الحلقه ٧
الفيلا زى ماهيه مفيش اى تغير , غير ان شاهيناز بتجهز لـ افتتاح مصنع ملابس كبير يكون تابع لـ شركة التصدير والاستيراد بتاعتها وده عايز فلوس كتير لكن هى مش شايله هم لأن فلوس رشوان كلها تحت ايدها شريف ابنها بيشتغل المدير العام فى شركة رشوان الضخمه يعنى كل حاجة تحت امرها , رشوان طبعا مشلول مش عارف هى بتعمل ايه ومراد ال كان عنيه فى الشغل شاهيناز طردته ومنعته يدخل الفيلا من ساعة فرح نيللى وكده اخدت راحتها اكتر , فى الوقت ده كان الوضع بينها وبين روما عادى مش بيتكلمو ومش بيتخانقو , كان هادى هدوء يسبق العاصفة
_____________________
شاهيناز قعدة مع شريف وقدامهم ورق كتير كله حسابات
شريف : كده الميزانية مظبوطه ولا ايه
شاهيناز : ايه الكلام الفارغ ده , لالا دى مش حلوة خالص , لازم ميزانية اكبر من كده
شريف : مش معانا سيوله كفايه يا ماما , منبدء بـ 5 مليون الاول وبعدين ....
شاهيناز : بس بس من امتى يا شريف وانت بتتكلم كده , انا علمتك كده , ال بيبدء صغير بيفضل صغير , وبعدين ده المصنع التابع للشركة يعنى لازم يكون على قد المستوى
شريف : انا عارف , انا بس كنت بقولك ان مش معانا سيوله كفايه , انتى ناسيه ان الشركة خدت كتير
شاهيناز : بسيطه اسحب من ميزانية شركة رشوان مهى فيها ميزانية تسد عين الشمس , وغير كده انت المدير محدش يقدر يقولك بتعمل ايه ولا بتصرف ايه
شريف : انا بموت فى دماغك دى يا ماما , مع انى ساعات بخاف منها
شاهيناز : يا روح ماما دماغى دى هى ال مخليكم عايشين فى المستوى ده ولا انت فاكر ان كان ممكن جدك البخيل يطلع الفلوس دى بمزاجه , هات بقيت الورق يلا
_____________________
نيللى قعدة فى اوضتها بتبص على عمر وهو بيلبس
نيللى : هو فى ايه يا عمر , هو انت كل يوم خروج
عمر : وانتى مالك
نيللى : يعنى ايه انا مالى , وبعدين انت ايه حكايتك دى معامله واحد يعامل بيها عروسته
عمر : عروسته اااااه انا نسيت , زى ماانتى نسيتى فضيحة الفرح
نيللى : بقولك ايه هو انا كل ما اكلمك تقولى الفرح الفرح , هى خلاص بقيت حجتك ال مش بتخلص
عمر : انا نفسى اعرف حاجة , هو ليه الستات بعد الجواز بيبقو كومة نكد ؟
نيللى : انا ال منكده عليك يا عمر , احنا بقالنا شهرين متجوزين مشفتيش فيهم يوم عدل
عمر : وطول ماانتى بترغى كتير ولسانك مش جواه بوقك كل ايامك معايا هتكون زى الزفت يا نيللى خلاص , سلام عشان زنك انتى مش هيخلص
_____________________
مراد واقف قصاد روما الـ قعدة قدام مكتب وفى ورق قدامها
مراد : وعلى دى كمان
روما : اهو
مراد : وهنا كمان
روما : هو فى ايه انا بقالى اكتر من ساعه بمضى
مراد : هو انتى فى كل حاجة كده , امضى بقى
روما وهى بتمضى : اوعى يا مراد تكون بتخلى امضى على وصل امانه ولا حاجة
مراد : ياسلام ده على اساس انك مش فاهمه الورق , ده انتى تلاقيكى فاهمه اكتر منى
روما : خلاص بقى ولا لسه في تانى ؟
مراد : لا كده تمام , مبروك يا روما
_____________________
ندى قعدة فى اوضتها بتكلم أحمد فى التلفون
ندى : ههههههههههه يخرب بيت عقلك يا أحمد بتموتنى من الضحك
أحمد : ده انا ال بموت فى الضحكه دى
ندى : هو انت مش هتبطل بكش بقى
أحمد : انا بردو بكاش طب حتى تعالى شوفى قلبى , مش هتخلينى اشوفك بقى
ندى : الله , مش احنا بنتقابل كل يوم فى الكليه
أحمد : وهى مقابلة الكليه دى اسمها مقابله , وسط المحاضرات والطلبة , انا عايز نروح مكان كده لوحدنا بعيد عن الناس والدوشه
ندى : خلاص نتقابل فى اى كافيه
أحمد : بردو , بقولك بعيد عن الناس والدوشه , بس اوك كافيه كافيه المهم انى اشوفك , لحسن انتى وحشتينى مووووت
ندى : وانت كمان وحشتنى اوى
_____________________
شاهيناز قعدة فى صالون الفيلا تسمع جرس الباب بيضرب
شاهيناز : انتى يا زفتة مش سامعه الباب , انتى يا زفته , يوووووووووه يومك اسود
تقوم شاهيناز تفتح هى تلاقى مراد واقف قدامها
شاهيناز : ايه ده , انت ايه ال جابك هنا
مراد : انا جاى اقابل رشوان بيه
شاهيناز : وانا مش قلتلك لو جيت هنا تانى هكسرلك رجلك
مراد : حضرتك متقدريش
شاهيناز : انت اتجننت فى دماغك ولا ايه انت ازاى تتكلم معايا كده , ده يوم اهلك اسود
مراد : لا ماسمحلكيش وياريت تتكلمى كويس , انا محامى وممكن ارفع عليكى قضية سب قذف
شاهيناز : لا ده انت اتجننت رسمى ده انا هجيب الخادمين يرموك بره زى الكلب
مراد : مش من حقك يا فندم
شاهيناز : نعم !!
