الجزء الثاني
الحلقه الاخيره
فى بيت متوضع وبسيط ... قعده مريم حاطه ايدها على خدها والدموع نازله من عنيها لوحدها شويه وتسمع الباب بيخبط تقوم تفتح
مريم : جلال
جلال وهو بيدخل : ايه حصل ايه الدنيا خربت عشر الف تلفون تعالا تعالا عايزه ايه
مريم : هو انت بتعمل معايا كده ليه امال لو ماكنتش بقالى 3 سنين خادمه ليكى انفذ اومرك وبس صح غلط المهم انفذ وفى الاخر بتعمل معايا كده
جلال : هو انتى معندكش غير الاسطوانه البايخه دى شوفى غيرها بيقت قديمه
مريم : كتر خيرك مهى اللى تبيع نفسها بالرخيص تستاهل اكتر من كده
جلال : عليكى نور , عايزه ايه بقى خلصينى
مريم بسخريه : عايزه اقولك مفجأه هتعجبك اوى
جلال : ارغى
مريم : مراتك عرفت كل حاجة
جلال بعدم فهم : حاجة ايه ؟
مريم : الملعوب يا جلال بيه ولا نسيت
جلال بعصبيه : انتى بتقولى ايه عرفت ايه من مين ؟
مريم بتحدى : عرفت انك مش بتحبها وانك مش عايز غير انك تنصب عليها وتاخد فلوسها وترميها زيها زى اللى فاتو عرفت من مين بقى , فمنى انا
جلال يوقف : ايه بتقولى ايه يابت ال
ويجب جلال مريم من شعرها ويضربها بالقلم
جلال : بوظتى كل حاجة بوظتى كل حاجة يا زباله
مريم : اوعى سبنى
جلال : اسيبك ده انا هرميكى للكلاب خربتى كل اللى كنت بعمله
مريم : ترمينى للكلاب ما انت كده كده كنت هترمينى للكلاب بس تعرف انا استاهل اكتر من كده عشان فى يوم من الايام صدقت واحد زيك مريم فى واحده هتجوزها وهطلع منها بمصلحه كبيره هتنفعنا احنا الاتنين حاضر مريم انا هشغلك فى شركتها وهاتى ليا اللى بيحصل اول باول حاضر مريم انا لازم اكسرها عشان متعرفش تقاوم معايا وانتى لازم تساعدينى حاضر وفى الاخر عايز ترمينى للكلاب ارمينى انا استاهل اكتر واكتر من كده
جلال : ده انتى قولتى ليها عشان تنتقمى منى بقى
مريم : ياريت ياريت كنت اعرف انتقم منك ازاى وانا انتقم منك اشد انتقام منك لله منك لله دمرتنى ودمرت حياتى وحياة غيرى
جلال يضربها بالقلم : يلا يا زباله ده انتى جايه من الشارع يابت انتى بالسهل كده تبوظى كل اللى كنت بعمله الفتره دى ده انتى تكسرى كل اللى عملته انا هوريكى ده انتى اللى زيك ارخص من التراب يا رخيصه اتفوه
يرمى جلال مريم على الارض ويخرج من الشقه ويرزع الباب وراه
_____________________
قدام مستشفى بيوقف تاكسى وبتنزل منه روما وتوقف تبص على المستشفى " مستشفى الرحمه للامراض النفسيه والعقليه " لحظات توقفها روما وبعدين تدخل من الباب وتمشى فى الجنينه لحد ما تلاقى ممرض تسأله على حاجة يروح يشورلها على حته فى الجنينه تسيبه وتروح ناحية الحته دى تلاقى ست بشعر ابيض ووش باين عليه الزمن وعيون سرحانه تروح براحه تقعد جنبها
روما : ازيك يا شاهيناز
تبص شاهيناز لـ روما وترجع تبص قدامها تانى
شاهيناز بصوت بيترعش : وا وااا انتى مالك اانتى
روما : هه انتى لسه فيكى نفس
شاهيناز : اااا اناا انا شاهيناز انااا
روما : مش عارفه ليه كل ما تحصلى حاجة احس ان انتى السبب فيها
شاهيناز تبصلها بعيون زايغه وتلف وشها الناحيه التانيه ... وروما تبص قدامها
روما : مش يمكن لو كنتى خلتينى اعيش حياتى بشكل طبيعى ماكانش كل ده حصل , يمكن لو كنت كبرت فى بيت عادى ووسط ناس عاديه كان حالى يكون احسن من كده ,, طول عمرى ما عايزه حاجة من الدنيا غير انى اعيش طلب واحد كتير عليا لما اطلب انى اعيش كتير عليا
شاهيناز : الفلوس الفلوس لعنه تمسك فى صاحبها ومتخرجش منه ابدا يعيش بيها وبيموت بيها ويفضل يتحرق بنارها
روما : ياااااه دلوقتى بس اللى عرفتى كده ,, عارفه يا شاهيناز مهما حصل هفضل شايفه انك انتى سبب كل حاجة من البدايه وهفضل اكرهك لحد ما يرمو على تراب القبر
شاهيناز : ال ال القلوب عند بع بعضها ههه ههه هههههههه ههههههههههههههههههههههههههه
تقوم روما تمشى وشاهيناز تفضل فى مكانها بتضحك بصوت عالى
_____________________
فى الشركة ... شريف فى المكتب بيلف حوالين نفسه وعمال يتصل بكل الاماكن اللى ممكن تكون روما فيها يلاقى باب المكتب بيتفتح وروما داخله
شريف : روما انتى كنتى فين انا قلبت عليكى الدنيا
روما : امسك
شريف : ايه ده
روما : توكيل لـ ادارة الشركة
شريف : ايه ؟!
