الحلقه ١٠
فى الشركه روما قعده على المكتبها يدخل عليها مراد مخضوض
روما : فيه ايه مالك يا مراد ؟!
مراد : فيه مصيبه يا روما
روما : ايه ال حصل ؟
مراد : ورق الصفقه الجديده اختفى
روما : ايه !! يعنى ايه اختفى ؟
مراد : مش موجود فى مكانه
روما : يعنى ايه هو مش كان معاك ؟
مراد : ايوه واديته للسكرتيره , دلوقتى طلبته السكرتيره قالتلى مش لاقيه قلبت الدنيا عليها مالوش أثر
روما : طب وبعدين
مراد : مش عارف , والمشكله ان المستثمرين على وصول
روما حطت ايدها على دماغها وقعدت وهى مش عارفه تعمل ايه
_____________________
شاهيناز اخدت الورق من شريف وخبيته عشان بعد كده تساوم عليه روما
شريف : هتعملى ايه دلوقتى بالورق ده
شاهيناز : هيفضل معايا
شريف : ليه ؟
شاهيناز : ضياع الورق ده من روما يعنى فضيحه للشركة وممكن اصحاب الورق يسجنوها , عايزة تنقذ نفسها تدفع تمنه
شريف : وهى هتوافق
شاهيناز : غصب عنها , ده انا وراها والزمن طويل
_____________________
روما فى قاعة الاجتماعات ومعاها مراد وقدامها المستثمرين
_ يعنى ايه الورق مش موجود ؟
مراد : يا فندم اكيد هنلاقيه
_ انا مش فاهم يعنى ايه ورق الصفقه يضيع منكم ؟
مراد : يا فندم اكيد فى حاجة غلط واحنا ......
_ انتم ايه ورق صفقه مهمه زى دى مش عارفين انتم شايلينو فين ؟
مراد : يا فندم اكيد الورق اتسرق احنا هنبلغ البلوليس وهو هيعرف يتصرف
_ بعد ايه مااكيد ال اخد الورق عرف ال فيه يعنى كارثه دى اسرار شغل
مراد : يا فندم احنا ..........
_ احنا ال غلطنين ان احنا قرارنا نتدخل معاكم فى صفقه الغلط علينا احنا
روما : متهيألى كفايه كده , بنقول فى احتمال كبير ان الورق اتسرق , احنا طول عمرنا شركة محترمه ودى اول مره تحصل
_ وانتى تعرفى الكلام ده ازاى مش بردو انتى لسه ماسكه الشركة من شهور قليله بردو , انا مش فاهم اصلا ازاى جدك يمشى شريف ويخليكى تمسكى انتى الشركة
روما بعصبيه : اسمع بقى انت ليك الورق بتاعك تدخل فى اى حاجة تانى لا , الورق بتاعك بالطول بالعرض هيجيلك النهارده والصفقه احنا ال مش عايزين نكلمها ولا عايزين نشتغل معاكم مره تانيه اكتر من كده مالكيش حاجة عندى
_ لما نشوف بس الورق لو مرجعيش انا ال هبلغ البلوليس
يخرج المستثمرين وروما متعصبه وعلى اخرها
مراد : خلاص يا روما اكيد هنلاقيه
روما وهى بتشرب سيجارة : فين البت السكرتيره ال كان معاها الورق
مراد : موجوده ليه ؟
روما : هاتهالى
_____________________
يروح مراد يجيب السكرتيره ويدخل لـ روما , روما اول ما تشوف السكرتيره تقوم من مكانها وتقربلها وتفضل بصلها شويه وبعدين تمسكها من شعرها
السكرتيره : ااااااااااااه
مراد : مينفعش كده يا روما
روما : اركن انت على جنب دلوقتى , الورق راح فين انطقى
السكرتيرة : والله مااعرف
روما : اخرسى ومتحلفيش بالله , عشان مااقطعيش لسانك ده
السكرتيرة : يا مدام روما الورق كان فى الدرج وبعدين بدور عليه ملقتهوش معرفيش راح فين , ااااه شعرى
روما : راح يتمشى , العفاريت خطفته , شيفانى عيله صغيرة قدامك
السكرتيرة : اااه شعرى شعرى , ارحمينى والنبى يا مدام روما
روما وهى بتشدها اكتر من شعرها : واحد انا مش مدام يا روح امك , اتنين مش انا ال يضحك عليا , تالته الورق كان معاكى فى درج مكتبك والمفتاح بردو معاكى يعنى محدش خدو غيرك , اربعه عايزة ترحمى نفسك منى تتكلمى وتقولى الورق راح فين عشان انتى مالكيش ديه عندى انا يا ماما اكلك وابلعك ويسألونى عليكى اقول مشوفتكيش يعنى تنطقى بالذوق بدل ما افرمك
السكرتيرة : اااااااااااااااه , حاضر حاضر هتكلم بس سيبى شعرى
روما : مش سايبه , اتكلمى
السكرتيرة : اه اه , شريف بيه هو ال اخدو
روما : كنت عارفه , اخدو منك صح انطقى
السكرتيرة : والله العظيم هتدينى , وقالى انه ممكن يلبسنى مصيبه ويقطع عيش من الشركة بفضيحه , ابوس ايدك الله يخليكى انا ماليش ذنب ابوس ايدك بلاش تودينى فى داهيه
روما : ده انا هوديكى ورا المريخ مش الشمس , بس اصبرى عليا , مراد اوعى تخلى البت دى تمشى لحد ما ارجعلها
مراد : رايحه فين ؟
روما : انت شايف ايه , رايحه اجيب الورق
_____________________
تمشى روما وتروح على الفيلا , واول ما توصل تطلع على اوضت شاهيناز وتدخلها على طول
شاهيناز وهى مبتسمة : مش كنتى تخبطى الاول
روما : الورق فين
شاهيناز : ورق ايه ؟!
