روما

جزء ١٧

الحلقه ١٧

يوم الاحد الساعه 5 الصبح , تلفون الفيلا بيرن وتلفون شاهيناز جمبها وهى نايمه بيرن صامت عمال بينور ويطفى تلفون شريف بيرن بردو لحد ما يصحه
شريف بصوت نايم : الوو
_ الحق يا شريف بيه المصنع بيتحرق
شريف بفزع : ايييييييييييييييه
تصحى كاميليا على صوت شريف
كاميليا : ايه فى ايه ؟
شريف : انت بتقول ايه !!
_ المصنع يا شريف بيه النار ماسكه فيه من اكتر من ساعتين ومش بتطفى
شريف يقوم ويجرى على اوضت شاهيناز ويفضل بيخبط عليها
شريف بصوت عالى : ماماااا قومى
تقوم شاهيناز وتجرى على الباب تفتحو
شاهيناز : ايه فى ايه مالك ؟
شريف : المصنع يا ماما المصنع بيتحرق
شاهيناز تخرس من الصدمه وماتتكلمش
شريف : يا ماما يا ماما فوقى شوية يلا عشان نشوف ايه ال حصل
شاهيناز واقفه تبص لشريف وبس
شريف : روحى يا ماما غيرى هدومك
تدخل شاهيناز اوضتها تغير هدومها وهى فى حالة ذهول كامله , طبعا كل ال فى الفيلا صحى على صوت شريف
نيللى وهى خارجه من اوضتها : فى ايه يا كاميليا شريف بيزعق ليه ؟!
كاميليا : المصنع يا نيللى
نيللى : ماله ؟
كاميليا : بيتحرق او اتحرق حاجة كده
نيللى : يا نهار اسود يا نهار اسود
عمر وهو جاى من وراها : المصنع اتحرق الله اكبر
ندى طلعت من اوضتها هى كمان وواقفه مش بتتكلم , فى لحظه الفيلا كلها صحيت وكلهم بيقو قعدين على احر من الجمر مستنين يعرف ايه حصل او ايه ال هيحصل , الا روما ال كانت واقفه ورا باب اوضتها مبتسمه بهدوء يخوف , تبعد عن الباب وتقعد على كرسى وهى بتولع سيجاره وتاخد منها نفس بهدوء وهى سامعه الدوشه ال بره الاوضه
روما وهى بتنفخ الدخان فى الهوى : اشربى يا شاهيناز
_____________________
يوصل شريف هو وشاهيناز لمكان المصنع ويتصدومو من الى شافوه , المصنع بالكامل مولع والنار للسما بشكل مرعب والناس والمطافى مش عارفين يطفو النار , ويفضل الوضع بالشكل ده ساعات لحد ما النار تتطفى بعد ما المصنع اتحرق بالكامل واتحول لهيكل اسود , يجى البوليس ويبدء التحقيق وكل ده وشاهيناز لسه فى صدمتها
الظابط : ايه ال حصل يا ستاذ شريف ؟
شريف : معرفش يا فندم انا صحيت على تلفون من غفير المصنع بيقولى ان المصنع بيتحرق بس
الظابط : المصنع شغال من امتى ؟
شريف : يا فندم المصنع مااشتغلش اصلا , المفروض النهارده كان الافتتاح بتاعه
الظابط : امم , بتشك فى مين انه حرق المصنع
شريف : ماا ............
شاهيناز : روما
الظابط : مين روما ؟
شريف بارتباك : دى دى اختى
الظابط : اختك ؟!
