روما

جزء ٢٩

الجزء الثاني
الحلقه ٨

بعد فرح روما وجلال بيوم جلال صمم انهم يروحو يعملو شهر عسل ... وفعلا سافرو لندن مدينة العشاق زى ما بيقولو وفضلو فيها شهر ... فى الوقت ده روما كانت اول مره تحس بالفرحه اللى بجد شافت حياتها بتتغير تغير كامل من انسانه متعرفش اى حاجة فى حياتها غير الكره والشده والتحدى لـ انسانه عايشه حياة جميله هاديه وشايفه من جلال حب وحنان كانت طول عمرها محرومه منه ... فى الشهر ده كان شغل الشركة كله على شريف ... اما مراد فا يبقى عصبى جدا وبيقت تصروفاته غريبه كأنه بيتحول لشخص تانى غير مراد الطيب الهادى
_____________________
فى الشركة ... شريف قاعد فى مكتبه الباب يخبط
شريف : ادخل
يتفتح الباب .. يبص شريف يلاقى بنت جميله بملامح هاديه ورقيقه
شريف : افندم
_ حضرتك استاذ شريف
شريف : ايوه انا
_ انا مريم حسن اللى جايه من طرف مصطفى بيه
شريف : اه اه انتى اللى جايه عشان الوظيفة ؟
مريم : ايوه
شريف : اهلا وسهلا اتفضلى اقعدى
مريم : اهلا بحضرتك
شريف : قوليلى بقى معاكى شهادات ايه ؟
مريم : بكالوريوس سكرتاريه وادارة اعمال وواخده كورسات انجليزى وفرنساوى
شريف : كويس , اول مره تشتغلى ؟
مريم : ايوه
شريف : تمام هو مصطفى بيه موصى عليكى , بس المديره مسافره ولازم هى اللى تمضى على اذن التعين ترجع من السفر هنكلمك على طول
مريم : يعنى فى احتمال ما اخدش الوظيفه صح
شريف : ده كله يرجع لمديرة الشركة
مريم بحزن : طيب
شريف : زعلانه ليه ان شاء الله هتاخدى الوظيفه بس لازم المديره توافق على التعين الاول انتى مش ادارة اعمال وعارفه النظام
مريم : ايوه فاهمه حضرتك ,, طيب انا هستأذن بقى
شريف : اتفضلى واستنى تليفون من الشركة ,, مع السلامه
مريم : متشكره يا فندم
شريف : العفو
تخرج مريم من المكتب وبعد ثوانى يدخل مراد
مراد : مين اللى كانت خارجه دى ؟
شريف : دى اللى جايه لـ وظيفة السكرتاريه اللى مصطفى ايوب موصى عليها دى
مراد : اه كويسه على كده ؟
شريف : اه معاها شهادات كويسه ,, بس لازم توافق عليها روما لما تجى بقى تشوف هى
مراد : ليه مش هى قالت فى غيابها نتصرف احنا فى اى حاجة تخصر الشغل
شريف : مالك يا مراد مش لازم ناخد موافقتها على تعين الموظفين نتصرف فى الشغل اه لكن نشغل ناس على مزاجنا مينفعش
مراد بعصبيه : خلاص براحتك
شريف : مالك يا مراد هو انت بدور على حد تتخانق معاه
مراد : ليه شايفنى مجنون قدامك يا شريف ولا ايه
شريف : لا سيد العاقلين بس خف على اعصابك شويه لا تحصلك حاجة من العصبيه دى , ابنك عايزك
مراد : .............. انا رايح اشوف اللى ورايا
شريف : طب هو انت جات ليه اصلا ؟
مراد : اه كنت عايز اسألك روما رجعه امتى
شريف : ان شاء الله توصل بعد بكره اتصلت بيه امبارح وقالتى
مراد : اممم كويس
يخرج مراد وشريف باصص عليه
شريف : اووووف ,, لو فضل الحال كده الايام الجايه مش هتعدى على خير
_____________________
روما رجعت من السفر وتانى يوم على طول بعد رجوعها ... روما قعده على كرسى بتلبس الجزمه وجلال نايم على السرير تخلص روما وتقرب من جلال
روما : جلال جلال جلجل يا جلال قوم
جلال بصوت نايم : امممم خلينى انام يا روما بقى
روما : هو انت هتفضل نايم كده قوم انا نزله
جلال : نزله فين بدرى كده ؟!