روما بزعيق : انتى هتشتغلينى , الورق ال اخدو ابنك من الشركة , اييييييه عامله نفسك بريئه ومش عارفه
شاهيناز : طيب اهدى اعصابك مش كده اتكلمى حلو
روما : هاهاهاها معلش بقى اصل مش فاضيه احبك فيكى
شاهيناز : طيب اقعدى عشان نتفاهم
روما : انا وانتى نتفاهم , على ايه ان شاء الله
شاهيناز : على نظام الدفع , تدفعى كام وتخدى الورق
روما : يا بنت .......
شاهيناز : تغلطى هحرق الورق قدام عنيكى
روما : عايزة كام ؟
شاهيناز : ايوه كده اهدى , انا مش طماعه المصنع بتاعى محتاج 20 مليون , وده مش قليل على سمعة الشركة بتاعت جدك
روما : زى ماانتى عشان الفلوس تبيعى ابوكى
روما تطلع دفتر شيكات وتكتب شيك لشاهيناز
شاهيناز : ماانتى شاطره اهو وبتسمعى الكلام , امال كنتى زمان عنيده ومش عارفه مصلحة نفسك ليه
روما : الورق يا رأس العقرب
شاهيناز : طول عمرك قليلة أدب ولسانك طويل
روما وهى بتاخد الورق : اوى طويل اوى طول الحيه , حاسبى بقى لا يلف على رقبتك يطلع روحك
شاهيناز تبص لـ روما بستغراب وهى ماشيه وبعدين تبص للشيك وتضحك بفرحه وشماته
_____________________
كاميليا بتسوق العربيه بتاعتها , وهى سايقه يتصل بيها شريف
كاميليا : الو
شريف : انتى فين ؟
كاميليا : رايحه اشترى شوية حاجات
شريف : ومقلتيش ليه انك خارجه
كاميليا : انت مكنتيش فى البيت
شريف : بجد , مش فيه حاجة اسمها تلفون امال المحمول ده اخترعوه ليه
كاميليا : يووووووه انت على طول كده ايه يعنى خرجت من غير ما اقول , ماانا على طول بقول ايه ال اتغير يعنى
شريف : اتكلمى كويس
كاميليا : بقولك ايه انا سايقه وكده هعمل حادثه , لما ارجع نبقى نتخانق
تقفل كاميليا مع شريف وتوقف العربيه قدام عماره كبيرة , تدخل العماره وتطلع لحد ما توقف قدام باب شقه مكتوب عليها مهندس هانى مصطفى تخبط يفتحلها واحد يضحك اول ما يشوفها
كاميليا : ازيك يا هانى
هانى : وحشتينى يا حبيبتى
كاميليا وهى بتحضنه : وانت كمان وحشتنى اوى اوى يا حبيبى
هانى يحضنها اكتر ويدخلو ويقفل الباب
_____________________
روما راحت الشركه ومعاها الورق كان مراد لسه مستنيه
مراد : عملتى ايه ؟
روما : امسك الزفت اهو
مراد : ايه ده عرفتى تجبيه
روما : تخدو للمستثمرين وتقولهم الورق اهو ومش عايزة ولا اشتغل معاهم ولا اشوف وش حد فيهم
مراد : طيب خلاص الحمد لله الموضوع عدا على خير
روما : الحمد لله , بس تعمل ال قولتلك عليه
مراد : حاضر هعمل كل حاجة , هتعملى ايه مع السكرتيرة
روما : تمشى مش هتقعد لحظه فى الشركه وكويس اوى انى مش هبلغ عليها
مراد : حاضر
روما : مراد ابعتلى قهوة وسبنى لوحدى شويه
مراد : طيب انتى كويسه ؟
روما : كويسه بس سبنى لوحدى
خرج مراد وروما تولع سيجاره وتاخد منها نفس وتسكت شويه , بعدها تفضل تضحك بصوت عالى
_____________________
تانى يوم , شاهيناز داخله من باب الفيلا وهى بتشتم وتزعق , تلاقى روما خارجه من اوضة رشوان وبتضحك
روما : هههههههههههههه مالك يا شاهى بزعقى ليه اعصابك
شاهيناز : انا تعملى فيه كده , انا تدينى شيك من غير رصيد
روما : شربتى المقلب ههههههههههههههههه , امال كنتى فاكرنى هبله وهدفعلك 20 مليون , انا كتبت الشيك وفى لحظه روحت حولت حسابى لبنك تانى , مش انا ال حد ياخد منى حاجة انا مش عايزة اديهالو
شاهيناز : ماشى يا روما بس حسابك تقل عندى
روما : مين فين ال حسابه تقيل عند التانى
شاهيناز : لا بس انا بقى بحب اخد حسابى اول بأول , ماشى يا ماما
تبص روما لـ شاهيناز ومتتكلميش , وشاهيناز تبتسم وتخد بعضها وتمشى
يتبع ✍️✍️✍️