شريف : اختى من ابويا مش شقيقه
الظابط : طيب وحضرتك شاكه فيها ليه يا مدام شاهيناز ؟
شاهيناز : هى , هى ال عملتها مفيش غيرها هى ال عملت هى هى
الظابط : طيب اهدى اهدى , احنا هنجبها ونحقق معاها , اكتب ياابنى عندك يتم استدعاء , اخت حضرتك اسمها ايه ؟
شريف نزل عنيه فى الارض
شريف : روما محمود رشوان
الظابط : يتم استدعاء السيده روما محمود رشوان غدا للتحقيق
يخلص التحقيق ويروح شريف وشاهيناز , شريف داخل الفيلا ومسند شاهيناز ال مش قادره تمشى على رجلها ويدخلها اوضتها , يطلع من اوضت شاهيناز يلاقى نيللى واقفه
نيللى : ايه ال حصل يا شريف كنتو فين كل ده ؟
شريف : المصنع يا نيللى المصنع بيقى حتت فحم
نيللى : يا نهار اسود يادى الخراب , طيب وماما , ماما عامله ايه ؟
شريف : هتتجنن طبعا , بقولك صح هى فين روما ؟
نيللى : روما !! وانا من امتى ليا دخل بيها ولا اعرف مكانها , وبعدين انت بتسأل عليها ليه ؟
شريف : امك اتهمت روما انها هى ال حرقت المصنع وبكره التحقيق معاها
نيللى : يالهوى هى ناقصه عداوه بينهم ده احنا داخلين على ايام زى الزفت
_____________________
تانى يوم , روما قعده قدام الظابط وعلى الكرسى ال قدامها قعده شاهيناز وعلى كرسى جنبها قاعد شريف
الظابط : اسمك وسنك ومحل اقامتك ؟
روما : روما محمود رشوان , 30 سنه , ساكنه فى فيلا رشوان فى 6 اكتوبر
الظابط : تمام , مدام شاهيناز بتقول انك انتى ال ورا حرق المصنع بتاعها ايه رأيك فى الكلام ده ؟
روما بصت لشاهيناز بنظرة سخرية ورجعت بصت للظابط
روما : كلام فارغ طبعا , انا ماليش اى دخل بالى حصل ده
الظابط : يعنى انتى بتنكرى ان ليكى اى علاقه بحرق المصنع
شاهيناز : كداااااااابه كدااااااابه هى ال عملت كده هى
الظابط : لو سمحتى اهدى يا مدام شاهيناز خلينا نكمل التحقيق
شريف : اهدى شوية يا ماما من فضلك
وهما بيتكلمو يرن التلفون على مكتب الظابط
الظابط : الو , ................. , بجد هايل , .......... , لا هاتهولى حالا
يقفل الظابط السكه ويبص للموجودين
الظابط : اتقبض على ال حرق المصنع
شاهيناز : بجد
الظابط : ايوه وهيجى هنا دلوقتى بس لو سمحتو هدوء
بعد شويه يخبط الباب ويدخل عسكرى معاه عزام ويخرج العسكرى ويفضل عزام قدام الظابط
الظابط : قرب هنا , اسمك ايه ؟
عزام : عزام خليل
الظابط : حرقت المصنع ليه يا عزام ؟
عزام بخوف : يا بيه انا انا فى واحده قالتى احرق المصنع واجيبو ارض ارض وهدينى ‭‭‭‭‭‭‭100‬‬‬‬‬‬‬ الف جنيه والواحد فى عرض جنيه يا بيه
روما فى سرها : ياابن الجبانه اعترفت من اول قلم , كويس انى كنت عامله حسابى لـ كده
شاهيناز : شوفتو هى هى اكيد ال اتفقت معاه
الظابط : لو سمحتى بلاش كلام
شريف : استنى بس يا ماما
الظابط : مين الواحده دى شكلها ايه تعرف توصفها
عزام : معرفش شكلها يا بيه كانت لبسه نقاب كامل حتى عنيها ماكنتش باينه , كل ال اعرفه اسمها , كان اسمها شاهيناز
الظابط : ايه !!