روما : زى ما سمعت من هنا ورايح انت مدير الشركة وتتصرف فيها زى ما انت عايز
شريف : طب افهم يا روما انا مش فاهم حاجة
روما : انا تعبت من الشغل وعايزه ارتاح ,, مش عايز تريح اختك
شريف : عايز طبعا
روما : خلاص امسك الشركة وحافظ عليها وعلى اسم عائلة رشوان , اعتبر ده اعتذار عن الغلط اللى غلطه فى حقك
شريف : بس انا مش زعلان منك يا روما
روما : انا ماشيه
شريف : على فين ؟
روما : هروح الفيلا عايزه انام
تمشى روما من قدام شريف وهو يفضل باصص عليها بستغراب وهو ماسك التوكيل فى ايده
_____________________
جلال يدخل الفيلا يلاقيها فاضيه ومفيش فيها حد ... يطلع على اوضة النوم بسرعه يلاقى الصوره اللى متكسره يروح نازل يجرى على اوضة المكتب ويفتح الخزانه ويطلع منها اوراق وملفات ويحطها فى شنطة اعمال ويروح على باب الفيلا واول ما يفتحه ... يلاقى اربع رجاله فى وشه
جلال يرجع لورا : ايه ده انتو مين ؟
يروح الرجاله شدين جلال بره باب الفيلا وهو بيقاوم
جلال بزعيق : اوعو اوعو انتو مين اوعو
يحطو على وشه منديل فيه مخدر يغيب عن الوعى فى ثوانى ... يشلوه ويقفلو باب الفيلا
_____________________
مراد داخل البيت ... يلاقى هاله واقفه قدامه ومبتسمه بهدوء ... يبصلها مراد بستغراب
هاله : انا مقدرش اعيش من غيرك يا مراد حقك عليا ,, خلاص يا مراد انا هنسى كل حاجة ونبدء مع بعض صفحه جديده
مراد : المهم انك تكونى مقتنعه بالكلام ده
هاله : والله مقتنعه بيه واوعدك انى عمرى ما هكلمك فى الحكايه دى تانى
مراد : متاكده يا هاله
هاله : متاكده يا مراد بس انا من حقى عليك شوية اهتمام صح ولا غلط
مراد : صح انا كمان اوعدك انى هحاول اتغير , نحاول احنا الاتنين نتغير ونعيش حياه جديده
هاله : وانا مش عايزه اكتر من كده
مراد يبتسم : طب يلا بقى حضرى لينا الغدا , هو فين شادى ؟
هاله : نايم
وهما بيتكلمو التلفون يرن
مراد : انا هرد حضرى انتى الغدا
هاله : طيب
مراد : الو
روما : لسه زعلان منى
مراد : روما ؟!
روما : متزعليش منى يا مراد , متزعليش منى عشان حرجتك وسامحنى انى عمرى ما عرفت اشوفك غير صديق وسامحنى انى وجعتك سامحنى على كل حاجة يا مراد
مراد : مشكلتى انى عمرى ما عرفت ازعل منك اصلا
روما : ههه انت اغلى صديق عندى يا مراد اوعى فى يوم تسبنى لوحدى
مراد : وانتى اغلى ,, اغلى صديقه عندى يا روما وانا مستحيل اسيبك لوحدك
روما : مع السلامه يا مراد
مراد : مع السلامه
يقفل مراد السكة ويفضل واقف فى مكانه بحزن ... لحد ما تيجى هاله من وراه
هاله : يلا يا حبيبى عشان تاكل
مراد يبتسم : يلا يا حبيبتى
_____________________
جلال بيفتح عنيه براحه ويبص حواليه يلاقى نفس مربوط فى كرسى من ايده ورجليه فى مخزن قديم ... يبص قدامه يلاقى روما قعده على كرسى وباصه فى الارض
جلال بصوت رايح : روما !!