روما : رايحه الشركة بقالى اكتر من شهر مروحتش , وانت كمان لازم تروح شركتك ولا ايه
جلال : ليه فكرتنى ليه
روما : لا والله قوم كفايه كسل ,, انت طلعت كسلان اوى على فكره
جلال : الحق عليا اللى مش عايز اسيبك ثوانى
روما : قوم يا جلال وبطل على الصبح
يقوم جلال من على السرير بكسل
جلال : امرى لله , استنى انا هغير وانزل معاكى
روما : ماشى
_____________________
مراد قاعد على السفره بيفطر مع هاله
هاله : هتتاخر النهارده ؟
مراد : معرفش
هاله : ليه عندك شغل كتير ؟
مراد : اه روما جات من السفر واكيد هتراجع الشغل اللى فات كله
هاله : ااه ,, شكلها بتحب جوزها اوى روما
مراد : وانتى ايه عرفك
هاله : الله بيبان شكلها كان باين عليه الفرحه يوم الفرح وبعدين يعنى لو كانت مش بتحبه اتجوزته ليه
مراد : اه
هاله : انا هروح لماما شويه ممكن ؟
مراد : ممكن , انا قايم بقى عشان اتاخرت
هاله : ماشى متتاخرش بقى يا حبيبى
مراد يلف ويبص على هاله بستغراب
مراد : حبيبى ؟!
هاله : اه حبيبى طبعا فيها حاجة دى
مراد : لا مفيهاش , سلام
هاله : سلام
_____________________
يروح مراد الشركة ويعرف ان روما وصلت الشركة من بدرى ... يروح مراد على مكتب روما يخبط ويدخل
روما : اهلا يا مراد
مراد : حمد لله على السلامه
روما : الله يسلمك , اخبارك ايه ؟
مراد : كويس
روما : هاله وشادى عاملين ايه ؟
مراد : بيسلمو على العروسه
روما : هههههههههه الله يسلمهم ,, بقولك فى حاجات كتير متعطله عندك ؟
مراد : مش اوى فى حاجات عايزه الامضاء وحاجات عايزه مراجعه
روما : خلاص هات كل الشغل المتعطل
وهما بيتكلمو يخبط الباب ويدخل شريف وهو شايل ملفات
شريف : ايه ده انت جيت , صباح الخير
مراد : صباح النور
شريف : اهى يا روما الملفات , وده طلب تعين فى السكرتاريه وده الورق بتاعها دى جايه من طرف مصطفى ايوب على فكره
روما وهى بتقرا الورق : اه دايما بيخدمنا الراجل ده , اممم لا كويسه خلاص تتعين تحت التمرين
شريف : ماشى
روما تبص لـ مراد : مراد , ايه لسه مش صاحى ولا ايه هات الشغل المتعطل
مراد : طيب
يخرج مراد وروما تبص لـ شريف
روما : ماله مراد ؟
شريف : مش عارف هو بيقى طول الوقت كده
روما تسكت شويه وبعدين بتبص فى الورق اللى قدامها
_____________________
شريف فى مكتبه بيتصل فى التلفون
مريم : الو
شريف : ايوه لو سمحتى اكلم انسه مريم حسن
مريم : انا مريم حسن مين حضرتك ؟
شريف : انا شريف رشوان من شركة روما رشوان للإستيراد والتصدير
مريم : اه اهلا وسهلا
شريف : مبروك اتوافق على التعين بتاعك وتقدرى تيجى تستلمى الشغل من بكره
مريم بفرحه : الله يبارك فيك متشكره اوى اوى
شريف : العفو , مع السلامه
مريم : مع السلامه
_____________________
بالليل روما قعده فى الاوضه قدام اللاب توب يدخل عليها جلال
جلال : بخ
روما : يامى هههههه اتاخرت يعنى
جلال : الشغل كان ايه مطحنة , تقريبا كانو مش بيعملو اى شغل ومستنين لما اجى مع انى كنت عامل توكيل للسكرتير الغبى بتاعى عشان يمشى الشغل