شاهيناز تنحت وشريف جنبها مخه وقف ومش عارف يفكر
الظابط : ياابنى شاهيناز هانم هى صاحبة المصنع ال قعده قدامك دى ازاى تبقى هى ال حرقت مصنعها
عزام : والله يا بيه ما اعرف انا ساعتها سألتها عن اسمها قالتى شاهيناز بس
شاهيناز : انتو مش مصدقين ليه انها هى ال عملت كل ده
الظابط وهو بيشاور على روما : طيب , تعرف الانسه ال قعده دى شوفتها قبل كده
عزام : عمرى يا بيه ولا اعرفها
الظابط : طيب
و ينادى الظابط العسكرى عشان ياخد عزام بره
الظابط : شكرا يا أسنه روما تقدرى تمشى
شاهنياز : تمشى فييييييييييين انت هتسبها تمشى
الظابط : لو سمحتى كده مينفعش , اخليها هنا ليه ومفيش اى دليل انها عملت حاجة عند حضرتك دليل
روما : لو سمحت يا حضرتك الظابط ممكن أسال سؤال ؟
الظابط : اتفضلى
روما : هى ليه متاكده اوى انى حرقت المصنع طب نفرض عملت كده عملت كده ليه هى عملتلى ايه عشان اعمل معاها كده ؟ بنتقم منها مثلا طيب ليه ؟
الظابط : جاوبى يا مدام شاهيناز , اشمعنى هى ال شاكه فيها كده ايه مصلحتها ؟
شاهيناز تسكت وهى مش عارفه ترد تقولى ايه
الظابط : اتفضلى يا أنسه روما مع السلامه
_____________________
بعد ساعات ترجع شاهيناز الفيلا لوحدها بعد ما شريف سبها عشان يروح يحسب حجم الخساير , تدخل شاهيناز وهى مش شايفه قدامها وتقعد على اقرب كرسى وتغمض عنيها بتعب
روما : مالك اتهديتى ولا لسه ؟
تفتح شاهيناز عنيها وتبص لـ روما بغل
شاهيناز : هو انتى فاكره انك كده قدرتى عليا لا ده انا شاهيناز انتى فاهمه
روما : وانا مالى بيكى هو انا عملتك حاجة ولا الصدمه أثرت على دماغك
شاهيناز : انتى فاكره انى صدقت الكلام ال قوليه للظابط انتى تضحكى عليه مش عليا انااااااااا
تمشى روما من قدام شاهيناز من غير ما ترد عليها وقبل ما تطلع السلم
شاهيناز : مفيش غيرك عملها يا روما وانا عارفه
تلف روما وترجع لـ شاهيناز
روما : لما زمان قتلتى ابويا ووقفت فى وشك وقالتلك اانا عارفه انك حطيتى سم فى دوا ابويا , قولتيلى وقتها كلمة واحده بس , اثبتى , اثبتى يا شاهيناز اثبتتتتتتتتتتتتتى
وتمشى روما وتسيب شاهيناز بتخبط على دماغها مش عارفه هتعمل ايه فى الخراب ال حصلها ده
_____________________
بعد كام يوم , شاهيناز فى صالون الفيلا وشريف معاها ومختار قاعد قدامهم
شاهيناز : وهو انا ال حرقت المصنع
مختار : انا ماليش فى الكلام ده احنا متفقين المكسب بالنص والخساره عليكى , انا وافقت وقتها عشان كده
شريف : يا مختار بيه احنا فى ازمه دلوقتى ومالناش يدى فيها
مختار : ده شئ انا ماليش دخل فيه انا عايز فلوسى
شاهيناز : وانا هجيب 20 مليون من فين انا فلست
مختار : بردو ماليش دخل فى ده قدامك لحد اول الشهر تكون فلوسى عندى والا مش هيحصل كويس
ويقوم مختار ويمشى بعد ما حط كارثه جديده فوق الكوارث ال نزله على دماغ شاهيناز
_____________________
ندى قعده فى اوضتها تلفونها يرن
ندى : الو
أحمد : ايه ده انتى اتاخرتى فى الرد اوى
ندى : يااخى انا عملتلك ايه لكل ده ارحمنى
أحمد : اسمعى بكره لو ماجتيش , قولى على سمعتك يا رحمن يا رحيم باى
يقفل أحمد السكه وتفضل ندى تعيط , شويه وتقوم تخرج من اوضتها وتنزل عشان تتكلم مع شاهيناز , بس تلاقى شاهيناز بتزعق ومش طايقه نفسها وتعرف انها مش هتعرف تتكلم معاها فى اى حاجة تروح تخرج تقعد فى الجنينه وتفضل تعيط
ندى : اعمل ايه ياربى اتصرف ازاى يارب ساعدنى يارب يارب اعمل ايه يارب , اموت نفسى واخلص استغفر الله العظيم يارب اوقف معايا يارب

يتبع ✍️✍️✍️