله اتصلحتو
نيللى : لا ده ده اصل يعنى احنا
عمر : خلاص خلاص انا هتعرف عليها بعدين , همشى انا بقى عشان اشوف باقى التجهيزات باى يا قلبى
_____________________
عدا كام يوم كمان , وجيه اليوم المنتظر , فرح نيللى من الصبح فى الفيلا فى حركه مستمره ودوشة تجهيزات الفرح , لكن روما صحيت على خناق شاهيناز ورشوان , روما نزله على السلم مولعه سيجارة وسامعه صوت شاهيناز وهى بتتخانق مع رشوان
شاهيناز : يعنى ايه مش هتحضر , انت عايز الناس تقول ايه ؟
رشوان : مش هحضر افراح انا حر هو حد شريكى
فى الوقت ده تدخل روما عليهم الاوضه وتقعد على السرير جنب جدها بهدوء ومن غير ولا كلمة , شاهيناز تبصلها بتكبر وتكلم كلامها
شاهيناز : مهو مش بمزاجك هقول للناس واهل العريس ايه جدها الحمد لله الحمد لله مات وخلصت منه هيقولو فين العزاء , اسمع كده كده انت حتت طوبه , هخلى الخدامين يشلوك ويحطوك فى الفرح مع المعزايم يعنى مش بمزاجك فاهم
روما : طنط يا طنط , انا كمان احضر الفرح ؟
شاهيناز : ياريت لا وياريت مشوفيش وشك خالص النهارده
روما : تؤتؤتؤ هحضر اصلك متهونيش عليا هههههههههههههههههه
شاهيناز بصت لـ روما من فوق لتحت وخرجت
رشوان : انتى فعلا هتحضرى الفرح ؟!
روما : طبعا , الفرح معمول فى الفيلا هستخبه فى اوضتى طول اليوم مثلا
رشوان بحزن على نفسه : بس انا مش عايز احضر ومش ممكن هحضر , بلاش تخليهم يخلونى احضر الفرح غصب عنى
روما وهى بتبتسم : لا هتحضر , مهو انت لازم تحضر , لازم تشوف الفرح وجمالو , فرح بنت شاهيناز لازم يكون فرح مش عادى هههههههههههههههه
يتبع ✍️✍️✍️