روما : طب ده انا ماكنتش عامله توكيل لحد والشغل فضل ماشى تمام باين الوظفين بتوعك عايزين يتشد عليهم
جلال : باين كده بس انتى ماكنتش عامله توكيل لحد يمشى الشغل فى غيابك ليه ؟
روما : انا مش بحب حد يمشى شغلى غيرى حتى لو مش قعده يتأجل لحد ما اجى
جلال : يا واد يا جامد انت ,, انا عايز افهم انتى بتعملى ايه سيبى البتاع ده
روما : تؤ هات يا جلال اللاب عايزه اخلص الشغل اللى ورايا
جلال : لا مفيش للاب ولا زفت شغل بالنهار وشغل وبالليل كمان صحتك
روما : يادى صحتى يا سيدى انا متعوده على كده وبعدين مش كفايه خلتنى ابطل السجاير بالعفيه
جلال : لا اسيبك تحرقى صحتك بيها طب بصى كده لما بطلتى وشك راق ازاى وبعدين ده انا مش بشربها تشربيها انتى
روما : ههههههههه انت بضحكنى على فكره
جلال : هو انا اصلا عايز حاجة غير انك تفضلى تضحكى ده انتى عندى بالدنيا كلها يا روما ,, يلا نتعشا بقى عشان انا ميت من الجوع
روما : ماشى يا سيدى يلا
_____________________
بعد 4 شهور فى الشركة ... روما فى قاعة الاجتماعات مع شريف ومراد
روما : المناقصه دى لو راحت مننا هنخسر كتير
شريف : احمد المغازى حاطط عنيه على المناقصه دى على فكره
مراد : عرفت منين الكلام ده ؟
شريف : سمعت
روما : وهو احمد المغازى هينط ليا فى كل مناقصه ولا ايه
مراد : وهو من امتى بيسيب حاجة تعدى من تحت ايده
روما : على العموما مش هيعرف يعمل حاجة احنا اكيد هنقدم اقل سعر مستحيل اى شركة تانيه تقدم بالسعر ده
مراد : المحاسب ظبط الميزانية كويس اوى بصراحه
روما : اسمع يا شريف خلى معاك الورق عشان تبقى تروح انت تقدم السعر والميزانية بتاعت المناقصه
شريف : تمام
مراد : يارب ماحد يقدم سعر اقل من ده
روما : اقل من ده مستحيل ,, يلا بقى كل واحد يروح على شغله
يقومو هما التلاته وكل واحد فيهم يروح على مكتبه
_____________________
شريف وهو ماشى فى الممر يخبط فى مريم
شريف : مش تحاسبى يا مريم
مريم : اسفه اوى يا استاذ شريف ماخدش بالى
شريف : معلش ولا يهمك بس انتى مستعجله كده ليه ؟
مريم : ما انا كنت عايزه حضرتك عشان اخد اذن انصراف معلش بس عندى ظروف فى البيت
شريف : خير طيب فى ايه ؟!
مريم : ماما تعبانه اوى
شريف : لا الف سلامه عليها , طب خلاص روحى
مريم : طب ومدام روما ؟
شريف : مالكيش دعوه روحى انتى انا هقولها
مريم : متشكره يا استاذ شريف , عن اذنك
شريف : مع السلامه
تمشى مريم وشريف يبص عليها ثوانى ويمشى
_____________________
بعد اسبوع ... مراد داخل الشركة متعصب وماشى بسرعه ناحيه مكتب روما ... يوصل للمكتب يروح يفتح الباب ويدخل على طول
مراد بعصبيه : مصيبه يا روما
روما بخضه : فى ايه ؟!
مراد : احمد المغازى اخد المناقصه مننا
روما تقوم توقف : ايه اللى بتقوله ده
مراد : المصبيه مش فى كده ,, المصبيه انه قدم السعر بتاعنا , السعر اللى كنا هنقدم بيه اتسرب لـ احمد المغازى
روما : ايه ؟!

يتبع ✍️✍️✍️