مراد وهو مبتسم : صاحبة البيت هى بس ال من حقها تقولى امشى ولا اقعد
شاهيناز : ههههه لا يا راجل ده انت شكلك شارب حاجة ومتقل فى الشرب , صاحبة البيت مين بقى
روما : انا
تبص شاهيناز وراها تلاقى روما نازله على السلم
شاهيناز : انتى ايه يااختى !!
روما : انا صاحبة البيت , والشركات , والمصانع , والرصيد ال فى البنك
, وكل حاجة انتى متمتعه بيها انا صاحبتها , روما محمود رشوان
شاهيناز بعدم فهم : يعنى ايه ؟!
مراد : يعنى رشوان بيه كتب كل ثروته لـ أنسة روما بيع وشراء ولها حق التصرف فى كل ممتلكاته
شاهيناز : انتم فى حاجة فى دماغكم انتم اكيد بتخارفو
رشوان وهو طالع من اوضة : لا يا شاهيناز مش بيخارفو , انا كتبت كل حاجة لـ روما
شاهيناز حست ان الدنيا ضلمت فى وشها وبصت لـ رشوان
شاهيناز بغل وصدمه فى نفس الوقت : عملتها يا رشوان
رشوان : ده اقل واجب ليكى يا شاهيناز
شاهيناز بصوت عالى جدا : ده انت هتشوف انا هعملك فيك ايه ده انا هنسفك نسف انت وهى
صوتها فضل يعلى اكتر لحد ما الخادمين اتلمو ونيللى وندى نزلو يجرو , وقبل ما يفهمو فى ايه كانت شاهيناز وقعت مغمى عليها
_____________________
نيللى قعدة بتعيط وكاميليا جنبها بتحاول تهديها وشريف جاى يجرى عليهم
شريف : ايه فى ايه ماما مالها ؟!
نيللى : مامى تعبانه اوى يا شريف
كاميليا : اهدى يا نيللى , اقعد يا شريف طنط تعبت بس شويه والدكتور عندها جواه وهيخرج يطمنأ
شريف : كان المفروض تروح مستشفى
كاميليا : ليه , اكيد حاجة بسيطه وبعدين ندى معاها جوا
بعد شويه خرج الدكتور من عند شاهيناز
نيللى : مامى مالها يا دكتور
شريف : استنى انتى , خير يا دكتور فى ايه ؟
الدكتور : فى ايه يا جماعه انتم قلقنين ليه , ده الضغط على بس شويه وانا اديتها حقنه هتريحها وان شاء الله على بره الصبح هتكون زى الفل
شريف : يعنى مش محتاجه نوديها المستشفى
الدكتور : ولا مستشفى ولا غيرو دى حاجة بسيطه
شريف وصل الدكتور لحد الباب ورجع , شريف دخل اوضة شاهيناز لاقيها نايمه وندى ونيللى قعدين جنبها
شريف : انا عايز افهم ايه ال حصل , ايه ال عمل فى ماما كده !!
ندى : انا كنت فى اوضتى سمعتها بتزعق نزلت لاقيتها كده
نيللى : وانا كمان نزلت على صوتها
شريف : طيب كانت بتزعق مع مين ؟!
نيللى : اه متهيألى كانت بتزعق مع الزفته ال اسمها روما
شريف : روما بردو روما
وراح شريف يدور على روما لحد ماسمع صوتها فى اوضة رشوان , راح فتح الباب ودخل عليهم
رشوان : ايه ده مش فيه باب تخبط عليه
شريف بنظرة غضب : عملتى ايه لـ امى يا روما
روما : وهى العقربه دى حد يعرف يعملها حاجة
شريف : لمى لسانك لا اقطعهولك
روما : هتكون ايدك مقطوعه قبلو
شريف : الاسلوب ده مش معايا انا ها , وانطقى عدل وقولى عملتى ليها ايه بالذوق بدل ما هتقولى بالعفيه
روما : انا هقولك عشان احرق دمك مش عشان خايفه منك عشان انت متقدرش تعملى حاجة , اما بقى عملت ايه للست الولده فامعملتيش حاجة , قلت ليها بس ان الارض ال انت واقف عليها دى بقيت ملكى والفلوس ال انت بتصرف فيها دى بتاعتى , كل ده اتكتب بأسمى بيع وشراء دخلت دماغك ولا لسه محتاج وقت زى امك
يتبع ✍️✍️✍️