ترفع روما رأسها وتبصله بعيون حمرا بلون الدم .. وتقوم من مكانها وتلف حوالين الكرسى اللى قاعد عليه
روما : اه روما , روما الهبله اللى اول مره فى حياتها تبقى هبله روما اللى ضحكت عليها روما اللى تخلى اجدع راجل يلف حوالين نفسه انت ضحكت عليها
جلال وهو بيترعش : روما روما انا انا انا هفهمك
روما توقف فى وشه : هتفهمنى ,, هتفهمنى ايه بقى هتفهمنى ازاى بتوقع الستات فى حبك ولا ازاى عرفت تضحك عليا
جلال : انا انا
روما بصوت عالى : انت كلب ابن سنين كلب يا ابن الكلب يا واطى ,, انت تضحك عليا انا ده انت تعمل فيا كل ده دى القيامه قامت لما روما يضحك عليها من كلب زيك يبقى القيامه قامت
جلال : روما البت دى كدابه كدابه صدقينى
روما : هههه وانت بقى تعرفها كدابه ولا صادقه من فين
جلال يبص لـ روما برعب وميردش
روما : انت عارف انت عملت ايه انت طلعتنى سابع سماء وفى ثوانى رمتنى فى سابع ارض
جلال : ااناا
روما : اشش اخرس خالص ,, عارف كان ممكن اعدى كل حاجة اعدى انك نصاب وجاى تنصب عليا اعدى الخراب اللى انت عملته فى الشركة اعدى قضية الرشوه كل حاجة انا ممكن اعديها ,, لكن ابنى انت تاخد منى ابنى وتحرمنى منه تحرمنى من انى اشوفه والمسه ده انا عايزه اكل كبدك حى ,, انا مرات ابويا عشان اخدت منى حقى رمتها فى مستشفى المجانين انت بقى اللى اخد منى ابنى حتى منى قطعتها من غير رحمه تفتكر هعمل فيك
جلال : روما روما بلاش تتسرعى وتعملى حاجة تندمى عليها
روما : انا مفيش حاجة ندمت عليها فى حياتى غيرك انت غلطه ولازم اصلحها
جلال برعب : انتى تعملى ايه ؟
روما بهدوء : اوعى تخاف
تروح روما ناحيه جركن محطوط على جنب تشيله وترجع لـ جلال
جلال : ايه ايه ده ؟!
روما وهى بتفتح الجركن : بنزين
جلال بصراخ : ايه ايه لالالا لا يا روما انا كلب انا زباله بلاش تضيعى نفسك عشان خاطر كلب زيى لا يا روما لا
تفتح روما الجركن وتلف حوالين جلال وهى بتكب عليه البنزين
روما : مهو عشان كده انت لازم تموت الكلاب اللى زيك المفروض تختفى من على وش الدنيا ,, وبعدين مين قالك انى هضيع نفسى عشانك حماار اللى جابوك هنا ميعرفوش حتى شكلى والخط اللى كنت بكلمهم منه اتكسر واترمه والكل عارف انى نايمه فى الفيلا وفى سابع نومه ,, انت المفروض قبل ما كنت تقرب منى كنت تعرف انت بتتعامل مع مين انت لعبت مع الشخص الغلط خالص كان لازم تعرف انت رايح تتضحك على مين
جلال متغرق بنزين وباصص على روما برعب
روما بصوت عالى : ده انا رومااا
تولع روما عود كبريت وتبص لـ جلال وتروح رميه عليه العود
جلال : اااااااااااااااااااااااااااااااااااااه اااااااااااااااااااااااااااااااااااااااه اااااااااااااااااااااااااااااااااااااااااااااه ااااااااااااااااااااااااااااااااااااااااااااااااااه
تفضل روما باصه على جلال هو بيتحرق بعيون مفيش فيها دمعه واحده
_____________________
_ فى اليوم ........... الموافق ........ الساعه ......... تم العثور على جثه متفحمه بالكامل وبعد التحريات تاكد لنا انها تعود الى رجل الاعمال جلال عزت الشيمى ولما يعثر على اى ادله تشير الى القاتل وتم اغلق القضيه وحفظها ضد مجهول
_____________________
بعد سنه ... فى جنينه كبيره نيللى ماشيه وماسكه لى لى فى ايدها وجنبها ماشيه ندى وشريف ماشى وراهم توقف نيللى وتوطى لـ لى لى
نيللى : لى لى خالتو هناك اهى اجرى عليها يلا
تجرى لى لى ناحية كرسى قعده عليه روما
لى لى : خالتو خالتو
روما : اهلا حبيبت خالتو
نيللى : اتاخرنا عليكى صح
روما : مش اوى
شريف : والله انا كان بقالى عشر ساعات جاهز هما اخواتك اللى يشلو
ندى : يا جماعه انا جايه من بره لازم يكون شكلى على مستوى
نيللى : مهما تعملى هيفضل الشكل هو هو
الكل : ههههههههههههه
تبص روما على اخواتها وهما بيضحكو وتسرح
روما فى سرها : صحيح الدنيا يوم غالب ويوم مغلوب وانتى افتكرتى انك عمر ماحد يعرف يغلبك يا روما كنتى فاكره نفسك شاطره ومش بتغلطى ونسيتى ان غلطة الشاطر بألف يلا دنيا واتكتب عليكى تعيشها مهما كان فيها
لى لى : خالتو قومى العبى معايا
روما : حاضر يا قلب خالتو
الــنــهــايــه
